စေတန်ရဲ့ဂြိုလ်အရံလ တိုင်တန်ပေါ်တွင် သက်ရှိဖြစ်ထွန်းနိုင်ဖွယ်တွေ့ရှိ

သိပ္ပံစိတ်ကူးယဉ်ဇတ်ကားတွေလို ဂြိုလ်သားတွေတော့မဟုတ်ပါဘူး။ ဒါပေမယ့် သုတေသနပညာရှင်တွေက စေတန်ရဲ့အကြီးဆုံးလဖြစ်တဲ့ တိုင်တန်ပေါ်မှာ သက်ရှိဖြစ်ထွန်းနိုင်တဲ့ အခြေအနေတစ်ခုကို တွေ့ရှိခဲ့ကြပါတယ်။

ဗိုင်းနယ်လ်ဆိုင်ရာနိုက် ( vinyl cyanide) ဟာ ရှုပ်ထွေးတဲ့သဘာဝမော်လီကျူးတစ်ခုဖြစ်ပြီး ဆဲလ်အမြှေးပါးပုံစံအလုံးလေးတွေဖြစ်ပါတယ်။ ဒီမော်လီကျူးလေးတွေဟာ တိုင်တန်ပေါ်မှာ ပမာဏတော်တော်များများ ရှိနေကြောင်း ချီလီနိုင်ငံ (Chile)က Atacama Large Millimeter Array လို့ခေါ်တဲ့ ရေဒီယိုတယ်လီစကုတ်အုပ်စုက တိုင်းထွာရရှိပါတယ်။



တိုင်တန်ဟာ ကမ္ဘာရဲ့လနဲ့ မာကျူရီထက်ပိုကြီးမားပြီး နေအဖွဲ့အစည်းအတွင်းမှာလည်း ထူးခြားတဲ့ဂြိုလ်တစ်လုံးဖြစ်ပါတယ်။ နိုင်ထရိုဂျင်၊ မီသိန်းဓာတ်ငွေ့တွေနဲ့ လွှမ်းခြုံထားတဲ့တိမ်တွေနဲ့ သိပ်သည်းတဲ့ လေထုရှိတဲ့ တစ်ခုတည်းသောလ ဖြစ်ပါတယ်။ သူ့ရဲ့လေထုသိပ်သည်းဆဟာ ကမ္ဘာထက် ၆၀ရာခိုင်နှုန်းပိုများပါတယ်။ နာဆာ (NASA)ရဲ့အဆိုအရ ရေကူးကန်အောက်ခြေမှာနေရသလို ခံစားချက်မျိုးဖြစ်ပါတယ်။ ဒါပေမယ့် သူ့ရဲ့လေထုပုံစံဟာ ကမ္ဘာအစတုန်းက လေထုပုံစံလိုပါပဲ။ တိုင်တန်မှာ ကမ္ဘာလိုမျိုးပဲ မျက်နှာပြင်ပေါ်မှာ အရည်တည်ရှိမှုပုံစံတွေ ရှိပါတယ်။ သူ့ရဲ့ရေထုထဲမှာ အီသိန်းနဲ့ မီသိန်းပါဝင်မှုများပြားတာကြောင့် ငွေ့ရည်ဖွဲ့ပြီး တိမ်တွေအမြဲဖြစ်ပေါ်နေကာ မိုးရွာသွန်းမှုတွေကို ဖြစ်ပေါ်နေပါတယ်။ ဒီမျက်နှာပြင်ပုံစံဟာ ဗိုင်းနယ်လ်ဆိုင်ရာနိုက် (Vinyl Cyanide) တွေကို တစ်ခုနဲ့တစ်ခုပေါင်းစပ်စေပြီး ဆဲလ်အသစ်ဖွံ့ဖြိုးစေနိုင်ပါတယ်။

နာဆာရဲ့ Goddard Space Flight Centerက သုတေသနပညာရှင် မော်ရန်ပယ်လ်မာ (Maureen Palmer) က ဒီလိုမျိုးပတ်ဝန်းကျင်တစ်ခုမှာ ဗိုင်းနယ်လ်ဆိုင်ရာနိုက်တွေ တည်ရှိနေတဲ့ပုံစံဟာ ကမ္ဘာပေါ်မှာ သက်ရှိဖြစ်ပေါ်မှုနဲ့ဆင်တူတဲ့ ဓာတုနည်းစနစ်တွေရဲ့ ထူးခြားတဲ့ဖြစ်နိုင်ချေဖြစ်တယ်လို့ ဆိုပါတယ်။
တိုင်တန်မှာ မြေအောက်သမုဒ္ဒရာတွေရှိမယ်လို့လည်း ခန့်မှန်းထားပြီး နာဆာဟာ AVIATRလို့ခေါ်တဲ့ ယာဉ်တစ်မျိုးနဲ့ ရေငုပ်သဘောင်္တစ်စီးကို တိုင်တန်ရဲ့ပင်လယ်တွေ ရှာဖွေဖော်ထုတ်နိုင်ဖို့ စေလွှတ်ထားပါတယ်။ စေတန်ပေါ်က အရည်ပျော်နေတဲ့ မီသိန်းဓာတ်ငွေ့တွေနဲ့ နေထိုင်ဖို့ ပတ်ဝန်းကျင်သစ်တစ်ခု ဖန်တီးနိုင်မလားဆိုတာ စိတ်ဝင်စားနေကြပါတယ်။

Ref: CNN; “How life may find a way on Saturn's moon”

Sophia (yoyarlay)