အိုမင်းမှုကိုလျှော့ချပေးနိုင်တဲ့ နံပါတ်တစ်လေ့ကျင့်ခန်း

ဘဝမှာအသက်အရွယ်တစ်ခုရလာရင် နံရံပေါ်က မှန်နဲ့ ဆက်ဆံရေးက သိပ်မကောင်းချင်တော့ဘူး။

မှန်ထဲမှာအရေးအကြောင်းတွေ၊ ဆံပင်ဖြူတွေနဲ့ အသားအရေတွေလျော့ကျအိတွဲနေတာကိုမြင်လာရပြီ။ တချို့ဆိုကိုယ့်ပုံ ကိုယ်မှန်ထဲမကြည့်ဖြစ်ဘဲတောင် ဆုံးပါးသွားကြတယ်။ ဒီလိုမျိုးပြောလိုက်လို့လည်း အရမ်းကြီးကြောက်မသွားပါနဲ့ဦး။ လည်နေတဲ့အချိန်နာရီစက်ဝန်းကို နှေးအောင်လုပ်ဖို့ ရိုးရှင်းပြီး ပျော်ရွှင်ဖွယ်နည်းလေး ရှိပါတယ်။ အသက်တွေကြီးလာတာနဲ့အမျှ ကိုယ်ရောစိတ်ရော ကျန်းမာကြံ့ခိုင်မှုတွေ တဖြည်းဖြည်းလျော့သွားတယ်လေ။ အဆိုးရွားဆုံးက ဦးနှောက်မှတ်ဉာဏ်ချို့ယွင်းတဲ့ရောဂါပါ။

ဒါကြောင့် ကျွန်တော်တို့ ကိုယ်ခန္ဓာကျန်းမာကြံ့ခိုင်နေရင် ရရှိလာမယ့် ကျန်းမာရေးအကျိုးကျေးဇူးတွေကို အမြဲဂရုပြုရမယ်။ ဦးနှောက်အာရုံကြောဆိုင်ရာ သိပ္ပံပညာရပ် မှာထုတ်ဝေခဲ့တဲ့ လေ့လာမှုတစ်ခုမှာဖော်ပြထားတာက နေ့စဉ်လေ့ကျင့်ခန်းပုံမှန်လုပ်တဲ့ သက်ကြီးရွယ်အိုတွေဆီမှာ ဦးနှောက်ထဲက အိုမင်းမှုလက္ခဏာတွေ လျော့သွားတယ်တဲ့။ အထိရောက်ဆုံးလေ့ကျင့်ခန်းကတော့ အကပါပဲ။ ကခြင်းက ဦးနှောက်အတွက်ဘာကြောင့် အထိရောက်ဆုံးလေ့ကျင့်ခန်းဖြစ်ရတာလဲ။ ဦးနှောက် နှင့်ဆိုင်သောရောဂါတွေ အကြောင်းသုတေသနလုပ်နေတဲ့ ဂျာမနီနိုင်ငံရဲ့လေ့လာမှုတစ်ခုမှာ အသက် ၆၃ နှစ်နှင့် ၈၀ ကြားကျန်းမာသန်စွမ်းတဲ့သက်ကြီးရွယ်အို ၆၂ ယောက်ကို volunteer အနေနဲ့ရွေးချယ်ခဲ့ပါတယ်။ ဒီထဲကမှသတ်မှတ်ချက်စံနှုန်းနှင့် ကိုက်ညီသူ ၅၂ ယောက်ကိုနောက်ဆုံးမှာရွေးချယ်ခဲ့ပါတယ်။

ထိုလူ ၅၂ ယောက်ကို ကျပန်းရွေးချယ်ပြီး အကအဖွဲ့ နှင့် အားကစားအဖွဲ့ ၂ ဖွဲ့ခွဲထည့်ပေးခဲ့ပါတယ်။ အကသင်တန်းရဲ့ သင်ရိုးမှာ ကနည်းကကွက်တွေအမြဲပြောင်းလဲနေတဲ့အတွက်အဆက်မ ပြတ်သင်ယူရသလို ကကွက်မှတ်မိနေအာင်လည်းကြိုးစားရတယ်။ အားကစားအဖွဲ့မှာကျတော့ ခံနိုင်ရည်စမ်းသပ်တဲ့လေ့ကျင့်ခန်းတွေ၊ ကြံ့ခိုင်မှုစမ်းသပ်တဲ့ လေ့ကျင့်ခန်းတွေပါဝင်ပါတယ်။ ၂ဖွဲ့လုံးကလူတွေရဲ့ ဦးနှောက်အိုမင်းမှုအရိပ်ယောင်တွေ သိသိသာသာလျော့ကျသွားပါတယ်။ အကအဖွဲ့မှာပါဝင်တဲ့ သက်ကြီးရွယ်အိုတွေက ပိုပြီးအားသာတာမျိုးတွေ့ရှိရပါတယ်။ ဒီနေရာမှာတစ်ခုမေးစရာရှိတာက စည်းချက်ကိုမခံစားတတ်တဲ့လူတွေက ဘယ်လိုကတတ်မှာလဲပေါ။

ကတဲ့အခါကိုယ့်ကိုယ်ကိုကြည့်ကောင်းပါ့မလားတွေးနေမယ့်အစားဂီတနဲ့စိတ်လွတ်ကိုယ်လွတ်စီးမျောပါ။ ဂီတတမျိုးတည်းက ရောဂါကုထုံးအမျိုးမျိုး ပေးစွမ်းပါတယ်။ သံစဉ်တွေနားထောင်တာက စိတ်ဓာတ်မြှင့်တင်ပေးသလို တင်ပါးလေ့ကျင်ခန်းတောင် အပီအပြင်ပြုလုပ်လို့ရပါသေးတယ်။ ဒါကြောင့်ပြောပြချင်တာက အက ဆိုတာ အသက်အရွယ်ကြီးသူတွေအတွက်ကိုယ်ရောစိတ်ပါ ပြောင်းလဲလို့ရမယ့် စွမ်းအားပြင်း နည်းလမ်းတစ်ခုပါ။

May Moe (ရိုးရာလေး)

Ref : Health : scientists reveal the number one exercise for slowing down the aging #MM_yyl #Health_yyl