မိဘတွေကို သူတို့ သက်ရှိထင်ရှားရှိနေစဉ်မှာ အချိန်ပေး ဂရုစိုက်ပါ

တစ်ခါတုန်းက အမျိုးသားတစ်ဦးဟာ ပန်းဆိုင်တစ်ဆိုင်ကို သွားပါတယ်။ အဝေးမှာရှိနေတဲ့ သူ့ရဲ့ အမေဆီကို ပန်းစည်းပို့ပေးဖို့ အတွက်ပါ။

ပန်းဆိုင်ရှေ့ကိုရောက်တဲ့အခါ ကလေးမလေး တစ်ယောက်က စိတ်ညစ်လက်ညစ်နဲ့ ထိုင်နေတာကို သူတွေ့လိုက်ပါတယ်။ ဘာဖြစ်လို့လဲလို့ သူမေးလိုက်တဲ့ အခါ ကလေးငယ်လေးက သူ့အမေကို နှင်းဆီပန်းတစ်ပွင့်ဝယ်ပေးချင်တာ ပိုက်ဆံမလောက်လို့စိတ်ညစ်နေတာလို့ ပြောပြပါတယ်။ အဲ့ဒါနဲ့ သူက ကောင်မလေးအတွက်ပါ နှင်းဆီပန်းဝယ်ပေးပြီး သူ့အမေအတွက် ပန်းစည်းပို့ပေးဖို့ မှာလိုက်ပါတယ်။

ပြန်ထွက်လာတော့ ကလေးမလေးကိုပါ လိုက်ပို့ပေးရမလားလို့ မေးလိုက်တော့ ကလေးမလေးကလည်း သူမရဲ့ အမေဆီလိုက်ပို့ပေးဖို့ ပြောတာပေါ့။ တကယ်တမ်းလိုက်ပို့တော့မှ သူမ အမေရှိနေတယ်ဆိုတဲ့ နေရာက အုတ်ဂူကလေးဖြစ်နေတော့တာပါပဲ။ ကလေးမလေးက သူမရဲ့ အမေရဲ့ အုတ်ဂူမှာထားဖို့ နှင်းဆီပန်းလာဝယ်တာပဲ ဖြစ်ပါတယ်။ သူလည်း နောင်တရသွားပြီး ပန်းဆိုင်ကို ပြန်သွားကာ ပို့ပေးဖို့ ပြောထားတဲ့ ပန်းစည်းကို ယူပြီး သူကိုယ်တိုင်ပဲ မိုင်ပေါင်းများစွာ အဝေးမှာ ရှိနေတဲ့ သူ့ အမေဆီ ချက်ချင်းသွားပါတော့တယ်။

ဇာတ်လမ်းလေးက ရိုးရိုးရှင်းရှင်းလေးပါပဲ။ ဒီဇာတ်လမ်းလေးကနေ တဆင့် ပြောပြချင်တာကတော့ အဝေးမှာ ရှိနေတာပဲ ဖြစ်ဖြစ် အတူတူနေတာပဲ ဖြစ်ဖြစ် မိဘကို အသက်ထင်ရှားရှိနေတုန်း ဂရုစိုက် အချိန်ပေးတာက အကောင်းဆုံးပါပဲ။ သားသမီးရဲ့ စကားလေး တစ်ခွန်း၊ ပန်းလေးတစ်ပွင့်ကစလို့ အနမ်းလေး တစ်ချက်အထိ မိဘကို ကြည်နူးပီတိ ဖြစ်စေတာတော့ ရှိနိုင်မယ်မထင်ပါဘူး။ ဘဝဆိုတာက အချိန်သိပ်ကို တိုတောင်းပါတယ်။ ဒါကြောင့် အသက်ထင်ရှားရှိနေစဉ်အတွင်း မိဘကို အကောင်းဆုံးပြုစု စောင့်ရှောက် အချိန်ပေးတာက နောက်ပိုင်းမှ နောင်တရနေရတာထက် အများကြီး ပိုကောင်းမွန် တန်ဖိုးရှိတာမို့ မိသားစုကို အချိန်ပေး ဂရုစိုက်ပါလို့ တိုက်တွန်းပါရစေ။
Ref: Rose for mother
Jong Kin (ရိုးရာလေး)