ပိတ်ရက်တွေ ကုန်ဆုံးလို့ အလုပ်ပြန်တက်တဲ့ အခါ …

ပိတ်ရက်တွေ ကုန်ဆုံးလို့ အလုပ် ပြန်တက်တဲ့ အခါ အလုပ်နဲ့ ကိုယ်နဲ့ ရုတ်တရက် အံဝင်ဂွင်ကျ မဖြစ်သလို ခံစားနေရပြီလား ။ “ပိတ်ရက်တွေကလည်း ကုန်တာ မြန်လိုက်တာ”  ဒါမှ မဟုတ် “ လာပြန်ပြီ နောက်တစ်ပတ် “ ဆိုတာမျိုး စိတ်ထဲမှာ ညည်းညူမိနေပြီလား။

တနင်္လာနေ့တွေမှာ အလုပ်ပြန်လုပ်လို့ စိတ်ထဲ မသက်မသာခံစားနေရတာ၊ စိတ်ကျသလိုလို၊ ပင်ပန်းနုံးချိသလိုလို ခံစားနေရတာကို “ Monday Blues (မန်းဒေးဘလူးစ်) “  လို့ ခေါ်ပါတယ်။ တကယ်လို့သာ ဒီလက္ခဏာတွေ ကိုယ့်မှာ ဖြစ်နေပြီဆိုရင် -


၁) ကိုယ့်ကိုယ်ကို ပြန်ဆန်းစစ်ပါ -  လူတိုင်းမှာ Monday Blues အတော်အသင့် ရှိတတ်ပေမယ့် အမြဲတမ်း အလုပ်အတွက် စိတ်မပါ လက်မပါ ဖြစ်နေတာတော့ ဟန်မကျပါဘူး။ ဒီအလုပ်ကို တကယ်ရော လုပ်ချင်နေသေးရဲ့လားလို့ ကိုယ့်ကိုယ်ကို ပြန်မေးပါ။ အဖြေက No ဆိုရင်တော့ ကိုယ့် စ်ိတ်အာရုံကို တက်ကြွပျော်ရွှင်စေနိုင်မယ့် အလုပ်တစ်ခုကို မြန်မြန်ရှာ ပြောင်းလိုက်ပါ။ စိတ် သံချေးတက်မခံပါနဲ့။


၂) သင်အကြိုက်ဆုံး အပိုင်းနဲ့ စ ပါ - စောစောကလို အလုပ်ကို သဘောမကျတာ မဟုတ်ဘူး၊ ယာယီစိတ်ညစ်ရုံလောက်ပဲ ဆိုရင်တော့ ကိစ္စမရှိပါဘူး။ လုပ်စရာရှိတဲ့ အလုပ်တွေထဲက သင် စိတ်အကျေနပ်ဆုံး၊ အပျော်ရွှင်ဆုံးအလုပ်တစ်ခုနဲ့ စတင်လိုက်ပါ။ အလုပ်ထဲမှာ စိတ်နှစ်မြုပ်သွားပြီး ကျန်တဲ့ အလုပ်တွေဆက်လုပ်ဖို့ တက်ကြွလာပါလိမ့်မယ်။


၃) တစ်ယောက်ယောက်ကို ပျော်အောင် လုပ်ပေးလိုက်ပါ - စာနာမှု၊ကြင်နာမှုလေးတွေ ၊ မိသားစုဝင်အချင်းချင်း၊ လုပ်ဖော်ကိုင်ဖက်အချင်းချင်း ချစ်ခင်မှုတွေနဲ့ အစ ပြုတာဟာ ထိုင်းမှိုင်းနေတဲ့ စိတ်ကို တက်ကြွလန်းဆန်းစေပါတယ်။ အလုပ်ထဲမှာ ဝေမျှစားသောက်ဖို့ မုန့်ပဲသွားရည်စာလေးတွေ ဝယ်သွားတာ၊ မနက်စောစော ခိုစာကျွေးတာ စတဲ့ နည်းတွေနဲ့ အလုပ်ကို စတင်လိုက်ပါ။


၎) ကြိုတင်ပြင်ဆင်ထားပါ - တနင်္လာနေ့/ရုံးပြန်ဖွင့်တဲ့ နေ့မှ အလုပ်တွေ တပြုံကြီး ပိနေတာနဲ့ မကြုံချင်ရင် သောကြာနေ့တွေမှာ ရသလောက် အပြီးဖြတ်ထား၊ အစီအစဉ်တွေ ကြိုဆွဲထားပေါ့။ အစစ အရာရာကို အစီအစဉ်တကျ ပြင်ဆင်ထားပြီလို့ ကိုယ့်ကိုယ်ကို သိနေရတာက စိတ်ကို သက်တောင့်သက်သာ ရှိစေပါတယ်။


၅) နားချိန်မှာ အပြည့်အဝ နားပါ -  အလုပ်ကောင်းကောင်း လုပ်နိုင်ဖို့အတွက် ကောင်းကောင်း အနားယူထားဖို့လည်း လိုတာပေါ့။ စနေတနင်္ဂနွေ ပိတ်ရက်တွေမှာ ကျန်းမာရေးကို မထိခိုက်စေမယ့် ပျော်ရွှင်မှုမျိုး၊ ချစ်သူခင်သူ မိသားစုတွေအတွက် အပြည့်အဝ အချိန်ပေးတာမျိုးနဲ့ ဖြတ်သန်းပါ။ ရုံးပြန်မတက်ခင်ညကို အိပ်ရေးဝဝအိပ်ပစ်လိုက်ပါ။


Ref: Forbes

ကျော်သန့် (ရိုးရာလေး)