ဆယ်ကျော်သက်တွေ ကို မွေးနေ့ လက်ဆောင် အနေနဲ့ စာအုပ်ဝယ်ဖို့ ငွေ ပေးတဲ့ အီတလီ အစိုးရ

စာပေနဲ့ အနုပညာဟာ လူသား ဘဝကို ပိုမိုကောင်းမွန် ပြည့်စုံစေပြီး လူအချင်းချင်း ချစ်ကြည်ရင်းနှီးမှုကို တိုးပွားစေတယ်ဆိုတာ နိုင်ငံသား လူငယ်တွေ သတိပြုမိစေဖို့ အတွက် အီတလီ အစိုးရက အစီအစဉ်တစ်ရပ်ကို စတင် အကောင် အထည် ဖော်တော့မှာ ဖြစ်ပါတယ်။

အဲဒါကတော့ အီတလီနိုင်ငံက အသက် (၁၈) နှစ်ပြည့်တဲ့ လူငယ်တိုင်းကို သူတို့ရဲ့ မွေးနေ့မှာ ယူရို ၅၀၀ ( မြန်မာငွေ ခြောက်သိန်းရှစ်သောင်း ခန့် ) တန်ကြေးရှိတဲ့ ဘောက်ချာလက်မှတ်တစ်စောင်စီကို လက်ဆောင်ပေးသွားမယ့် အစီအစဉ်ပဲ ဖြစ်ပါတယ်။ ဒီ ဘောက်ချာကို အသုံးပြုပြီး စာအုပ်တွေ ဝယ်တာ၊ အနုပညာ ပြပွဲ လက်မှတ်တွေ၊ ပြတိုက် ဝင်ခွင့်လက်မှတ်တွေ ဝယ်တာနဲ့ အမျိုးသား ဥယျာဉ်တွေဆီ အလည်အပတ်သွားတာတွေ ပြုလုပ်နိုင်မှာ ဖြစ်ပါတယ်။

ဒီ အစီအစဉ်ကို လာမယ့် စက်တင်ဘာလ ၁၅ ရက်နေ့ကနေ စတင် အကောင်အထည်ဖော်သွားမှာ ဖြစ်ပြီး ဆယ်ကျော်သက်လူငယ်ဦးရေ ၅၇၅,၀၀၀ ခန့်ကို အကျိုးဖြစ်ထွန်းစေမယ်လို့ သိရပါတယ်။

Ref : The Independent: “The Italian government is giving teens €500 on their 18th birthday to spend on books “