စနိုးဝှိုက်ပုံပြင်ထဲက အိမ်​ကလေး ဝါရှင်တန်မှာတည်ဆောက်

နောက်ဆုံးတော့ ဒစ်စနေကာတွန်းချစ်သူတွေ အကြိုက်တွေ့စေမယ့် အိမ်မက်ကလေးတွေကို လက်တွေ့ဘ၀ထဲခေါ်လာပါပြီ။

စနိုးဝှိုက်ပုံပြင်ထဲက စနိုးဝှိုက်နဲ့လူပုကလေးများအတူနေခဲ့တဲ့အိမ်ကလေးဟာ အပြင်မှာ လက်တွေ့တည်ဆောက်ပြီးစီးလို့ နေဖို့အသင့်ဖြစ်နေခဲ့ပါပြီ။ ရစ်ချေ(Richey) နဲ့ ကာရင်မော်ဂန်(Karen Morgan)တို့ဟာ သူတို့ရဲ့အိမ်ကလေးကိုတည်ဆောက်ဖို့ ၁၉၇၀နောက်ပိုင်းနှစ်တွေကတည်းက စိတ်ကူးရခဲ့ပါတယ်။ အဲ့ဒီနောက်မှာ စတင်ပြီး ဂရုတစိုက်ပုံဖော်ခဲ့ကြပါတယ်။ အပိုင်းတွေခွဲလုပ်ရတာများတဲ့အပြင် သေချာလဲပြင်ဆင်ကြရတာမို့ သူတို့ဟာ အိမ်ကလေးကို အဆုံးမသတ်နိုင်ခဲ့ပါဘူး။ ၂၀၀၅ခုနှစ်မှာတော့ အီဗွန်ဘတ်စ်(Evonne Bess)က အိမ်ကလေးကို ဝယ်ယူပြီး ဆက်လက်တည်ဆောက်ခဲ့ပါတယ်။ ဒီနောက်တော့ အိမ်ကလေးဟာ အောင်အောင်မြင်မြင် ရုပ်လုံးပေါ်လာခဲ့ပါတယ်။



ဘတ်စ်က Kitsap Sun သတင်းစာကိုပြောတာက “ ကျွန်တော်ရဲ့အသည်းနှလုံးတွေ ပေါက်ကွဲထွက်တော့မလိုပါပဲ။ ကျွန်တော်ဟာ ဒီလိုလက်ရာမြောက်တာမျိုး နောက်တစ်ခုထပ်မတွေ့နိုင်တော့သလိုပါပဲ။ “ လို့ ပြောပါတယ်။ အိမ်ကလေးဟာ ၂၈၀၀စတုရန်းပေကျယ်ဝန်းပြီး အိပ်ခန်းလေးခန်းနဲ့ ရေချိုးခန်း လေးခန်းခွဲရှိပါတယ်။ ဆီးယက်တယ်(Seattle)မြို့နေ မိနစ်၉၀လောက် ကားမောင်းရင် ရောက်မယ့် ၀ါရှင်တန်(Washington)၊ အော်လာလာမြို့(Olalla)ကလေးက ငါးဧကကျယ်ဝန်းတဲ့ မြေပေါ်မှာ ဆောက်လုပ်ထားပါတယ်။ ၁၉၈၂ခုနှစ်မှာ စတင်ဆောက်လုပ်ပြီး ဒစ်စနေပုံပြင်ထဲက လူပုလေးတွေရဲ့အိမ်ကလေးပုံစံ အတုယူဆောက်လုပ်ထားတဲ့ ဒီအိမ်ကလေးဟာ အခုအချိန်မှာ အမေရိကန်ဒေါ်လာ ၇၇၅၀၀၀ တန်ကြေးရှိပါတယ်။



အိမ်ကလေးကို လက်ဖြတ်သစ်သားများ၊ လှပတဲ့ ဖန်ပြတင်းလေးများနဲ့ ဂူပုံစံထွင်းထုထားတဲ့နံရံများနဲ့ အလှဆင်ထားပါတယ်။ အိမ်ထဲမှာ ကျောက်တုံးမီးလင်းဖိုအကြီးကြီးတစ်ခုရှိပြီး မီးဆိုင်းတွေလည်းအများကြီးရှိသလို သစ်ပင် ပင်စည်ပုံစံအလင်းချောင်းတွေကလည်း နေရာအနှံ့ပါပဲ။ မီးဖိုချောင်ဆိုရင်လည်း သံမဏိပစ္စည်းတွေ သစ်သားမီးဖိုတွေ အပြင် ပီဇာပါလုပ်လို့ရတဲ့ မီးဖိုတစ်ခုပါဝင်ပြီးသားဖြစ်ပါတယ်။ ဘေစင်ပေါ်မှာလည်း အလင်းရောင်ကောင်းကောင်းရစေပြီး ခြံဝင်းတစ်ခုလုံးကိုလှမ်းမြင်ရတဲ့ ပြတင်းပေါက်အကြီးကြီးတွေပါပါတယ်။ အခန်းထောင့်လေးတွေတိုင်းဟာ အ၀ိုင်းပုံစံလေးတွေဖြစ်ပါတယ်။ ခြံဝင်းထဲမှာလည်း ရောင်စုံပလက်ဖောင်းလေးများ၊ မှိုပုံစံသစ်ပင်လေးများ၊ ရေပူစမ်းလေးများ၊ ရေပန်းကလေးများနဲ့ အလှဆင်ထားတာမို့ အတော်နေချင်စရာ အိမ်ကလေးဖြစ်မှာ သေချာပါတယ်။


Ref: Teen Vogue :Snow White-Inspired House in Washington Goes Up for Sale


Sophia(ရိုးရာလေး)