ဘာကြောင့် ၁၉၇၂ခုနှစ်ဟာ သမိုင်းတစ်လျှောက် အရှည်ကြာဆုံးခုနှစ်ဖြစ်ခဲ့ပါသလဲ။

ရိုးရာလေးစာဖတ်သူတို့ကို စိတ်ဝင်စားဖွယ်အကြောင်းအရာလေးတစ်ခုနဲ့ မိတ်ဆက်ပေးချင်ပါတယ်။ ဒါကတော့ ၁၉၇၂ခုနှစ်ဟာ သမိုင်းမှာ အကြာဆုံးခုနှစ်သက္ကရာဇ်တစ်ခုဆိုတာပါပဲ။ ဆိုလိုတာက သူ့ရဲ့အချိန်ကာလဟာ ကျန်နှစ်တွေထက် ပိုကြာရှည်ခဲ့ပါတယ်။ ဘာကြောင့်ပါလဲ။ အဖြေကတော့ သူက တစ်ခြားနှစ်တွေထက် ၂စက္ကန့်ပိုမိုကြာခဲ့ပါတယ်တဲ့။

ဘယ်လိုကြောင့်ပါလိမ့်။ အဖြေရှာကြည့်ရမယ်ဆိုရင် ပထမဆုံးအချက်ကတော့ သူကရက်ထပ်နှစ်တစ်နှစ် ဖြစ်နေခဲ့ပါတယ်။ ဒီတော့ အခြားနှစ်တွေတော်တော်များများထက် အချိန်ကာလ တစ်ရက်စာပိုရှည်လျားမှာ အသေအချာပါ။ ထပ်ဖြည့်ရမယ်ဆိုရင် ဇွန်လ ၃၀ရက်နေ့မှာ တစ်စက္ကန့်စာ ထပ်ပေါင်းထည့်ထားပြီး ဒီဇင်ဘာ ၃၁ရက်နေ့မှာ နောက်စက္ကန့်စာထပ်ပေါင်းထည့်ထားလို့ဖြစ်ပါတယ်။ နိုင်ငံတကာက အချိ်န်တိုင်းတာသူတွေဟာ ဒီအချက်ကို လက်ခံပြီး သူတို့ရဲ့နာရီတွေအချိ်န်တွေကို လိုက်ညှိခဲ့ပါတယ်လို့ New York Timesက တင်ပြထားပါတယ်။

ဒီလိုစက္ကန့်တွေထပ်ပေါင်းထည့်ရခြင်းအတွက် အကြောင်းပြချက်ကတော့ ရက်ထပ်နှစ်တွေမှာ ရက်တွေထပ်ပေါင်းထည့်တာနဲ့ အကြောင်းရင်းခြင်းအတူတူပါပဲ။ ကမ္ဘာရဲ့လည်ပတ်မှုကိုလေ့လာရင်း UTC ( coordinated universal time) နဲ့ လိုက်လံချိန်ညှိတာဖြစ်ပါတယ်။ စာဖတ်သူတို့သတိမထားမိလောက်ပေမယ့် ဒီလိုချိ်န်ညှိမှုမျိုးကို ၂၀၁၆ခုနှစ် ဒီဇင်ဘာ ၃၁မှာ လုပ်ခဲ့ပါတယ်။ ဒီဇင်ဘာ ၃၁၊ ၂၃နာရီ ၅၉မိနစ် ၅၉စက္ကန့် ပြီးရင် ဇန်န၀ါရီ ၁ရက်နေ့ ၀နာရီ ၀မိနစ် ၀စက္ကန့်ဖြစ်ရမယ့်အစား ဒီဇင်ဘာ ၃၁၊ ၂၃နာရီ ၅၉မိနစ် ၆၀စက္ကန့်ပြီးမှ ဇန်န၀ါရီ ၁ရက်နေ့ ၀နာရီ ၀မိနစ် ၀စက္ကန့် ဖြစ်ခဲ့တာပါ။ အခုအချိန်မှာတော့ စက္ကန့်တွေ ထပ်တိုးဖို့လိုတယ်ဆိုရင် International Earth Rotation and Reference Systems Service ကနေပြီးတော့ ခြောက်လကြိုတင်ကြေငြာပေးမှာ ဖြစ်ပါတယ်။

Ref: Reader’s Digest
Sophia (ရိုးရာလေး)