လုယက်ခံရတဲ့ ငှက်ပျောသီးသည် အဘိုးအိုကိုလူအများ ၀ိုင်းဝန်းကူညီခဲ့

လုယက်ခံရလို့ အင်ဒိုနီးရှားငွေ တစ်သန်း(အမေရိကန်ဒေါ်လာ ၈၀)ကျော် ပါသွားတယ်ဆိုတဲ့ ငှက်ပျောသီးသည် အဘိုးအိုကို စေတနာရှင်တွေက၀ိုင်းဝန်းကူညီပံ့ပိုးပေးခဲ့ရာမှာ အင်ဒိုနီးရှားငွေ ၃၇ သန်း ရရှိခဲ့ပါတယ်။

ငှက်ပျောသီးလိုက်ရောင်းနေတဲ့ အသက် ၉၄ နှစ်အရွယ်အဘိုးအိုဆူရက်မန်ရဲ့ ပြောစကားအရ သူ့အနီးကို ကားတစ်စီး ကပ်လာပြီးကားသမားက ငှက်ပျောသီး ၀ယ်ချင်လို့ ကားပေါ်တက်ပါဦးလို့ခေါ်ခဲ့ပါတယ်။ ဒါပေမဲ့ ကားပေါ်ရောက်တော့ လူနှစ်ယောက်ကပါတဲ့ပိုက်ဆံ အကုန်ထုတ်လို့ ပြောပြီး သူ့ရဲ့ ပိုက်ဆံတွေကိုလုယူသွားခဲ့ပါတယ်။ ပြီးတော့ သူ့ကို ကားပေါ်က ကန်ချပြီးကားမောင်းပြေးသွားခဲ့ပါတယ်။ ဒီဖြစ်ရပ်က ဆူမာတြားကျွန်းကဂျမ်ဘီပြည်နယ်မှာ ဖြစ်ပွားခဲ့တာပါ။


လုယက်ခံရပြီး ငိုနေတဲ့ အဘိုးအို ဆူရက်မန်ကို တွမ်မီရီဇာက တွေ့ခဲ့ပြီး ဒီဖြစ်ရပ်ကို ရုပ်သံမှတ်တမ်း ရိုက်ကူးခဲ့ပါတယ်။ ဒီနောက်မှာ တွမ်မီရီဇာက အဘိုးအို ဆူရက်မန်ရဲ့ဖြစ်ရပ်နဲ့ ရုပ်သံမှတ်တမ်းကို ဖေ့ဘွတ်ပေါ်ရေးသားဖော်ပြခဲ့ရာမှာ ကူညီပံ့ပိုးချင်သူတွေက ဆက်သွယ်ခဲ့ကြပါတယ်။ အဲဒီသူတွေထဲမှာ ဟောင်ကောင်နဲ့ မလေးရှားကသူတွေ ပါဝင်ခဲ့ပါတယ်။

အဲဒီအတွက် တွမ်မီရီဇာက အဘိုးအို ဆူရက်မန်အတွက် ရန်ပုံငွေထူထောင်ခဲ့ရာမှာ အလှူငွေ အများကြီး ရခဲ့ပါတယ်။အင်ဒိုနီးရှားနိုင်ငံက ပြည်နယ်အုပ်ချုပ်ရေးမှူးတစ်ဦးကလည်းအင်ဒိုနီးရှားငွေ ငါးသန်း လှူဒါန်းခဲ့ပြီး ဆူရက်မန်ရဲ့ ငှက်ပျောသီးတွေ အားလုံးကို ၀ယ်ယူခဲ့တယ်လို့ သိရပါတယ်။