အချိန်ယူပါ ၊ တိကျပါ ၊ ပြောင်းလဲပါ

ဂျပန်ဒဿနပညာမှာ “ ကိုင်ဇန်  (Kaizen) “ ဆိုတဲ့ စကားလုံး ရှိပါတယ်။

ကိုင် (Kai)ဆိုတာက အပြောင်းအလဲ (change) ဖြစ်ပြီး ဇန် (Zen) ဆိုတာက “ကောင်းသော (good)” လို့ အဓိပ္ပာယ်ရပါတယ်။ အဲဒီတော့ ကောင်းသော အပြောင်းအလဲ ပေါ့။ ဒီ သဘောတရားရဲ့ အခြေခံကတော့ အရေးပါတဲ့ အပြောင်းအလဲတွေကို အချိန်ယူပြီး တိတိကျကျအကောင်အထည်ဖော်တာပဲ ဖြစ်ပါတယ်။


ဒုတိယ ကမ္ဘာစစ်အပြီးမှာ တိုယိုတာ ကုမ္ပဏီဟာ ကိုင်ဇန်ဆိုတဲ့ သဘောတရားကို ကားထုတ်လုပ်ရေးလုပ်ငန်းမှာ အသုံးချခဲ့တာက စလို့ ကိုင်ဇန်အယူအဆဟာ ပိုမိုတွင်ကျယ်လာပါတယ်။ ၁၉၅၀ က စလို့ စီးပွားရေးလုပ်ငန်းတွေဟာ ပန်းတိုင်အသေးလေးတွေ ထား၊ အဲဒီ ပန်းတိုင်တွေဆီ ရောက်အောင် ဖြည်းဖြည်းချင်း သွား၊  ပန်းတိုင်အသစ်တွေ ဆက်သတ်မှတ်၊ အဲဒီကို ဆက်သွား ဆိုတဲ့ “ကိုင်ဇန်” သဘောတရားကို ထိထိရောက်ရောက် အသုံးပြုလာကြပါတယ်။


 ဒီနည်းကို လုပ်ငန်း နယ်ပယ်တွေမှာသာမက တစ်ကိုယ်ရည် စီမံခန့်ခွဲမှုတွေမှာပါ သုံးလာကြပါတယ်။ ဥပမာ- ဘာသာစကား လေ့လာရာမှာဆိုရင် ဒီနေ့ကို ဝေါဟာရ ဘယ်နှစ်လုံး လေ့လာမယ်၊ စကားလုံးနည်းရင် နည်းပါစေ၊ လေ့လာသလောက်ကိုတော့ သေသေချာချာ သိအောင် သင်ယူသွားမယ်ဆိုတာမျိုး ဆုံးဖြတ်ချက်ထားရမှာ ဖြစ်ပါတယ်။ စိတ်ကူးပေါက်ရင် ထ လုပ်လိုက်ပြီး ကျန်တဲ့အချိန်တွေမှာ အေးရာအေးကြောင်း နေတတ်တာမျိုးဟာ နည်းလမ်းကျနတဲ့ အပြုအမူ မဟုတ်ပါဘူး။


အဲဒီ နည်းတူပါပဲ။ အချိန်တိုအတွင်း အကြီးအကျယ် ပြောင်းလဲသွားမယ်လို့ မျှော်လင့်တာကလည်း လက်တွေ့မဆန်ပါဘူး။ မြန်မာစကားမှာ “ အလှမ်းကျယ် ၊ အလယ် လပ်” ဆိုတဲ့ စကားရှိပါတယ်။ မျှော်မှန်းချက် အကြီးကြီးတွေ ချမှတ်စိတ်ကူးထားမိရင် တကယ် မဖြစ်လာနိုင်တဲ့အခါမှာ ပို စိတ်ဓာတ်ကျရ၊ စိတ်ပျက်ရတတ်ပါတယ်။ လက်တွေ့ဆန်တဲ့၊ တကယ် ဖြစ်နိုင် လုပ်နိုင်တဲ့ ပန်းတိုင်ငယ်လေးတွေနဲ့ တစ်ဆင့်ချင်း “ဖြည်းဖြည်းမှန်မှန် “ ပြောင်းလဲယူတာကသာ အကောင်းဆုံး ရလဒ်ကို အတိအကျ ပေးနိုင်မှာ ဖြစ်ပါတယ်။


ကျော်သန့် (ရိုးရာလေး)