မြန်မာ့နှစ်ကူးမဟာသင်္ကြန် နှင့် ကမ္ဘာကြီးနှစ်သစ်ကူးခြင်း

ဒီအကြောင်းအရာကို ကျွန်တော်သတိထားမိတာ အတော်လေးကြာခဲ့ပါပြီ။ ဒါပေမယ့် အယူအဆတစ်ခုအဖြစ်ဘဲ ရှိနေခဲ့တာကြောင့် မဖော်ပြနိုင်ခဲ့ပါဘူး။ အခုချိန်မှာတော့ သင်္ကြန်နှစ်ကူးကာလလည်း ရောက်လာ တော့မှာမို့ ဒီအယူအဆလေးကို တင်ပြပါရစေ။

ကမ္ဘာကြီးမှာ လူမျိုးပေါင်းများစွာ၊နိုင်ငံပေါင်းများစွာနဲ့ ဘာသာရေးဆိုင်ရာကိစ္စပေါင်းများစွာတို့ကို အကြောင်းပြုပြီး ခုနှစ်သက္ကရာဇ်တွေကို တီထွင်ပြဌာန်းခဲ့ကြပါတယ်။ ပြက္ခဒိန်ဆိုတာကို လွန်ခဲ့တေဲ့ နှစ်ပေါင်း ထောင်ပေါင်းများစွာက နေကိုဗဟိုပြုတွက်ချက်ခြင်း၊ လကိုဗဟိုပြုတွက်ချက်ခြင်း နှင့် နေလ နှစ်ပါပေါင်းစပ်တွက်ချက်ခြင်း စတဲ့ နည်းပေါင်း များစွာနဲ့လည်း တွက်ချက်ခဲ့ကြပါတယ်။ နောက်ပိုင်းမှာတော့ ကမ္ဘာက နေကို တစ်ပတ်ပြည်တဲ့အခါ အချိန်တစ်နှစ်ဖြစ်ပြီး ဒီတစ်နှစ်အတွက်မှာ ကမ္ဘာကနေကို ပတ်ရတဲ့ အချိန်အတိအကျကို တွက်ချက်ဆောင်ရွက်နိုင်ခဲ့ပါတယ်။ ဒီလိုနှစ်တစ်နှစ်ကို တွက်ချက်နိုင်ခဲ့ပေမယ့် ဘယ်အချိန်ဟာ ကမ္ဘာကြီးရဲ့စစ်မှန်တဲ့ နှစ်သစ်ဖြစ်တယ် ဆိုတဲ့ အရာကိုတော့ လူတွေ အပြောမများကြပါဘူး။

အနောက်နိုင်ငံတွေကတော့ ဒီဇင်ဘာ(၃၁)ရက် ည(၁၂) နာရီတိတိကို နှစ်ကူးအဖြစ်ယူပြီး နှစ်သစ်ကူပွဲတွေ ကျင်းပခဲ့တာဖြစ်ပါတယ်။ ဘာသာရေးဆိုင်ရာကိစ္စရပ်များလည်း ပါဝင်ကြပါတယ်။တရုပ်လူမျိုးတို့လည်း သူတို့နှစ်ကူးကာလကို ရိုးရာအယူအဆများနှင့် သတ်မှတ်ပြန်ပါတယ်။ ဒီလိုပါဘဲ လူမျိုးတိုင်း ဘာသာတိုင်းက သူတို့ ရိုးရာအယူအဆတွေ ဘာသာရေးအယူအဆတွေနဲ့ သတ်မှတ်လာကြရာမှာ နှစ်သစ်ကူးရက်တွေ မတူကြတာကိုတော့ အားလုံး သိပြီးသား ဖြစ်ပါလိမ့်မယ်။ ဒီလိုနှစ်သစ်ကူးပွဲတော်နဲ့ ကိုယ်ပိုင်ပြက္ခဒိန်ပိုင်ဆိုင်တဲ့ လူမျိုးကြီးတွေထဲမှာ ကျွန်တော်တို့ မြန်မာတွေ လည်း ပါဝင်ခဲ့ပါတယ်။

ကမ္ဘာ၊လ၊နေအပါအဝင် ဂြိုဟ်ကြီးများနဲ့ ဖွဲ့စည်ထားတဲ့ ကျွန်တော်တို့ နေအဖွဲ့အစည်းအပါအဝင် နက္ခတ်တာရာ တွေနဲ့ ဖွဲ့စည်းထားတဲ့ စကြာဝဠာကြီးကို မူတည်ပြီး ရေးဆွဲထားတဲ့ နက္ခတ်မြေပုံတစ်ခုလို့ ပြောလို့ရတဲ့ နက္ခတ်ဇာတာတစ်စောင်လေ့လာကြည့်ပါတယ်။ ဒီလိုလေ့လာတဲ့အခါ ရှေးပညာရှိတွေလက်ထက်ကပင် ဇာတာခွင်တစ်ခုကို ရာသီ(၁၂)ခုဖြင့် ပိုင်းဖြတ်ထားခဲ့ပါတယ်။ ဒီရာသီတွေကို အခြေခံပြီး နှစ်တစ်နှစ်မှာလည်း (၁၂) လ အဖြစ်သတ်မှတ်ကြတယ်လို့ ကျွန်တော်ထင်ပါတယ်။ ဒီလို(၁၂) ရာသီခွင်မှာ မိဿ ဆိုတဲ့ ရာသီကို ရှေးပညာရှိတွေက ရာသီစက်ဝန်းရဲ့ အစပထမ ရာသီလို့ သတ်မှတ်ခဲ့ပါတယ်။ သတ်မှတ်ချင်တိုင်းသတ်မှတ်တာမဟုတ်ပါဘူး ဒီလိုသတ်မှတ်ရတဲ့ ခိုင်မာတဲ့ အကြောင်းပြချက်တွေ ခိုင်မာတဲ့ သက်သေပြချက်တွေရှိပါတယ်။ ဒီနေရာမှာ ကျွန်တော်ပြောချင်တဲ့ ဆိုလိုရင်းကို တင်ပြပါရစေ။

ကမ္ဘာဟာ နေကိုတစ်ပါတ် ပါတ်မိတိုင်း တစ်နှစ်ဖြစ်ပေါ်ပါတယ်။ နှစ်တစ်နှစ်အတွက် ကမ္ဘာက ဘယ်နေ့ ဘယ်အချိန်က စပြီး ဘယ်နေ့ဘယ်အချိန်မှာ နေကို တစ်ပါတ် တိတိကျကျပါတ်မိတယ်ဆိုတာဟာ ကမ္ဘာကြီးအတွက် တစ်နှစ်ရဲ့ အစကို ရှာဖွေတွေ့ရှိတာဘဲဖြစ်ပါတယ်။ ဒီတော့ နှစ်တစ်နှစ်ရဲ့အစဟာ ရာသီစက်ဝန်တစ်ခုရဲ့ အစရာသီဖြစ်တဲ့ မိဿရာသီရဲ့အစ (၀ အံသာ၊၀ လိတ္တာ၊ ၀ ဝိလိတ္တာ) ကို ကမ္ဘာက ပါတ်ရတဲ့ နေမင်းကြီး စတင်ရောက်ရှိချိန်ဟာ နှစ်သစ်ဖြစ်တယ်ဆိုတဲ့ ကျွန်တော့်အယူအဆပါ။ ဒါဟာ ကမ္ဘာကြီးရဲ့ နှစ်သစ်အချိန်အခါ စစ်စစ်ဖြစ်တယ်။ ဒီအယူအဆအတိုင်း မိဿရာသီကို တနင်္ဂနွေဂြိုဟ်မင်းကြီး စတင်ဝင်ရောက်ချိန်ကို နှစ်သစ်လိုယူဆတဲ့ လူမျိုးတွေ ရှိသလားလို့ ကျွန်တော်ရှာကြည့်လိုက်တော့ မြန်မာသင်္ကြန်နဲ့ မြန်မာ နှစ်ကူကို သွားတွေရပါတော့တယ်။

မြန်မာသင်္ကြန်ဆိုတာ လွယ်လွယ်ဖြစ်တာတော့ မဟုတ်ပါဘူး။ နေအသွားကို ပညာရှိများ သေချာတွက်ချက်ပြီးမှ သင်္ကြန်ကျခြင်း၊ တက်ခြင်းနှင့် နှစ်သစ်ကူးခြင်းတို့ဖြစ်ပေါ်ပါတယ်။ ဒီလိုတွက်ချက်တဲ့ အခါ တနင်္ဂနွေဂြိုဟ်ကို အဓိကထားပြီး တွက်ချက်တာဖြစ်တယ်။ စကြာဝဠာရဲ့ နိယာမကိုလည်း တိတိကျကျလိုက်နာတဲ့ နှစ်သစ်ကူးဖြစ်တာကြောင့် ကျွန်တော်တို့ မြန်မာ့ရိုးရာနှစ်သစ်ကူးမဟာသင်္ကြန်ဆိုတာ တကယ်တော့ အလွန်တန်ဖိုးရှိတဲ့ ကမ္ဘာနှစ်သစ်ကူးအစစ်အမှန်ဖြစ်တယ်လို့ ကျွန်တော်ယုံကြည်မိပါတယ်။

Astronomy ပညာရှင်ကီးများ အနေနှင့်လည်း ယခုကျွန်တော်တင်ပြတဲ့ အယူအဆပေါ်မှာ မှားယွင်းနေတဲ့ အချက်တွေရှိနေရင် အပြုသဘောထောက်ပြခြင်းဖြင့် ပိုမိုပြည့်စုံသော တိကျတဲ့ အဖြေတွေရရှိနိုင်တယ်လို့ ကျွန်တော်ယူ ဆမိပါတယ်။ ကျွန်တော့်အယူအဆမှာ မှားယွင်းနေတာတွေ ပါခဲ့ရင်လည်း ကျွန်တော်တစ်ဦး တစ်ယောက်တည်းရဲ့ အယူအဆသာဖြစ်ပါကြောင်းတင်ပြရင်း မြန်မာ့ရိုးရာမဟာသင်္ကြန်းအား နုတ်ခွန်းဆက်သလိုက်ပါတယ်ခင်ဗျာ။

 

ဆရာပေးသောပညာဖြင့်

ကင်္ကသူ