လုပ်ငန်းခွင်မှာ သတိထားပြီး ပေါင်းသင်းဆက်ဆံသင့်တဲ့သူ (၅) မျိုး

တကယ်လို့ သင်က ကုမ္ပဏီတစ်ခုမှာ အလုပ်လုပ်ကိုင်နေသူတစ်ယောက်ဆိုရင်တော့ နေ့စဉ် မနက်ကနေ ညနေမိုးချုပ်တဲ့အထိ ပျှမ်းမျှ (၈)နာရီလောက် အမိုးတစ်ခုအောက်ထဲမှာ တခြားလုပ်ဖော်ကိုင်ဖက်တွေနဲ့ အတူတူ အလုပ်လုပ်ရမှာပါ။ လုပ်ငန်းခွင်တစ်ခုထဲမှာ လုပ်ကိုင်နေကြရပေမဲ့လည်း

တစ်ယောက်နဲ့တစ်ယောက် ပြုမူနေထိုင်ပုံ၊ စိတ်နေစိတ်ထား၊ အပြောအဆိုတွေကတော့ တူညီကြမှာမဟုတ်ပါဘူး။ အလုပ်လုပ်တဲ့အခါ တာဝန်ဝတ္တရားကျေပွန်ရုံပဲ ဆောင်ရွက်တာထက် မိသားစုစိတ်ဓာတ်နဲ့ လုပ်ကိုင်ဆောင်ရွက်မယ်ဆိုရင် အလုပ်ပိုပြီး တွင်ကျယ်စေနိင်တဲ့အပြင် သင့်ကိုလည်း လူချစ်လူခင်ပေါများစေနိုင်ပါတယ်။ အလုပ်ထဲမှာ အတူတူလုပ်ကိုင်နေရတဲ့ သူငယ်ချင်းလုပ်ဖော်ကိုင်ဖက်ရဲ့ အပြုအမူကြောင့် သင့်ကိုလာပြီးထိခိုက်တဲ့ အဖြစ်အပျက်တွေဆိုတာကလည်း လုပ်ငန်းခွင်တိုင်းမှာ ရှိကြမှာပါ။ ဒီတစ်ခါမှာတော့ စာရေးသူရဲ့အမြင်အရ လုပ်ငန်းခွင်ထဲမှာ သတိထားပြီး ပေါင်းသင်းဆက်ဆံသင့်တဲ့သူ (၅) မျိုးကို ဖော်ပြပေးလိုက်ပါတယ်။

အတင်းပြောတတ်တဲ့သူ

သူများအကြောင်း သင့်ကို လာပြောပြတဲ့သူကို သင်သတိထားပြီး ပေါင်းသင်းဆက်ဆံပါ။ သင်နဲ့ ဆက်ဆံရေးမပြေလည်တော့တဲ့အခါ အခုလိုမျိုး သူများအကြောင်းကို အတင်းပြောသလိုပဲ သင့်ရဲ့အကြောင်းကိုလည်း အခြားလူတစ်ယောက်ကို သေချာပေါက် ပြောပြပါလိမ့်မယ်။ ဒီလိုမျိုးအမူအကျင့်ရှိတဲ့ လုပ်ဖော်ကိုင်ဖက်နဲ့ အလုပ်အတူတူလုပ်ကိုင်ရတဲ့အခါ အရမ်း ရင်းရင်းနှီးနှီးမနေဘဲ ပြောသင့်ပြောထိုက်တာကိုသာ ပြောဆိုဆက်ဆံသင့်ပါတယ်။

အချိန်မလေးစားသူ

လုပ်ငန်းခွင်တစ်ခုဆိုတာ တစ်ဦးတစ်ယောက်တည်း ရပ်တည်လို့မရပါဘူး။ လုပ်ငန်းဆောင်တာ ကိစ္စများကို သူ့တာဝန်နဲ့သူ ခွဲဝေထားပြီး "ကိုင်းကျွန်းမှီ ကျွန်းကိုင်းမှီ"ဆိုတဲ့ စကားပုံလိုပဲ တစ်ဦးနဲ့တစ်ဦး လုပ်ငန်းဆောင်တာတွေက ဆက်စပ်လျက်ရှိပါတယ်။ ဒါကြောင့် တစ်စုံတစ်ယောက်က လုပ်ငန်းကိစ္စတွေကို သတ်မှတ်ထားတဲ့ အချိန်အတောအတွင်း မပြီးစီးဘူးဆိုရင် အခြားသူများကိုပါ နှောင့်နှေးစေပါတယ်။ သင့်ရဲ့ လုပ်ဖော်ကိုင်ဖက်က အချိန်မတိကျသူ၊ အချိန်မလေးစားသူတစ်ယောက်ဆိုရင် သင့်ရဲ့ လုပ်ငန်းဆောင်တာများ နှောင့်နှေးစေနိုင်တာကြောင့် အထူးဂရုစိုက်သင့်ပါတယ်။

အလုပ်နဲ့ကိုယ်ရေးကိုယ်တာ ရောထွေးသူ

အလုပ်ထဲမှာ ကိုယ်ရေးကိုယ်တာကိစ္စတွေ ပါဝင်ပတ်သက်လို့မရပါဘူး။ မိသားစုပြဿနာ အစရှိတဲ့ ကိုယ်ရေးကိုယ်တာကိစ္စတွေ ခဏခဏ ရောထွေးလာမယ်ဆိုရင် အလုပ်ရှင်ကလည်း အမြင်မကြည်ဖြစ်လာနိုင်ပြီး သူ့ရဲ့ လုပ်ငန်းတာဝန်များက အခြားဝန်ထမ်းတစ်ယောက်အပေါ်ကို ဝန်ပ်ိလာစေနိင်ပါတယ်။ သင့်လုပ်ငန်းခွင်မှာ ဒီလိုမျိုး အလုပ်နဲ့ ကိုယ်ရေးကိုယ်တာ ရောထွေးသူရှိတယ်ဆိုရင် သတိထားပြီး ပေါင်းသင်းဆက်ဆံသင့်ပါတယ်။ မဟုတ်ရင်တော့ သင့်ရဲ့အားနာမှုကို အခွင့်ကောင်းယူပြီး သူ့ရဲ့လုပ်ငန်းဆောင်တာတွေကို ကူညီပေးဖို့အတွက် အကူအညီတောင်းပါလိမ့်မယ်။

ဘုကန့်လန့် ပြောဆိုတတ်သူ

ဘယ်အရာမဆို စကားပြောရင် ဘုကန့်လန့်နဲ့ ပြောဆိုတတ်တဲ့သူကို သတိထားပြီးဆက်ဆံသင့်ပါတယ်။ ဘုကန့်လန့်လုပ်တတ်တဲ့သူအများစုက အတ္တကြီးမားတဲ့သူတွေဖြစ်ကြပြီး ကိစ္စတစ်ခုကို အမြင်မတူတဲ့အခါ ပြေလည်ရာပြေလည်ကြောင်း မပြောတတ်ဘဲ တစ်ဖက်လူရဲ့ အမြင်၊ အတွေးတွေကို မကောင်းတဲ့အမြင်ကနေကြည့်ပြီး တစ်ဖက်သတ် ပြောဆိုတတ်ပါတယ်။ ဒီလိုမျိုး ဘုကန့်လန့်ပြောတတ်တဲ့သူနဲ့ နေ့စဉ် အလုပ်အတူတူလုပ်နေရတယ်ဆိုရင်တော့ သည်းခံစိတ် အပြည့်အဝထားရှိဖို့ လိုအပ်ပါတယ်။

ဒေါသစိတ်ကို မထိန်းနိင်သူ

ပြဿနာတစ်ခုကြုံတာနဲ့ အကျိုးအကြောင်းကို မစဉ်းစားမတွေးတောဘဲ အရင်ဦးဆုံး ဒေါသထွက် ပေါက်ကွဲနေတတ်တဲ့သူတွေကို သတိထားပြီး ပေါင်းသင်းဆက်ဆံပါ။ ဒေါသကြီးတဲ့ ဦးဒေါသ၊ ဒေါ်ဒေါသတို့က သင့်ရဲ့ အထက်လူကြီးတွေဆိုရင်တော့ သင့်အပေါ်ကို ဒေါသတွေ ပုံကျလာနိင်တဲ့အတွက် အခြေအနေ အချိန်အခါ စောင့်ကြည့်ပြီးမှသာ ပြောဆိုဆက်ဆံသင့်ပြီး လုပ်ဖော်ကိုင်ဖက် ကိုကိုဒေါသ၊ မမဒေါသ တို့ဆိုရင်တော့ ဒေါသကြောင့် ပြုလိုက်မိတဲ့ သူတို့ရဲ့အမှားတွေကို သင် နောက်ကနေလိုက်ပြီး ဖြေရှင်းပေးရပါလိမ့်မယ်။

အခုဖော်ပြထားတဲ့ အကြောင်းအရာကတော့ စာရေးသူတစ်ယောက်တည်းရဲ့ အမြင်ဆိုပေမဲ့လည်း စာဖတ်သူတော်တော်များများရဲ့ စိတ်ခံစားချက်တွေနဲ့ တိုက်ဆိုင်မယ်လို့ မျှော်လင့်မိပါတယ်။ ဒီအကြောင်းအရာလေးနဲ့ပတ်သတ်ပြီး စာဖတ်သူတွေရဲ့ အမြင်တေ၊ွ ခံစားချက်လေးတွေကိုလည်း ဝေမျှခဲ့ပါဦး။

 

Paradise (ရိုးရာလေး)

www.yoyarlay.com