ကမ္ဘာ့ ခရီးသွားလာမှု သမိုင်းအကျဉ်း

အားလပ်ရက် ခရီးသွားလာမှုဟာ လွန်ခဲ့တဲ့နှစ်ပေါင်း နှစ်ထောင်မတိုင်မီကတည်းက ပေါ်ပေါက်ခဲ့တယ်။ ပူပြင်းတဲ့ နွေဥတုရောက်တိုင်း ချမ်းသာကြွယ်ဝတဲ့ ရှေးခေတ်ရောမလူမျိုးတို့က အပူရှောင်ခရီးသွားလာရာမှ ခရီးသွားလာမှုလုပ်ငန်းစတင်ခဲ့တယ်။

အပူရှောင် ခရီးအဖြစ် ရောမသားတို့က ကျေးလက်ဒေသနဲ့ ပင်လယ်ကမ်းခြေဒေသတို့ကို ရွေးချယ်ခဲ့ကြပြီး ကျေးလက်နဲ့ကမ်းခြေနေပြည်သူတို့က အလည်လာသူ ရောမသားတို့အတွက် စားကောင်းဖွယ်ရာတို့ ချက်ပြုတ်ကျွေးခြင်း ၊ နေထိုင်ရန် အိမ်ယာတို့ ဆောက်လုပ်ပေးခြင်းဖြင့် အပိုဝင်ငွေစုဆောင်း ရရှိခဲ့တယ်။ ရောမအင်ပါယာပျက်သုဉ်းခြင်းနဲ့အတူ ရောမ ခရီးသွားလုပ်ငန်းတို့ နေဝင်ခဲ့ပြန်တယ်။

အေဒီ ၁၁၀၀ မှ ၁၄၀၀ ခန့် အလယ်ခေတ်ကာလတွင် ခရစ်တော်ဖွားမြင်ရာအရှေ့အလယ်ပိုင်းဒေသသို့ ဘုရားဖူး ခရီးသွားလာခြင်း ပေါ်ပေါက်လာတယ်။ ဘုရားဖူး ပြည်သူတို့က မြင့်မြတ်ရာဌာနေ " ဂျေရုစလာမ် " သို့သွားရောက်လည်ပတ်ကြပြီး " အင်း " လို့ ခေါ်တဲ့တည်းခိုခန်းများတွင် ခေတ္တနေထိုင်ကြတယ်။ ထိုခေတ် တည်းခိုခန်းတို့ရဲ့ အခင်းအကျင်းအစီအမံကောင်းမွန်မှုကြောင့် ဘုရားဖူးတို့ စိတ်ကြည်နူးခဲ့ရတယ် ။ ထိုအချိန်တွင် " အင်း " လို့ခေါ်တဲ့ တည်းခိုခန်းတို့ နေရာအနှံအပြား ရှိနှင့်နေပါပြီ။

၁၈ ရာစုမှာ ခရီးသွားလုပ်ငန်းတို့ ပြန်လည် ဦးမော့လာခဲ့ပြီ ။ ဥရောပမှ ကြွယ်ဝသူတို့ရဲ့ အပန်းဖြေရန် ၊ ဓလေ့ထုံးတမ်းတို့လေ့လာရန်နဲ့ ကျန်းမာရေးလိုက်စားရန်တို့အတွက် တောင်ပေါ်အပန်းဖြေစခန်းမြို့တို့နဲ့ ပင်လယ်ကမ်းခြေအနားယူ စခန်းမြို့တို့ကို ခရီးသွားလာကြပြီး ချမ်းသာတဲ့ အင်္ဂလိပ် လူမျိုးတို့ရဲ့ အနှစ်သက်ဆုံး ခရီးသွားနိုင်ငံက အီတလီဖြစ်ခဲ့တယ် ။ အီတလီလူမျိုးတို့ရဲ့ ပန်းပုသုခုမအနုပညာ ၊ ကမ္ဘာကျော်ရေဆေးပန်းချီ အလှတို့နဲ့ ရှေးခေတ်ဗိသုကာလက်ရာမြောက်လှတဲ့ အဆောက်အဦတို့ကြောင့် ထုံးတမ်းယဉ်ကျေးမှုတို့ကို မြတ်နိုးတဲ့အင်္ဂလိပ်တို့ အီတလီနိုင်ငံကို သဘောတွေ့ မနှောခွေ့ပြီး မကြာခဏ သွားရောက်ပါတော့တယ်။

စက်မှုယဉ်ကျေးမှု ထွန်းကားခြင်းနဲ့အတူ ၂၀ ရာစုမှာ ဥရောပသားတို့ ပိုမိုချမ်းသာလာကြပါပြီ။ ခရီးတွေလဲပိုသွားလာကြပါပြီ။ ဟိုတယ်တွေလဲ နေရာအနှံ့ရှိနေပါပြီ ။ ၁၉၆၀ ဝန်းကျင်ခန့်တွင် ပိုမြန်ဆန် ၊ ပိုသက်တောင့်သက်သာရှိတဲ့ ပုဂ္ဂလိကလေကြောင်းလိုင်းတို့ကို ကမ္ဘာလှည့် ခရီးသည်တွေ ပိုအသုံးပြုလာကြပါပြီ။ ထိုခေတ်က ကမ္ဘာလှည့်ခရီးသည်တို့ သဘောအကျဆုံးနိုင်ငံတွေက ပြင်သစ်ပြည်နဲ့စပိန်နိုင်ငံတို့ပါပဲ ။

ဒီနေ့ခေတ် ဥရောပကမ္ဘာလှည့်ခရီးသည်တွေအကြား အီတလီ ၊ ပြင်သစ် ၊ စပိန်နိုင်ငံတို့က ရေပန်းအစားဆုံးပါ။ အမေရိကန်ပြည်ထောင်စုကတော့ တိုင်းတပါးကလာတဲ့ ဘဝရည်မှန်းချက်ကြီးသူတို့ကို အဆွဲဆောင်ဆုံးနိုင်ငံပါပဲ ။ ကမ္ဘာလှည့်ခရီးသွား လုပ်ငန်းကို တိုင်းပြည်ရဲ့အဓိကဘဏာအဖြစ် သတ်မှတ်တဲ့ နိုင်ငံအများအပြားရှိနေပါပြီ ။ ထိုနိုင်ငံတို့ရဲ့ ခေတ်ဆန်တဲ့ အပန်းဖြေစခန်းတွေ ကြယ်ငါးပွင့်ဟိုတယ်ကြီးတွေနဲ့ စိတ်လှုပ်ရှားဖွယ် ရှုမျှော်ခင်းတွေက ကမ္ဘာလှည့်ခရီးသွားတို့ရဲ့ ပိုက်ဆံတွေကို အမိအရဆွဲဆောင်နေဆဲပါ။

ကမ္ဘာလှည့်ခရီးသွားလုပ်ငန်းကို မီးခိုးမထွက်တဲ့ စက်ရုံ အလုပ်ရုံတွေအဖြစ် ကမ္ဘာ့နိုင်ငံအသီးသီးက ခံယူထားကြပါပြီ။

သူရပိုင်စိုး ( နည်းပညာ )