အောင်မြင်ချင်တယ်ဆိုရင် မိမိကိုယ်မိမိ ယုံကြည်မှုထားပါ

ဘယ်အလုပ်မှာမဆို ၊ ဘယ်အရာကိုမဆို တစ်ခုခု လုပ်တော့မယ်ဆိုရင် ယုံကြည်မှုရှိခြင်းက သင့်ကို ခရီးတွင်စေပါတယ်။ မိမိကိုယ်မိမိ ယုံကြည်မှုရှိခြင်းဟာ ဖန်တီးယူလို့ရတဲ့ အရည်ချင်းကောင်းတစ်ခုပါ။

မိမိကိုယ်မိမိယုံကြည်မှု လို့ဆိုရာမှာ (၃) မျိုးခွဲခြားထားပါတယ်။

ပထမဆုံးတစ်ခုက မိမိကိုယ်မိမိ ယုံကြည်မှုအလုံအလောက်မရှိခြင်း ( Under Confidence) ပါ။ အလုပ်တစ်ခုကို စလုံးရေစတောင် မစရသေးဘူး ငါနဲ့အဆင်ပြေပါ့မလား၊ ငါလုပ်နိုင်ပါ့မလားလို့ တွေးနေရင်တော့ သေချာပေါက် အောင်မြင်နိုင်ခြေ နည်းပါတယ်။ မကျွမ်းကျင်တဲ့ နယ်ပယ်တစ်ခုပဲဖြစ်ဖြစ်၊ အခုမှစတင်လုပ်ဆောင်တဲ့ လုပ်ငန်းတစ်ခုပဲဖြစ်ဖြစ် ယုံကြည်မှုရှိရှိနဲ့သာ လုပ်ဆောင်သင့်ပါတယ်။ သင့်ကိုယ်သင်ယုံကြည်မှုရှိနေရင် သင်ခရီးတစ်ဝက်ရောက်နေပါပြီ။ ကျန်ခရီးတစ်ဝက်ကိုတော့ ကံ၊ ညဏ်၊ ဝီရိယနဲ့အတူ ကြိုးစားအားထုတ်ဖို့တော့ လိုအပ်ပါတယ်။

နောက်တစ်ခုက မိမိကိုယ်မိမိယုံကြည်မှုလွန်ကဲခြင်း (Over Confidence) ပါ။ ဒါကေ ယုံကြည်မှုနည်းပါးတာထက်တော့ သာလွန်ကောင်းမွန်တယ်ဆိုပေမဲ့ ငါဘာလုပ်လုပ် ဖြစ်ကိုဖြစ်ရမယ်၊ ငါလုပ်လို့မဖြစ်တာမရှိဘူး၊ အကုန်ဖြစ်ရမယ်ဆိုပြီး ယုံကြည်မှုတွေ လွန်ကဲနေမယ်ဆိုတာက အမြဲတမ်းအဆင်မပြေနိုင်ပါဘူး။ ထင်ထားသလို အောင်မြင်မှုတွေမရရှိဘဲ ရှုံးနိမ့်မှုတွေ တွေ့ကြုံရတဲ့အခါ အထိနာပါလိမ့်မယ်။ ကြိုးစားရင် ဘာမဆိုဖြစ်နိုင်တယ်ဆိုပေမယ့် လောကမှာ သင်လိုက်မလုပ်နိုင်တာတွေ၊ မဖြစ်နိုင်တာတွေ အမှန်တကယ်ရှိပါတယ်။

နောက်ဆုံးတစ်ခုကတော့ ရှိသင့်ရှိထိုက်တဲ့ ယုံကြည်မှု (Self Confidence) ပါ။ အလုပ်တစ်ခုကို ယုံကြည်မှုမရှိဘဲ လုပ်ကိုင်ခြင်းဟာ အောင်မြင်နိုင်ခြေနည်းသလို ယုံကြည်မှုလွန်ကဲသွားရင်လည်း သတိလက်လွတ်ဖြစ်ခြင်း၊ ပေါ့ဆခြင်းတို့နဲ့အတူ မမျှော်လင့်ထားတဲ့ ရှုံးနိမ့်မှုများစွာ တွေ့ကြုံလာနိုင်ပါတယ်။ဒါကြောင့် ဘယ်အလုပ်ပဲလုပ်လုပ် ယုံကြည်ချက်ရှိရှိ အောင်မြင်အောင် ကြိုးစားသင့်ပြီး ရှုံးနိမ့်မှုတွေ တွေ့ကြုံတဲ့အခါမှာလည်း စိတ်ဓာတ်မကျဘဲ ပြန်လည်အားတင်းဖို့ လိုအပ်ပါတယ်။

ဒါကြောင့် ရှိသင့်ရှိထိုက်တဲ့ ယုံကြည်မှုတစ်ခုနဲ့သာ အောင်မြင်မှုပန်းတိုင်ကို အရောက်လှမ်းနိုင်မှာပါ။ ကြိုးတန်းတစ်ခုပြုလုပ်ရာမှာ အရမ်းတင်းလွန်းအားကြီးရင်လည်း ပြတ်တောက်သွားနိုင်သလို လျော့တိလျော့ရဲဆိုရင်လည်း အောက်ကိုအိကျပြီး အဆင်ပြေမှုမရှိနိုင်ပါဘူး။ မလျော့လွန်း မတင်းလွန်း အခြေအနေမှသာ ပြတ်တောက်ခြင်းမရှိဘဲ အသုံးပြုရ အဆင်ပြေမှာ ဖြစ်ပါတယ်။

ဘယ်အရာမဆို ဖြစ်မှဖြစ်ပါ့မလားဆိုပြီး စိုးရိမ်သောက ရောက်နေစရာလည်းမလိုပါဘူး။ ငါလုပ်ရင်ဖြစ်တယ် ဆိုပြီးယုံကြည်မှုလွန်ကဲနေစရာလည်းမလိုပါဘူး။ အောင်မြင်ဖို့အတွက် ယုံကြည်ချက်အပြည့်ရှိတယ်။ အားအင်အပြည့်နဲ့ ကြိုးစားရမယ်ဆိုတဲ့ စိတ်ကို ထည့်ထားပြီး ကြိုးစားမယ်ဆိုရင်တော့ သင်အလိုရှိတဲ့ အောင်မြင်မှုပန်းတိုင်ကို မျှော်လင့်ထားတာထက် ပိုပြီး စောစောရောက်နိုင်မှာပါ။

Paradise(ရိုးရာလေး)