နေပူထဲက ပြန်ရောက်ရောက်ခြင်း ဘာကြောင့် အဲကွန်းလေမခံသင့်ရသလဲ

အဲကွန်းလေခံယူခြင်းနဲ့ပတ်သက်တာတွေ၊ အစားအစာ ရောနှောစားသောက်တာတွေ၊ ရေချိုးချိန် စတာတွေနဲ့ပတ်သက်ပြီး သတိပေးစကားတွေကို ကျွန်မတို့ လိုက်နာတတ်ကြပါတယ်။

ဒါပေမဲ့ ဘယ်လိုလုပ်လို့ ဘယ်လိုအကျိုးဆက်ဖြစ်ရတယ်ဆိုတဲ့ အချက်အလက် မှန်ကန်တိကျမှုတော့ ရေရေရာရာ မရှိကြပါဘူး။

ဒါကြောင့် ဒီလိုသတိပေးစကားတွေထဲကမှ နေပူထဲကနေ ပြန်လာချိန်မှာ အဲကွန်းဖွင့်ထားတဲ့နေရာမှာ ဘာကြောင့် မနေသင့်ရသလဲဆိုတာကို မှန်ကန်တိကျတဲ့အချက်အလက်များနဲ့ ပြောပြပေးလိုက်ပါမယ်။

ကျန်းမာရေးအား အကျိုးသက်ရောက်မှုသိသိသာသာ အပူချိန်ပြောင်းလဲခြင်းက လူ့ကျန်းမာရေးအတွက် သက်ရောက်မှုတွေရှိပါတယ်။ အပြင်အပူချိန်နဲ့ အတွင်းအပူချိန် ခြားနားမှုက များစွာပိုပြီး သိသိသာသာရှိပါတယ်။ အပူချိန် ရုတ်တရက်ပြောင်းလဲသွားခြင်းဟာ အလျင်အမြန် နေသားကျသွားစေဖို့ အတင်းအကျပ်တိုက်တွန်းခိုင်းစေခြင်းဖြစ်တဲ့အတွက် ခန္ဓာကိုယ်ကို ဖိစီးမှုတွေဖြစ်စေပါတယ်။

ဒီလိုလုပ်ဆောင်ခြင်းဟာ ဖျားနာစေခြင်း၊ ရောဂါကူးစက်မှု ဘေးအန္တရာယ်ပိုမိုတိုးမြင့်ခြင်း စတဲ့ ကျန်းမာရေးပြဿနာအမျိုးမျိုး ဖြစ်စေနိုင်ပါတယ်။ ကျွမ်းကျင်သူတွေ ပြောကြားချက်အရ အပူချိန်ဟာ ၂၃-၂၅ဒီဂရီဆဲလ်ဆီးယပ်စ် ဝန်းကျင်ရှိတာ အကောင်းဆုံးဖြစ်ပါတယ်။

အဲကွန်းဖြင့် ရုတ်တရက်အပူချိန်ကျဆင်းသွားခြင်း၏ ကျန်းမာရေးအန္တရာယ်များနှာပိတ်ခြင်း၊ ကြွက်သားများ နာကျင်ကိုက်ခဲခြင်း၊ ခေါင်းတစ်ခြမ်းကိုက်ခဲခြင်း စတဲ့ ကျန်းမာရေးပြဿနာတွေဟာ နေပူထဲက ပန်လာပြီး အဲကွန်းလေရှိတဲ့ ပတ်ဝန်းကျင်မှာ နေထိုင်ခြင်းကြောင့် ပိုမိုဆိုးရွားလာစေနိုင်ပါတယ်။

ဒီထဲကမှ အကြီးမားဆုံးကျန်းမာရေးပြဿနာတွေကတော့ -

၁။ အသက်ရှုမှု အနှောင့်အယှက်ဖြစ်ခြင်းအဲကွန်းမရှိတဲ့ နေရာတစ်ခုကနေ အဲကွန်းရှိတဲ့ နေရာတစ်ခုကို ရုတ်တရက် မကြာခဏ အပြောင်းအလဲဖြစ်စေခြင်းကြောင့် အသက်ရှုခြင်းဆိုင်ရာ လုပ်ဆောင်ချက်တွေကို အနှောင့်အယှက်ဖြစ်စေတတ်ပါတယ်။ ဒါကြောင့် ပန်းနာ၊ ချောင်းဆိုးရင်ကျပ်နာ၊ ဓာတ်မတည့်ခြင်းနဲ့ နှာပိတ်ခြင်းတွေကို ရုတ်တရက်ဖြစ်စေနိုင်ပြီး အသက်ရှုခြင်းဆိုင်ရာ လုပ်ဆောင်ချက်တွေကို အနှောင့်အယှက်ပေးနိုင်ပါတယ်။

၂။ အရေပြား ပြဿနာများပူလွန်းခြင်းကနေ အအေးကို ရုတ်တရက်ပြောင်းလဲခြင်းဟာ ခန္ဓာကိုယ်အတွက် ဆိုးကျိုးတွေ ဖြစ်စေနိုင်ပါတယ်။ အရေပြားပေါ်မှာ အပြင်းထန်ဆုံးပါပဲ။ အထူးသဖြင့် မျက်နှာပြင်အသားအရေဟာ များစွာပိုပြီး ပါးလွှာတဲ့အတွက် ခုခံနိုင်မှုအား နည်းပါးပါတယ်။ ရုတ်တရက် သတိမထားမိနိုင်ပေမဲ့ အကြိမ်ကြိမ်အဖန်ဖန် လုပ်ဆောင်မိတာကြောင့် အသက်အရွယ်အိုမင်းမှု လက္ခဏာ တိုးတက်မြင့်မားလာနိုင်ပါတယ်။

ဒီလိုရုတ်တရက် ပြောင်းလဲခြင်းဟာ အသားအရေနဲ့ မျက်စိတို့မှာလည်း ခြောက်သွေ့မှုကိုဖြစ်စေနိုင်ပါတယ်။ အသက်ရှုလမ်းကြောင်းတွေလိုပဲ အရေပြားဟာ ရုတ်တရက် အပူချိန်ပြောင်းလဲခြင်းကြောင့် အစိုဓာတ်ကို ထိန်းသိမ်းခြင်းနဲ့ ထုတ်လွှတ်ခြင်း နှစ်ခုအကြား ချိန်ညှိရမှုကို တိုက်ခိုက်လွန်ဆွဲကြရပါတယ်။

၃။ နှလုံးရောဂါနှလုံးရုတ်တရက်ဆောင့်တက်မှု မြင့်မားလာခြင်းဟာ လေအေးကြောင့်ဖြစ်ပါတယ်။ သွေးဖိအားနဲ့ သွေးခဲမှုပုံစံ မြင့်တက်လာပြီး သွေးကြောတွေက အအေးဓာတ်နဲ့အတူ တင်းကျပ်လာပါတယ်။ ရုတ်တရက်အပူချိန် ပြောင်းလဲခြင်းကြောင့် ဒီလိုကျန်းမာရေးဘေးအန္တရာယ်မျိုးတွေဟာ ကြုံတွေ့ရမှု ပိုမိုမြင့်တက်လာနိုင်ပါတယ်။

တစ်ဒီဂရီဆဲလ်ဆီးယပ်စ်လောက် ရုတ်တရက် အပူချိန်ကျဆင်းသွားလျှင်တောင် ရက်သတ္တပတ် ၃-၄ပတ်ကျော်လာရင် နှလုံးရုတ်တရက်ဆောင့်တက်မှုနဲ့ ဆက်နွယ်လာတာမျိုး ရှိကြောင်း ဗြိတိသျှဆေးပညာဂျာနယ်မှာ ဖော်ပြထားတဲ့ လေ့လာချက်တစ်ခုမှာ တွေ့ရှိရပါတယ်။

၎။ ရောဂါကူးစက်မှုအပူ အအေးပတ်ဝန်းကျင် နှစ်ခုအကြား ရုတ်တရက်ပြောင်းလဲခြင်းကြောင့် လူတွေကို ရောဂါကူးစက်မှု ခံနိုင်ရည် လျော့နည်းစေပါတယ်။ ဒါကြောင့် အသက်ရှုလမ်းကြောင်းနဲ့ မျက်စိရောဂါကူးစက်မှုတွေ နွေရာသီမှာ ပိုအဖြစ်များပါတယ်။ ဒါ့အပြင် အသက်ရှုလမ်းကြောင်း ခြောက်သွေ့ခြင်းကြောင့် လေထဲကတစ်ဆင့် ကူးစက်တဲ့ ရောဂါပိုးမွှားတွေရဲ့ ဘေးအန္တရာယ်ဟာလည်း ပိုမိုမြင့်တက်လာနိုင်ပါတယ်။

ဒါကြောင့် ဒီလိုဘေးအန္တရာယ်တွေကို ရှောင်ရှားနိုင်ဖို့အတွက် နေ့လည် ၁၂နာရီမှ ၄နာရီအကြား အပြင်မထွက်နိုင်အောင် တတ်နိုင်သလောက် ကြိုးစားကြည့်ပါ။ ရုံးတွေ၊ ဈေးဝယ်စင်တာတွေမှာလည်း အပူချိန် ၂၄ဒီဂရီဆဲလ်ဆီးယပ်စ်အောက် ထားရှိခြင်းကို ရှောင်သင့်ပါတယ်။

ပိုပြီးအရေးကြီးတာကတော့ အိမ်ပြန်ရောက်ရောက်ခြင်းမှာ ချက်ချင်းအအေးမခံဖို့ပါပဲ။ မိနစ်အနည်းငယ်လောက် အမောဖြေနားရင်း စောင့်ပါ။

 

Ref : Top Buzz “Why You Shouldn’t Turn On Your AC As Soon As You Step In From The Heat”

Htet Htet Tin Zar (ရိုးရာလေး)