ဗိုက်က အဆီ ဘာလို့ မကျရတာလဲ

ဗိုက်ခေါက်ထူလာလို့ ကိုယ်ကြိုက်တဲ့ အဝတ်အစားလေးတွေ မဝတ်နိုင်တော့တဲ့ အခါ စိတ်မသက်အသာ ဖြစ်ရသူတွေ အများကြီး ရှိပါတယ်။

လ့ကျင့်ခန်း၊ အစားအသောက်တွေနဲ့ အဆီကျဖို့ ကြိုးစားနေရင်တောင် ဗိုက်ကအဆီတွေ မကျသွားတာတွေ ရှိပါတယ်။ ဒီတစ်ပတ်မှာတော့ ဗိုက်က အဆီဘာကြောင့် လွယ်လွယ်မကျရသလဲဆိုတဲ့ အကြောင်းရင်းတွေကို မျှဝေလိုက်ရပါတယ်။


၁) အရက် သောက်တာ -  အရက်ပုံမှန် သောက်သုံးတွေ ၊ ပမာဏများများ သောက်သုံးသူတွေဆိုရင် ဗိုက် အဆီကျဖို့ ခဲယဉ်းပါတယ်။


၂) အသက်ကြီးလာတာ - အသက်ကြီးလာတာနဲ့ အမျှ ဇီဝကမ္မဖြစ်စဉ်တွေ ပြောင်းလဲလာပြီး ဗိုက်က အဆီကို လျှော့ချဖို့ ခက်ခဲလာတယ်လို့ သိရပါတယ်။


၃) လေ့ကျင့်ခန်းလုပ်ပုံလုပ်နည်း မှားနေတာ - တိကျပြီး ထိရောက်တဲ့ လေ့ကျင့်ခန်းမျိုး မဟုတ်တာတွေ၊ လေ့ကျင့်ခန်းလုပ်ပါလျက်နဲ့ ပုံစံမမှန်ကန်တာတွေ ဖြစ်နေရင် ဗိုက်အဆီ ကျဖို့အတွက် ထိရောက်စေမှာ မဟုတ်ပါဘူး။ ထိရောက်တဲ့ အနေအထားထိ မလုပ်ဘဲ ပေါ့ပေါ့ပါးပါးဘဲ လုပ်နေရင်လည်း ထူးခြားလာမှာ မဟုတ်ပါဘူး။


၎) သဘာဝမဟုတ်တဲ့ အစားအသောက်တွေ စားတာ - သဘာဝအသီးအနှံတွေ၊ဟင်းသီးဟင်းရွက်တွေ မဟုတ်ဘဲ ကြော်ချက်ထားတဲ့ အာလူးကြော်တွေ ၊ ဘီစကစ်တွေ ၊ ပေါင်မုန့်အဖြူတွေ စားတာက ဗိုက်ကို အဆီတက်စေပါတယ်။


၅) ကျန်းမာရေးအတွက် မကောင်းတဲ့ အဆီတွေစားတာ - အသားငါးတွေမှာ ပါတဲ့ အဆီတွေက လူကို ပို ဝ စေပါတယ်။ နေကြာဆီ၊သံလွင်ဆီ၊ငါးကြီးဆီတို့လို အဆီမျိုးတွေကတော့ ကျန်းမာရေးကို အထောက်အကူပြုပါတယ်။


၆) အိပ်ရေးမဝတာ - အိပ်ချိန် ငါးနာရီ ၊ဒါမှ မဟုတ် ငါးနာရီထက် ပိုနည်းတဲ့ သူတွေဆီမှာ ဗိုက် အဆီတက်ဖို့ ရာခိုင်နှုန်းပိုများတယ်လို့ သိရပါတယ်


၇) ပန်းသီးပုံ ခန္ဓာကိုယ် ဖြစ်နေတာ - တကယ်လို့ သင့် တင်ပါးနဲ့ ပေါင်တွေမှာထက်  ဗိုက်နဲ့ ခါးမှာ အသားတွေ အဆီတွေ ပိုထူနေတာဟာ ဟိုးငယ်ငယ်ကတည်းက ဆိုရင် ပန်းသီးပုံ ခန္ဓာကိုယ်လို့ ခေါ်ပါတယ်။ ဒီလိုလူတွေက ဗိုက်အဆီကျဖို့ ပိုခက်ခဲပါတယ်။ ဒါပေမယ့် အဆီကျဖို့ လုံးဝ မဖြစ်နိုင်တာတော့ မဟုတ်ပါဘူးတဲ့။


၈) နေမကောင်းဖြစ်တာ - တက်စတို စတီရုန်း လို့ ခေါ်တဲ့ ဟော်မုန်းတွေ မြင့်တက်နေမယ်ဆိုရင် အဆီတွေ စုလာနိုင်ချေပိုများတယ်လို့ သိရပါတယ်။  အပေါ်မှာ ပြောခဲ့သလို ပန်းသီးပုံခန္ဓာကိုယ် ဖြစ်နေပြီး ကိုယ်အလေးချိန်လည်းများနေမယ်ဆိုရင် ဆီးချိုရောဂါဖြစ်လာနိုင်မယ့် အနေအထားဖြစ်လို့ သတိထားသင့်ပါတယ်။


၉) စိတ်အားထက်သန်မှု မရှိတာ - တကယ်ဝိတ်ကျအောင် ပြင်ဆင်ကြိုးစားမယ်လို့ စိတ်အားထက်သန်မှု မရှိရင် လေ့ကျင့်ခန်းတွေ၊ အစားအသောက် လျှော့တာတွေနဲ့ ကြိုးစားလည်း ခဏပဲ ဖြစ်ပြီး စိတ်လျှော့ထားတာနဲ့ အဆုံးသတ်သွားမှာပါ။ ဒီအတိုင်းဆို ဗိုက်အဆီတကယ်ကျနိုင်ဖို့အရေး ဝေး နေဦးမှာပဲ ဖြစ်ပါတယ်။


Ref: TIME Magazine