ဘာသာစကားအသစ်တစ်ခုကို အချိန်တိုအတွင်း ဘယ်လိုလေ့လာကြမလဲ

မိခင်ဘာသာစကားအပြင် နောက်ထပ်ဘာသာစကားတစ်ခုကိုပါ ကျွမ်းကျွမ်းကျင်ကျင်ပြောဆိုတတ်တယ်ဆိုတာ တကယ့်ကိုအဖိုးတန်တဲ့ အရည်အချင်းတစ်ခုပါ။ ဒီအရာဟာ သင့်ရဲ့သက်မွေးမှုလုပ်ငန်းတွေအတွက် အခွင့်အရေးကောင်းတွေ ရရှိလာစေမယ့်အပြင် ဦးနှောက်စွမ်းဆောင်ရည်ကိုလည်း တိုးမြင့်စေပါတယ်။

ကံကောင်းစွာနဲ့ပဲ သင့်အနေနဲ့ ဘာသာစကားအသစ်တစ်ခုကို သင့်ရဲ့လုပ်ငန်းပိုင်းတွေမထိခိုက်ပဲ လေ့လာနိုင်ပါတယ်။ သင့်ရဲ့အားလပ်ချိန်တွေထဲ ရိုးရှင်းတဲ့နည်းဗျူဟာတချို့ကို ပေါင်းထည့်လိုက်ရုံနဲ့ အချိန်ပိုမကုန်ပဲ ဘာသာစကားနှစ်မျိုးပြောတတ်တဲ့သူ ဖြစ်လာနိုင်ပါတယ်။ သင့်မှာ တစ်နေ့အားလပ်ချိန် မိနစ် (၂၀) ဒါမှမဟုတ် (၅) မိနစ်လောက်တော့ရှိမယ် ထင်ပါတယ်။ အဲဒီလိုရှိမယ်ဆိုရင်တော့ သင်မျှော်မှန်းထားတဲ့ ဘာသာစကားတတ်မြောက်ရေးပန်းတိုင်ကို ရောက်ဖို့သေချာသွားပါပြီ။

၁။ လေ့လာနေတဲ့ဘာသာစကားနဲ့ ဆက်စပ်တဲ့ ရုပ်ရှင်တွေကိုကြည့်ပါ

သင်နှစ်သက်တဲ့ TV အစီအစဉ်ကိုကြည့်လိုက်ရတာဟာ သင့်ရဲ့တစ်နေ့တာကို စိတ်ပျက်ငြီးငွေ့မှုမရှိပဲ ကုန်ဆုံးစေနိုင်မယ့် နည်းလမ်းဖြစ်ပါတယ်။ TV အစီအစဉ်နဲ့ ရုပ်ရှင်ဇာတ်လမ်းတွဲတွေကနေတစ်ဆင့် ဘာသာစကားလေ့လာခြင်းဟာ အကောင်းဆုံးနည်းလမ်းဖြစ်ပြီး ကလေးတစ်ယောက် ဘာသာစကားအသစ်တစ်ခုကို သင်ယူနေသလိုမျိုး ရုပ်ရှင်တွေထဲ စီးမျောလေ့လာနိုင်ပါတယ်။ ရေဒီယို ဒါမှမဟုတ် အင်တာနက် စာမျက်နှာတွေပေါ်ကနေတစ်ဆင့် အများနားထောင်နိုင်ဖို့ ထုတ်လွှင့်ပေးတဲ့ အသံဖိုင်တွေကိုနားထောင်ခြင်းဖြင့်လည်း လေ့လာနိုင်ပါတယ်။

၂။ facebook group တွေထဲ ဝင်ထားပါ

သင်နှစ်သက်သည်ဖြစ်စေ၊ မနှစ်သက်သည်ဖြစ်စေ facebook ဟာ ကမ္ဘာတစ်ဝှမ်းလုံးက လူတွေနဲ့ဆက်သွယ်နိုင်တဲ့ အသုံးဝင်ကောင်းမွန်တဲ့ ဆိုရှယ်မီဒီယာတစ်ခုအဖြစ် ရပ်တည်နေဆဲပါ။ နောက်ဆုံးပေါ်သတင်းအချက်အလက်တွေနဲ့ သင့်ရဲ့စီးပွားရေးလုပ်ငန်းတွေကို ဈေးကွက်တင်ရောင်းချတာကစလို့ ဘာသာစကားအသစ်တွေကိုလေ့လာတာမျိုးအပြင် အခြားသောနယ်ပယ်အသီးအသီးက မိမိစိတ်ဝင်စားတဲ့အရာတွေကို facebook မှာလေ့လာနိုင်ပါတယ်။

ဒီနည်းလမ်းဟာ တစ်နေ့ကို မိနစ်အနည်းငယ်လောက်ပေးလိုက်ရုံနဲ့အိမ်မှာနေရင်း ကမ္ဘာနဲ့ယှဉ်တဲ့အတွေ့အကြုံတွေကို ရရှိဦးမှာလည်း ဖြစ်ပါတယ်။ ဥပမာအားဖြင့် အင်္ဂလိပ်စာလေ့လာနေသူတွေအတွက် "Daily English Practise Group" လိုမျိုး မိမိလေ့လာနေတဲ့ ဘာသာစကား facebook group တွေထဲ ဝင်ထားခြင်းဖြင့် အလွယ်တကူသင်ယူနိုင်ပါတယ်။

၃။ ဂိမ်း (game) ကစားပါ

စဉ်ဆက်မပြတ်သင်ယူခြင်းဟာ ပျော်စရာကောင်းပါတယ်။ နောက်ဆုံးပေါ်ဂိမ်းတွေအပြင် မိမိလေ့လာနေတဲ့ ဘာသာစကားနဲ့ ဆက်စပ်ပြီး စာလုံးပေါင်းသတ်ပုံရွေးခိုင်းတတ်တဲ့ ဂိမ်းမျိုးလေးတွေကအစ အဆင်ပြေပါတယ်။ ဘာသာစကားလေ့လာဖို့အတွက် သီးသန့်ဒီဇိုင်းလုပ်ထားတဲ့ ဂိမ်းတွေကိုလေ့လာခြင်းနဲ့လည်း သင့်ရဲ့ ဘာသာစကားတတ်မြောက်ရေးပန်းတိုင်ကို ရောက်ရှိနိုင်စေပါတယ်။

၎။ အသံထွက်ဖတ်ပါ

ဘာသာစကားအသစ်တစ်ခုကို အသံထွက်ဖတ်တယ်ဆိုတာ စလေ့လာနေတဲ့သူတွေအတွက် စောသေးတယ်လို့ ထင်ကောင်းထင်နိုင်ပါတယ်။ဒါကေမဲ့ ကိုယ်လေ့လာနေတဲ့ဘာသာစကားကို အသံထွက်ဖတ်ပေးခြင်းဟာ စာကြောင်းထဲမှာပါရှိတဲ့ ရှေ့နောက်စကားအဆက်အစပ်တွေအပြင် ဝေါဟာရတွေနဲ့ သဒ္ဒါ၊ စာအထားအသိုကိုပါ နားလည်လာစေပါတယ်။

နောက်ဆုံးအနေနဲ့ ဘာသာစကားတစ်ခုကိုလေ့လာတဲ့နေရာမှာ ဖြည်းဖြည့်ချင်းစတင်ပါ။ ကလေးဖတ်စာအုပ်တွေထဲကနေပြီးတော့လည်း လေ့လာနိုင်ပါတယ်။ တစ်နေ့နည်းနည်းချင်းစီလေ့လာတာက သင့်ရဲ့ဦးနှောက်စွမ်းရည်ကို မြင့်တက်လာစေပြီး စကားစမြည်ပြောဆိုကြတဲ့အခါမှာလည်း ယုံကြည်ချက်တွေတိုးတက်လာစေနိုင်မှာ ဖြစ်ပါတယ်။

Ref : Pinterest "Genis ways to learn a new language in your spare time"Po Mo Htoo Aung (ရိုးရာလေး)