အပြင်လောကကိုပါ ရိုက်ခတ်မှုများစွာဖြစ်စေတဲ့ ရုပ်ရှင်ဇာတ်ကားများ

ရုပ်ရှင်ဇာတ်ကားကောင်းတစ်ကားဟာ အတွေးခေါ်အသစ်တွေကို ဖြန့်ဝေပေးနိုင်ရုံမက ပြင်ပနေထိုင်မှုဘဝနဲ့ စီးပွားရေးဈေးကွက်တွေကိုပါ ပြောင်းလဲမှုတွေ ဖြစ်စေနိုင်ပါတယ်။

ဒီနေ့တော့ ဇာတ်ဝင်ခန်းတစ်ခန်းကြောင့် အပြင်လောကအတွက် ပြောင်းလဲမှုတွေ ဖြစ်ပေါ်စေခဲ့တဲ့ ရုပ်ရှင်ဇာတ်ကား အချို့ကိုဖော်ပြပေးသွားမှာဖြစ်ပါတယ်။

Black Panther

Marvel Studio က ရိုက်ကူးထုတ်လုပ်လိုက်တဲ့ Black Panther ရုပ်ရှင်ကို ကြည့်ရူကြပြီးနောက်မှာတော့ တိရစ္ဆာန်ထိန်းသိမ်းရေးဂေဟာတွေက အနက်ရောင်ကြောင်ကလေးတွေကို ခေါ်ယူမွေးစားတဲ့ အရေအတွက်ဟာ သိသိသာသာကို တိုးလာခဲ့ပါတယ်။ အချို့ထိန်းသိမ်းရေးဂေဟာတွေမှာတော့ ကြောင်နက်ကလေးတွေ မရှိသလောက်ကို ဖြစ်သွားခဲ့ပါတယ်။ အရင်တုန်းက ကြောင်နက်တွေဟာ မကောင်းဆိုးဝါးတွေ ဝင်စားတယ်လို့ ယူဆခဲ့ကြပြီး ကံမကောင်းစေတဲ့ အယူအဆတစ်ခု ရှိခဲ့တဲ့အတွက်ကြောင့် အိမ်မွေးတိရစ္ဆာန်အဖြစ် မွေးယူမှု နည်းပါးခဲ့ပါတယ်။

 

Bambi

တောတွင်းတိရစ္ဆာန်လေးများအကြောင်း ရိုက်ကူးထားတဲ့ Disney ရဲ့ Bambi ကာတွန်းကား ရုံတင်ပြသပြီးနောက်မှာ အမဲလိုက်မှုများ တစ်ဝက်လောက် လျော့ကျသွားခဲ့ပါတယ်။ Bambi ကာတွန်းကား ထွက်ရှိခဲ့တဲ့ ၁၉၄၂ ခုနှစ်မှာ မုဆိုးတော်တော်များများဟာ သူတို့ရဲ့ အမဲလိုက်ဝါသနာကို စွန့်လွှတ်ခဲ့ကြပါတယ်။ အဲ့သလိုစွန့်လွှတ်တာကို Bambi Effect လို့ ပြောဆိုလေ့ ရှိခဲ့ဖူးပါတယ်။

 

Jaws

Jaws ရုပ်ရှင်ပြသပြီးနောက် ပင်လယ်ကမ်းခြေများကိုသွားရောက်အနားယူတဲ့အခါ ငါးမန်းအန္တရာယ်သတိပြုမှုတွေ များပြားလာခဲ့သည်။ အမှန်တကယ်တော့ ငါးမန်းတွေဟာ လူတွေ ရေကူးပျော်ပါးလေ့ရှိတဲ့ ပင်လယ်ကမ်းခြေနေရာမျိုးကို လာရောက်လေ့သိပ်မရှိကြပေါဘူး။ ဒါပေမဲ့အနားယူအပန်းဖြေရာမှာ ပိုမိုပြီးစိတ်ချလုံခြုံမှု ရရှိစေဖို့ စည်းကမ်းသစ်တွေ ထပ်မံချမှတ်ကြပြီး အကာအကွယ်ပိုက်တန်းချထားမှုတွေပါ ဆောင်ရွက်လာခဲ့ကြပါတယ်။

 

Skyfall

ရှေးကျတဲ့မုတ်ဆိတ်ရိတ်ဓားအသုံးပြုပြီး မုတ်ဆိတ်ရိတ်တဲ့ ဇာတ်ဝင်ခန်းကြောင့် Skyfall ရုပ်ရှင်ပြသပြီးနောက်မှာ Google Search Box အတွင်း Dangerous Razor ဆိုတဲ့ ရှာဖွေမှုဟာ ၇၃၅ ရာခိုင်နှုန်းအထိ မြင့်တက်သွားခဲ့ပါတယ်။ ဇာတ်လမ်းထဲမှာအသုံးပြုခဲ့တဲ့ မုတ်ဆိတ်ရိတ်ဓားဟာ ခေတ်ပေါ်မုတ်ဆိတ်ရိတ်ဓားများထက် မာကျောကြံ့ခိုင်မှု ပိုရှိပြီး Skyfall ရုပ်ရှင်ပြသပြီးနောက်ပိုင်း ရောင်းချရမှုဟာ ၄၀၅ရာခိုင်နှုန်းအထိ မြင့်တတ်သွားခဲ့ပါတယ်။

 

Baywatch

Baywatch ရုပ်ရှင်ကြောင့် လူငယ်ပေါင်းများစွာဟာ သက်ကယ်အဖွဲ့ဝင်များအဖြစ် ဝင်ရောက်လျောက်ထားမှု ပိုပြီးများလာခဲ့ပါတယ်။ ရုပ်ရှင်ထဲမှာပါဝင်ခဲ့တဲ့ အနီရောင်ရေကူးဝတ်စုံတွေဟာလည်း ကမ်းခြေသက်ကယ်အဖွဲ့များရဲ့ အဝတ်အစားဖြစ်လာခဲ့ကြပြီး ကမ်းခြေသက်ကယ်အလုပ်ဟာ ဝင်ငွေကောင်းတဲ့ အလုပ်တစ်ခု ဖြစ်လာခဲ့ပါတယ်။

 

Jurassic Park

Jurassic Park ဇာတ်ကားကြောင့် အင်းဆက်ရုပ်ကြွင်း ပါဝင်တဲ့ ပယင်းကျောက်တွေကို ဝယ်ယူမှု မြင့်တက်လာခဲ့ပါတယ်။ ဒိုင်နိုဆောတွေကို ကိုယ်ပွားကလုန်းပြုလုပ်ဖို့ အကြံအစည်တွေလည်း ရှိလာခဲ့ကြပါတယ်။

 

Paradise(ရိုးရာလေး)