ပါလက်စတိုင်းကို အကူအညီပေးနေတာတွေ ရပ်တန့်မယ်လို့ ခြိမ်းခြောက်လိုက်တဲ့အမေရိကန်

ပါလက်စတိုင်းနိုင်ငံ အနေနဲ့ အစ္စရေးနဲ့ငြိမ်းချမ်းရေးဆွေးနွေး မှုတွေထဲမှာ မပါဝင်ဘူး ဆိုရင် ပါလက်စတိုင်း နိုင်ငံကို ပေးနေတဲ့ အကူအညီတွေ ရပ်တန့် သွားမယ်လို့ အမေရိကန် သမ္မတဒေါ်  နယ်ထရမ့် က ခြိမ်းခြောက်လိုက်ပါတယ်။

ပါလက်စတိုင်းနိုင်ငံကိုပေးနေတဲ့ စီးပွားရေးအကူအညီ၊ လုံခြုံရေးအထောက်အပံ့တွေနဲ့ ပတ်သက်ပြီး ဒေါ်နယ်ထရမ့်က ဆွေးနွေးမှုတွေလုပ်နေတယ်လို့ အမေရိကန်နိုင်ငံခြားရေးဝန်ကြီးဌာနက အတည်ပြုခဲ့ပါတယ်။ အမေရိကန် သမ္မတက ပါလက်စတိုင်းဟာ အမေရိကန်နိုင်ငံအပေါ် လေးစားမှုမရှိဘူးလို့ စွပ်စွဲထားပါတယ်။ ပါလက်စတိုင်းနိုင်ငံ ဟာ ငြိမ်းချမ်းရေးဆွေးနွေးမှုတွေထဲမှာ အမေရိကန်က ကြားဝင် စေ့စပ်တာကို ငြင်းဆန်ထားပါတယ်။

ပြီးခဲ့တဲ့ ဒီဇင်ဘာလတုန်းက ဂျေရုဆလင်ကိုအစ္စရေးနိုင်ငံမြို့တော် အဖြစ်အသိမှတ်ပြုခဲ့တဲ့ အမေရိကန်နိုင်ငံရဲ့အငြင်းပွားဖွယ်ရာ ဆုံးဖြတ်ချက်ကို ပါလက်စတိုင်းက စိတ်ဆိုးနေပါတယ်။ ပါလက်စတိုင်း ငြိမ်းချမ်းရေးဆွေးနွေးသူဟောင်းဖြစ်တဲ့ Saeb Erekat က အမေရိကန် သမ္မတ ဒေါ်နယ်ထရမ့်ဟာ ငွေကြေးနဲ့အရာရာတိုင်းကို ဝယ်လို့ ရနိုင်ပေမယ့် ပါလက်စတိုင်းနိုင်ငံရဲ့ ကံကြမ္မာကိုတော့ ဝယ်လို့မရဘူးလို့ပြောထားပါတယ်။ ဆွတ်ဇာလန်နိုင်ငံ ဒါဗိုစ့် မြို့မှာကျင်းပနေတဲ့ စီးပွားရေးဖိုရမ်အတွင်း သမ္မတ ထရမ့်ကအမေရိကန်နိုင်ငံဟာ ပါလက်စတိုင်းနိုင်ငံအပေါ် တစ်နှစ်ကို ဒေါ်လာသန်းချီ အကူညီပေးခဲ့တယ်လို့ပြောခဲ့ပါတယ်။

ပါလက်စတိုင်းခေါင်းဆောင်တွေဟာ အခုသီတင်းပတ်အတွင်း မှာ အရှေ့အလယ်ပိုင်းဒေသကို ရောက်ရှိခဲ့တဲ့ အမေရိကန် ဒုတိယ သမ္မတ မိုက်ပန့်စ်ကို တွေ့ဆုံဖို့ ငြင်းဆန်ခဲ့တာ လေစားမှုမရှိကြောင်း ပြသခဲ့တယ်လို့ အမေရိကန် သမ္မတက စွပ်စွဲခဲ့ပါတယ်။ သူကငြိမ်းချမ်းရေးလုပ်ငန်းစဉ်နဲ့ ကူညီထောက်ပံ့မှုကို ဆက်နွယ်တယ်လို့ သဘောထားတဲ့ပထမဆုံးအမေရိကန်သမ္မတလို့ ဒေါ်နယ်ထရမ့်က ဆိုပါတယ်။ ပါလက်စတိုင်းက ငြိမ်းချမ်းရေးနဲ့ ပတ်သက်တဲ့ ဆွေးနွေးရေးလုပ်ငန်းတွေမှာ ပါဝင်မှုမရှိဘူးဆိုရင် စားပွဲပေါ်မှာရှိနေတဲ့ ငွေကြေးတွေကို ပါလက်စတိုင်းကိုပေးမှာ မဟုတ်ဘူးလို့ သူက ပြောပါတယ်။

Ref: BBC News: Trump threatens to stop aid to Palestinians
ကောင်းထက်ငွေ (ရိုးရာလေး)