အမြဲလိုလိုဗိုက်ဆာရခြင်း၏ ဆေးပညာဆိုင်ရာအကြောင်းရင်းများ

ဘယ်လောက်စားစား ဗိုက်မဝဘူးလို့သင်ခံစားနေရပါသလား။ ဘယ်လိုအကြောင်းကြောင့်လဲတွေးကြည့်ဖူးလား။ ဆေးပညာရှုထောင့်က သုံးသပ်ကြည့်ရင် အမြဲလိုလို ဗိုက်ဆာ နေတာကအောက်ပါ အကြောင်းရင်းများကြေင့်ဆိုတာ တွေ့ရှိရပါတယ်။

၁။ စိတ်ဓာတ်ကျခြင်း စိတ်ဓာတ်ကျနေတဲ့လူတွေအတွက် အစားက အကောင်းဆုံးဖြေရှင်းနည်းပါပဲ။ သူတို့မှာ ပျော်ရွှင်စေတဲ့ ဆီရိုတိုနင်ဟော်မုန်း လုံလုံလောက်လောက်မရှိတဲ့အတွက် ပေါင်မုန့် တို့ ပါစတာတို့ကိုစားသုံးရင် ဆီရိုတိုနင်ပမာဏမြင့်လာနိုင်လို့စားသုံးတာပါ။ စိတ်ဓာတ်ကျနေချိန်မှာ စိတ်ပျော်ရွှင်ဖို့လာကျွေးတဲ့ဘယ်အစားအစာမဆို စားချင်တာကြောင့် ခဏခဏဗိုက်ဆာနေတာပါ။

၂။ စိတ်ဖိစီးမှုများခြင်း လူတွေထိတ်ရွံ့ကြောက်လန့်နေချိန်မှာစိတ်ဖိစီးမှုဟော်မုန်း cortisol ကခန္ဓာကိုယ်ထဲစီးသွားပြီးဗိုက်ဆာနေတယ်လို့ထင်ယောင်ထင်မှားဖြစ်အောင်လုပ်ပါတယ်။cortisol ဟော်မုန်းက ဗိုက်ပြည့်နေပေမယ့် ဗိုက်မဝသေးသရောင်ဦးနှောက်ကိုသွားရောက်လှုံ့ဆော်တဲ့အတွက် ဆာပြီးရင်းဆာဖြစ်နေတာပါ။

၃။ လည်ပင်ကြီးဟော်မုန်းများခြင်း အမြဲတမ်းဗိုက်ဆာနေမယ် ၊သာမန်ထက်ပိုပြီးစားပေမယ့် ကိုယ်အလေးချိန်ကလျော့လျော့သွားတယ်ဆိုရင်သင့်မှာလည်ပင်းကြီးဟော်မုန်းအရမ်းမြင့်နေလို့ပါ။ဆာလောင်မှုနှင့်အတူ မောပန်းနွမ်းနယ်ခြင်း ၊ လက်သည်းကြွပ်ဆတ်ခြင်း ၊ ဆံပင်ကျွတ်ခြင်း ၊စိတ်ခံစားမှုမကောင်းခြင်းတွေပါကပ်ပါလာရင်တော့ သင့်မှာ လည်ပင်းကြီးဟော်မုန်းများနေတယ်ဆိုတာသေချာပါပြီ။

၎။ အဝလွန်ခြင်း အစားလွန်ခြင်းက အဝလွန်စေတယ်ဆိုပေမယ့် အဝလွန်ခြင်းကလည်း ခဏခဏစားချင်စိတ်ဖြစ်အောင်ဖန်တီးပေးပါတယ်။အဆီပိုတွေများလာတဲ့အခါအင်ဆူလင်ပမာဏမြင့်တက်လာပြီးစားချင်စိတ်ကပိုများလာပါတယ်။ဒီအဆီပိုတွေကထုတ်လုပ်တဲ့ဟော်မုန်းဓာတ်က ပိုပြီးစားစေတဲ့အတွက် သာမန် ခန္ဓာကိုယ်ပိုင်ရှင်တွေထက် အဝလွန်သူတွေကပိုစားတာပါ။

၅။ ဆီးချိုရောဂါ ဆီးချိုသမားတွေရဲ့ သွေးသကြားပမာဏ အမြဲတမ်းပြောင်းနေတာကြောင့် သွေးသကြားကိုပြန်ထိန်းရင်း ခဏခဏ ဆာနေတာပါ။သွေးသကြားပမာဏနည်းရင်အစာစားချင်စိတ်ဖြစ်ပေါ်လာသလို များပြန်ရင်လည်း စားချင်စိတ်ကပိုပိုတိုးလာပါတယ်။

၆။ ရာသီဓမ္မတာလာချိန် ရာသီဓမ္မတာလာချိန်မှာဟော်မုန်းအပြောင်းအလဲဖြစ်တာကြောင့် ခန္ဓာကိုယ်မှာအားအင်လိုအပ်ပြီး ဗိုက်ဆာတာပါ။ဒီလိုအချိန်တွေဆို အမျိုးသမီးများပင်ပန်းနွမ်းနယ်ပြီး ရေဓာတ်ကုန်ခမ်းကြပါတယ်။ဒါကြောင့်ခန္ဓာကိုယ်မှာ ကယ်လိုရီများများလိုတဲ့အတွက် ဆာလောင်နေတာပါ။

၇။ အိပ်မပျော်ခြင်း တစ်ညကိုအိပ်သင့်တဲ့ အချိန်ပမာဏအတိုင်းမအိပ်ဘဲ နေမယ်ဆိုရင်တော့ မနက်နိုးလာချိန်မှာဆာလောင်မှုကိုထိန်းထားပေးတဲ့ဟော်မုန်းကပုံမှန်မဖြစ်တော့ပါဘူး။ခန္ဓာကိုယ်မှာကယ်လိုရီမလိုအပ်တာတောင်စားချင်သောက်ချင်စိတ်တွေဖြစ်ပေါ်လာအောင်ထိုဟော်မုန်းကလုပ်ဆောင်ပေးပါတယ်။ဒါကြောင့်အိပ်ရေးဝဝမအိပ်ရင်လည်းခဏခဏဗိုက်ဆာနေမှာပါပဲ။

 

Ref: Reader's Digest: 10 Medical Reasons You’re Always Hungry  

May Moe (ရိုးရာလေး)