သူတစ်ပါးရဲ့ အပြစ်သာမက ကိုယ့်အပြစ်၊ အားနည်းချက်ကိုလည်း မြင်အောင်ကြည့်ပါ

တစ်ခါတုန်းက အမျိုးသား တစ်ဦးက သူ့ရဲ့ အမျိုးသမီးဟာ သူပြောတာတွေကို ကောင်းကောင်းမကြားရတဲ့ အတွက် နားလေးလာပြီဖြစ်ပြီး နားကြားစေဖို့ ကိရိယာတပ်ဖို့ လိုနေခဲ့ပြီလို့ ထင်နေခဲ့ပါတယ်။

သူက ဆရာဝန်နဲ့ တိုင်ပင်ပြီး သူမရဲ့ နားလေးတဲ့ ဝေဒနာကို စမ်းသပ်ဖို့ အတွက် ရိုးရှင်းတဲ့ စမ်းသပ်ချက် တစ်ခုကို ပြုလုပ်ခဲ့ပါတယ်။

အမျိုးသားအနေနဲ့ ဇနီးနဲ့ ပေလေးဆယ်အကွာကနေ စကားပြောမယ်၊ တကယ်လို့မကြားခဲ့ရင် ရှေ့ကို ရှေ့ကို ဆယ်ပေ ထပ်တိုးပြီး ပေသုံးဆယ် အကွာကနေ စကားပြောမယ်၊ အဲ့ဒါမှ မကြားသေးရင် ဆယ်ပေစီ ရှေ့ဆက်တိုးပြီး သူ ကြားပြီး ပြန်ပြောတဲ့ အထိ ရှေ့တိုးသွားပါလို့ ဆရာဝန်က မှာလိုက်ပါတယ်။

အဲ့ဒီညနေမှာတော့ အမျိုးသားက မီးဖိုထဲမှာ ညစာ ချက်ပြုတ်နေတဲ့ ဇနီးသည်ထံကို ပေလေးဆယ်လောက်အကွာကနေပြီး ညစာက ဘာချက်လဲလို့ လှမ်းမေးပါတယ်။ ဇနီးဆီက ပြန်ဖြေသံ မရတဲ့ အခါ သူက ရှေ့ကို ဆယ်ပေ ထပ်တိုးပြီး မေးပြန်ပါတယ်။ ဒါပေမယ့် မကြားရသေးပါဘူး။ အဲ့ဒါနဲ့ နောက်ထပ် ဆယ်ပေ ထပ်ရှေ့တိုးပြီး ပေနှစ်ဆယ် အကွာကနေ ဇနီးသည်ကို ညစာ ဘာချက်လဲလို့ ထပ်မေးပါတယ်။ ဒါပေမယ့် သူ့ အမျိုးသမီးဆီက ဘာမှ မကြားရပြန်ပါဘူး။ နောက်ဆုံး ဆယ်ပေအကွာအထိ တိုးပြီး ထပ်မေးလိုက်ပြန်တာပေါ့။ ဒါပေမယ့်လည်း စကားပြန်မရပါဘူး။

အဲ့ဒါနဲ့ သူက သူ့ အမျိုးသမီးရဲ့ နောက်တည့်တည့်မှာ ရပ်ပြီး ညစာ ဘာချက်လဲလို့ ထပ်မေးလိုက်ပါတယ်။ အဲ့ဒီတော့မှ သူ့ အမျိုးသမီး အခုလို ပြောလိုက်ပါတယ်။ “ရှင်ဘယ်လိုဖြစ်နေလဲ ဂျိမ်းစ်၊ ကျွန်မဖြေနေတာ ငါးခေါက်လောက်ရှိပြီ၊ ကြက်သားလို့”။ တကယ်ကတော့ နားမကြားတာ သူ့အမျိုးသမီးမဟုတ်ပါဘူး။ သူက မကြားရတာပါ။ ဒါပေမယ့် သူ့စိတ်ထဲမှာ သူ့အမျိုးသမီးက မကြားရလို့ ပြန်မဖြေဘူးလို့ပဲ လုံးဝ ယုံကြည်နေခဲ့တာပါ။

ဒီဇာတ်လမ်းလေးက ရယ်စရာလည်း ကောင်းသလို သနားစရာလည်း ကောင်းပါတယ်။ ဒီဇာတ်လမ်းလေးကနေ တဆင့် ပြောပြချင်တာကတော့ တခါတလေမှာ ကိုယ်က ပြသနာလို့ ထင်တဲ့အရာက သူများဆီမှာ မရှိဘဲ ကိုယ့်ဆီမှာ ရှိနေတာပါ။ မြန်မာ စကားပုံအရဆိုရင်တော့ ကိုယ့်မျက်ချေးကိုယ်မမြင်တာလို့ ဆိုလို့ရမယ် ထင်ပါတယ်။ တကယ်က ဒါက သဘာဝပါပဲ။ လူအများစုက ကိုယ့်ဆီမှာ ရှိနေတဲ့ အပြစ်ထက် သူများရဲ့ အပြစ်ကို ပိုမြင်တတ်ကြသလို၊ ကိုယ့်မှာ ရှိနေတဲ့ အားနည်းချက်ကို မြင်လေ့မရှိဘဲ သူတစ်ပါးရဲ့ အားနည်းချက်ကို ပိုမြင်လေ့ရှိတာမျိုးက ဖြစ်နေကျဖြစ်နေလို့ပါ။ ရိုးရာလေး စာဖတ်ပရိတ်သတ်တွေ အနေနဲ့လည်း ကိုယ့်ရဲ့ အားနည်းချက်တွေကိုလည်း မြင်အောင်ကြည့်ပြီး သူတစ်ပါးအပေါ် လွယ်လွယ်ကူကူ ဝေဖန်ပြီး နှိမ့်ချလိုက်တာမျိုး မလုပ်ကြဖို့ တိုက်တွန်းပါရစေ။

Ref: What’s for dinner
Jong Kin (ရိုးရာလေး)