ကိုယ့်အတွက် အနစ်နာခံခဲ့သူတွေကို လေးစားစိတ်နဲ့ အသိအမှတ်ပြုပါ

လူငယ်လေးတစ်ယောက်က အလုပ်တစ်ခုမှာ မန်နေဂျာရာထူး သွားလျှောက်ပါတယ်။

ကောင်လေးက စာတော်သူတစ်ဦးဖြစ်ခဲ့ပြီး ဘွဲ့လွန်တက်ခဲ့တဲ့အထိ ပညာ အရည်အချင်း သတ်မှတ်ချက်တွေနဲ့လည်း ပြည့်စုံနေသူပါ။

လူတွေ့ အင်တာဗျူးမှာ ဒါရိုက်တာက ကောင်လေး ကို ကျောင်းတက်တုန်းက စကောလားရှစ်ရခဲ့လားလို့ မေးတော့ကောင်လေးက မရခဲ့တဲ့အကြောင်း သူ့အဖေကလည်း မရှိတော့ဘဲ သူ့အမေကသာ ကျောင်းလခကို ထောက်ပံ့ရတဲ့ အကြောင်း ပြောပြပါတယ်။ ကောင်လေးရဲ့ အမေက အဝတ်လိုက်လျှော်ပေးတဲသူ ဖြစ်ပါတယ်။ ဒါရိုက်တာက ကောင်လေးအနေနဲ့ အဝတ်တွေကူလျှော်ပေးဖူးလားလို့မေးလိုက်ပါတယ်။ ကောင်လေးက သူ့အမေက သူ့ကို စာပဲ လုပ်ခိုင်းတာ ဖြစ်ပြီး သူ့အမေ အဝတ်လျှော်တာကလည်း သူ့ထက် အဆများစွာ မြန်ဆန်တာမို့ သူလျှေ်ာကူလေ့မရှိဘူးလို့ဖြေလိုက်ပါတယ်။ ဒါရိုက်တာက ကောင်လေး အိမ်ပြန်ရောက်ရင် သူ့အမေရဲ့ လက်ကို ဆေးကြောပေးလိုက်ပါ၊ နောက်တစ်ရက်မှ သူ့ကို ပြန်လာတွေ့ပါလို့ မှာလိုက်ပါတယ်။

ကောင်လေးက အိမ်ပြန်ရောက်တော့ သူ့အမေရဲ့ ကြမ်းတမ်းနေတဲ့ လက်တွေကိုဆေးကြောပေးရင်း မျက်ရည်ကျမိပါသတဲ့။ သူ့အမေက ပင်ပင်ပန်းပန်း သူ့အတွက် ရှာဖွေရုန်းကန်ခဲ့ရလည်းဆိုတာ သူသိသွားလို့ပါ။ ပြီးတော့ သူ့အမေလျှော်ရမယ့် အဝတ်တွေကို ပါ သူကူလျှော်ပေးလိုက်ပါတယ်။ နောက်တစ်ရက် ဒါရိုက်တာဆီ ပြန်ရောက်တဲ့အခါမှာ ကောင်လေးအနေနဲ့ ဘာတွေ သိလာခဲ့လဲလို့ မေးပါတယ်။ ကောင်လေးက အသိအမှတ်ပြုမှုဆိုတာကို သူနားလည်လာကြောင်း၊ သူ့ရဲ့ အမေသာမရှိခဲ့ရင် သူဒီလို အခြေအနေရောက်နေမှာ မဟုတ်တဲ့အကြောင်း၊ သူ့အမေနဲ့ အတူတူ အဝတ်လျှော်ကြည့်ရင်း သူ့အမေရဲ့လက်ကို ဆေးကြောပေးရင်းနဲ့ သူ့အမေ ဘယ်လောက်ပင်ပန်း ရုန်းကန်ခဲ့ရလဲဆိုတာ သိလာကြောင်းပြောပြခဲ့ပါတယ်။ နောက်ပြီး အခုလို သိလာတဲ့ အတွက် သူ့အမေရဲ့ တန်ဖိုးနဲ့ သူ့အပေါ် အနစ်နာခဲ့မှုကို ပိုပြီး အသိအမှတ်ပြုလာရကြောင်း ပြောပြလိုက်ပါတယ်။

ဒါရိုက်တာက သူ့အနေနဲ့ အဲ့လို အသိစိတ်ဓာတ်ရှိမယ့်လူကို ရချင်တာဖြစ်ကြောင်း၊ အခြားသူတွေရဲ့ ကြိုးစားအားထုတ်မှုနဲ့ ကူညီမှုကို အသိအမှတ်ပြုတတ်တဲ့ သူ၊ သူတစ်ပါးရဲ့ အနစ်နာခံ ကြိုးစားမှုကို စာနာနားလည်တတ်တဲ့သူ ကိုသာ အလုပ်ခန့်ချင်တာဖြစ်ကြောင်း ပြောပြီး မန်နေဂျာအဖြစ် အလုပ်ခန့်လိုက်ပါသတဲ့။

ဒီဇာတ်လမ်းလေးက တစ်ဆင့် ပြောပြချင်တာကတော့ ကိုယ့်ကို အပင်ပန်းခံ ရုန်းကန် ပြုစုပျိုးထောင်ခဲ့သူတွေရဲ့ တန်ဖိုးကို လေးစားစိတ်နဲ့ အသိအမှတ်ပြုပေးဖို့ပါ။ နောက်ပြီး သူတို့ကို အသက်ရှင်နေစဉ် အချိန်မှာ ပြန်လည် ဂရုစိုက်ပြီး အချိန်ပေးဖို့လည်း အရေးကြီးပါတယ်။
Zym (ရိုးရာလေး)
Ref: Moral Storie: Appreciation of Hard Work