ပရိုတင်းဓာတ်လွန်ကဲစွာ စားသုံးနေမိပြီလား။

ပရိုတင်းဓာတ်ဆိုတာ နေ့စဉ်စားသုံးမှုအစာအာဟာရထဲမှာ လိုအပ်တဲ့ အသားဓာတ်ဖြစ်ပါတယ်။

ပရိုတင်းဓာတ်ဟာ အားပြည့်ဝစေခြင်း၊ ကြွက်သားသန်မာစေခြင်း၊ ကိုယ်ခံအားတိုးစေခြင်းအစရှိတဲ့ အကျိုးကျေးဇူးများစွာရှိတာကြောင့် လူ့ခန္တာကိုယ်အတွက် မရှိမဖြစ်လိုအပ်တဲ့ ဓာတ်တစ်မျိုးပါ။ ဒါပေမယ့်လည်း တန်ဆေးလွန်ဘေးဆိုသလိုပါပဲ အလွန်အမင်းစားသုံးနေမိရင်တော့ သူ့မှာလဲဘေးထွက်ဆိုးကျိုးတွေ ရှိလာတတ်ပါတယ်။ ပရိုတင်းဓာတ်လွန်ကဲနေကြောင်း ခန္တာကိုယ်က အချက်ပြမှုလေးတွေရှိပါတယ်။ စာဖတ်သူတို့သတိမမူမိလောက်တဲ့ ဒီအချက်လေးတွေကို ဖော်ပြလိုက်ပါတယ်။

၁။ စိတ်မသက်မသာဖြစ်နေခြင်း

အလုပ်မှာပဲဖြစ်စေ ကိုယ်ရေးကိုယ်တာပဲဖြစ်စေ ကိစ္စကြီးငယ်မရှိပါပဲ အမြဲလိုလိုခေါင်းခဲပြီး စိတ်မပျော်တာ၊ စိတ်ပျက်တာ ဖြစ်နေရင်တော့ ဒါဟာပရိုတင်းလွန်ကဲနေတဲ့ လက္ခဏာတစ်ခုဖြစ်နိုင်ပါတယ်။ ဒါကိုဖြေရှင်းချင်ရင် ကာဗွန်ဟိုက်ဒရိတ်ကြွယ်ဝတဲ့ အသီးဖျော်ရည်၊ ဒိန်ချဉ်နဲ့ဂျုံမုန့်တွေကို စားသုံးပေးသင့်ပါတယ်။

၂။ ပင်ပန်းနွမ်းနယ်နေခြင်း

တစ်နေကုန် ဘာမှလည်းများများစားစားအလုပ်မလုပ်ရပဲ ဦးနှောက်ကဘာကိုမှ မစဉ်းစားနိုင်လောက်အောင် ပင်ပန်းနွမ်းနယ်နေတာ မျက်လုံးတောင်မနည်းအားတင်းပြီးဖွင့်နေရတာ ဒါတွေကလည်း သင့်ခန္တာကိုယ်စနစ်ထဲမှာ ပရိုတင်းဓာတ်တွေ လိုအပ်တာထက်ပိုများနေပြီလို့ သတိပေးနေတာ ဖြစ်နိုင်ပါတယ်။

၃။ အချိန်တိုင်းလိုလို ဆာလောင်နေတတ်ခြင်း

မနက်စာနဲ့ နေ့လည်စာကြားမှာ အချိန်နည်းနည်းပိုမိုကွာဟသွားတဲ့အခါ အလွန်ဗိုက်ဆာလာပြီး တဖြည်းဖြည်းစိတ်တိုလာပါတယ်။ ဒါဟာတစ်ခါတစ်လေဖြစ်နေရင်တော့ ကိစ္စမရှိပါဘူး။ တစ်နပ်နဲ့တစ်နပ်သိပ်မကွာတာတောင်မှ စိတ်မရှည်တွေဖြစ် ဒေါသတွေလွန်ကဲနေရင်တော့ ပရိုတင်းဓာတ်လွန်ကဲနေပါပြီ။

၎။ ကိုယ်အလေးချိန်တွေ တက်လာခြင်း

ဒါကတော့ သိသာထင်ရှားတဲ့အချက်တစ်ခုပါ။ အသားဓာတ်လွန်ကဲလာသလို ကယ်လိုရီများစွာပိုလျှံစေပြီး အဆီတွေကိုလည် မခြေဖျက်နိုင်တော့ပါဘူး။ တခြားဓာတ်တွေနဲ့ မျှတအောင် ပြန်လေ့ကျင့်စားသုံးဖို့ အကြံပြုပါရစေ။

၅။ အစာမကြေ ဝမ်းချုပ်လာတတ်ခြင်း

အစာခြေဖျက်ခြင်းလုပ်ငန်းစဉ်ဟာ ပုံမှန်ဖြစ်နေမှ လူ့ခန္တာကိုယ်ဟာ ပုံမှန်အလုပ်လုပ်နိုင်ပါတယ်။ ပရိုတင်းစားသုံးမှု သိပ်များပြားလာပါက အစာခြေဖျက်မှုကို သွားထိခိုက်နိုင်ပါတယ်။ အစာကြေဖို့အတွက် လိုအပ်တဲ့ အမျှင်ဓာတ်တွေဆုံးရှုံးပြီး ဝမ်းချုပ်စေတတ်ပါတယ်။ ခဏခဏဝမ်းချုပ်တာမျိုးဖြစ်နေရင် ပရိုတင်းဓာတ်တွေများပြားလွန်းနေကြောင်း သတိပေးချက်တစ်ခုလို့ မှတ်ယူလိုက်ပါ။

၆။ ရေမကြာခဏဆာနေတတ်ခြင်း

သိပ်မထင်ရလောက်ပေမယ့် ဒါဟာ ပရိုတင်းလွန်ကဲမှုရဲ့လက္ခဏာဖြစ်နေတတ်ပါတယ်။ ကျောက်ကပ်တွေဟာ များပြားလာတဲ့ပရိုတင်းဓာတ်တွေကို အချိန်ယူခြေဖျက်နေရတဲ့အတွက်ဖြစ်ပေါ်လာတဲ့ ဘေးထွက်ဆိုးကျိုးတစ်ခုပါ။ ပိုဆိုးလာရင် သည်းခြေကျောက်တည်တာမျိုးအထိ ဖြစ်တတ်ပါတယ်။

၇။ ခံတွင်းအနံ့ဆိုးထွက်ခြင်း

ဒါကတော့ သိသာတဲ့အချက်တစ်ခုပါ။ အသီးအရွက်တွေ အစားနည်းပြီး အသားတွေပိုစားဖြစ်နေတဲ့အခါ ခံတွင်းအနံ့က သိပ်မကောင်းနိုင်ပါဘူး။ ကိုယ့်ရဲ့ပေါင်းသင်းဆက်ဆံရေးတွေကိုပါ ထိခိုက်နိုင်ချေရှိတာမို့ သတိမူသင့်ပါတယ်။

Sophia (ရိုးရာလေး)

Ref : Rd : 7 Signs You Could Be Eating Too Much Protein