ကင်မ်ဂျုံအန်ရဲ့တရုတ်ခရီးစဉ်မှာ နျူကလီးယားဖျက်သိမ်းဖို့ မြောက်ကိုရီးယား ကတိပြုခဲ့  

တရုတ်နိုင်ငံကို ရောက်ရှိလာချိန်မှာ မြောက်ကိုရီးယားခေါင်းဆောင် ကင်ဂျုံအန်က နျူကလီးယားဖျက်သိမ်းရေး၊ အမေရိကန် အစိုးရတာဝန်ရှိသူတွေနဲ့ တွေ့ဆုံရေး အတွက် ကတိပြုခဲ့တယ်လို့ တရုတ်အစိုးရ တာဝန်ရှိသူတွေကပြောခဲ့ပါတယ်။
မြောက်ကိုရီးယားခေါင်းဆောင် ကင်ဂျုံအန်က တရုတ်သမ္မတရှီကျင့်ဖျင်နဲ့ သမိုင်းဝင်တွေ့ဆုံခဲ့ပြီးနောက် တရုတ်နိုင်ငံက အခုလိုမျိုးပြောခဲ့တာဖြစ်ပါတယ်။ ခန့်မှန်းချက်တွေ နှစ်ရက်ကြာ ထွက်ခဲ့ပြီးနောက် မြောက်ကိုရီးယားခေါင်းဆောင် ကင်ဂျုံအန်နဲ့ တရုတ်သမ္မတ ရှီကျင့်ဖျင် တွေ့ဆုံခဲ့တယ်လို့ မြောက်ကိုရီးယားနဲ့ တရုတ်နှစ်နိုင်ငံစလုံးက အတည်ပြုခဲ့ပါတယ်။ 
ကင်ဂျုံအန်ဟာ တရုတ်နိုင်ငံဆီ မတ်လ ၂၅ ရက်နေ့မှ မတ်လ ၂၈ ရက်အထိ တရားဝင်မဟုတ်တဲ့ ခရီးစဉ် ရောက်ရှိခဲ့တယ်လို့ တရုတ်နိုင်ငံခြားရေးဝန်ကြီးကပြောခဲ့ပါတယ်။ ကင်ဂျုံအန်ဟာ ၂၀၁၁ ခုနှစ်မှာ မြောက်ကိုရီးယားခေါင်းဆောင်ဖြစ်လာပြီးနောက်ပိုင်း ပြည်ပခရီးစဉ် ပထမဆုံး သွားရောက်တာဖြစ်ပြီး တောင်ကိုရီးယား၊ အမေရိကန်တို့နဲ့ ပြုလုပ်မယ့် ထိပ်သီးဆွေးနွေးပွဲအတွက် ကြိုတင်ပြင်ဆင်တာဖြစ်နိုင်တယ်လို့ လေ့လာသုံးသပ်နေပါတယ်။ 
တရုတ်နိုင်ငံဟာ မြောက်ကိုရီးယားနိုင်ငံရဲ့ အရင်းနှီးဆုံး မဟာမိတ်နိုင်ငံဖြစ်ပေမယ့် မြောက်ကိုရီးယားရဲ့ နျူကလီးယားနဲ့ ဒုံးကျည်စီမံကိန်းတွေကြောင့် မြောက်ကိုရီးယား နဲ့ တရုတ်နိုင်ငံကြားဆက်ဆံရေး အေးစက်ခဲ့ပါတယ်။ မြောက်ကိုရီးယားနိုင်ငံကတင်းမာမှုတွေ ဖြေလျှော့နိုင်ဖို့နဲ့ ငြိမ်းချမ်းရေး ဆွေးနွေးမှုတွေ ဆက်လက်လုပ်ဆောင်သွားဖို့ အစပြုနေပြီဖြစ်လို့ ကိုရီးယားကျွန်းဆွယ်အခြေအနေ ပိုကာင်းဖို့ရှိတယ်လို့ တရုတ်နိုင်ငံခြားရေးဝန်ကြီးက ပြောခဲ့ပါတယ်။ ကွယ်လွန်သွားပြီဖြစ်ကြတဲ့မြောက်ကိုရီးယားသမ္မတဟောင်း ကင်အီဆွန်း၊ အလုပ်သမားပါတီအတွင်းရေးမှူးချုပ်ဟောင်း ကင်ဂျုံအီတို့ရဲ့ ဆန္ဒအတိုင်း ကိုရီးယားကျွန်းဆွယ်မှာနျူကလီးယားဖျက်သိမ်းဖို့ ကတိပြုပါတယ်လို့ ကင်ဂျုံအန်က ပြောခဲ့ပါတယ်။
Zaw Min Oo (ရိုးရာလေး)