V7 နဲ့ V7+ ဘာကိုရွေးမလဲ

Vivo က V7+ ကိုအရင်ဦးဆုံးမိတ်ဆက်ခဲ့ပြီး နိုဝင်ဘာလလယ်ပိုင်းကတော့ V7 ကိုဈေးကွက်ထဲထပ်တင်သွင်းခဲ့ပါတယ်။

V7+ ကိုဝယ်ပြီးသားသူတွေကတော့ V7 ထွက်လာလည်းသိပ်ပြီးရင်မခုန်ကြဘူးဆိုပေမဲ့ အခုမှ ဝယ်ဖို့ စိတ်ကူးသူတွေကတော့ ဒီဖုန်း ၂ လုံးကြား ကြားကွာခြားမှုကိုသိထားဖို့ လိုပါတယ်။



V7+ နဲ့ V7  ဖုန်းနှစ်လုံးက အဓိကအားသာချက်တွေမှာ ကြီးကြီးမားမားမကွာကြပါဘူး။ အဓိကအားသာချက်နှစ်ခုဖြစ်တဲ့ 24MP အရှေ့ကင်မရာနဲ့ FullViewTM Display ချင်းက တူတူပါပဲ။ တိတိကျကျပြောမယ်ဆိုရင်တော့ V7+ ရဲ့ မျက်နှာပြင်အရွယ်အစားက 5.99 လက်မဖြစ်ပြီး၊ V7 ရဲ့ မျက်နှာပြင်အရွယ်အစားကတော့ 5.7 လက်မပါ။ အခြေခံအားဖြင့် သုံးထားတဲ့ Processor  နှစ်ခုစလုံးက Qualcomm Octa-core Snapdragon 450 တွေပါ။ RAM 4GB ချင်းလည်းတူညီတာကြောင့် Performance ပိုင်းမှာတော့ အများကြီးကွာဟမှု ရှိမှာ မဟုတ်ပါဘူး။

V7+ နဲ့ V7 အကြားကွာဟချက်တစ်ခုကသိုလှောင်မှုပိုင်းဖြစ်ပါတယ်။ V7+ က 64GB ဖြစ်ပြီး၊ V7 ကတော့ 32GB ပါ။ ပမာဏထပ်ပြီးတိုးမယ်ဆိုရင်တော့ နှစ်ခုစလုံးက microSD Card နဲ့ 256GB အထိတိုးမြှင့်နိုင်ပါတယ်။ နောက်ထပ်ကွာခြားချက်ကတော့ ဘက်ထရီပါ။ V7+ က 3225mAh ဖြစ်ပြီး V7 ကတော့ 3000mAh ဖြစ်ပါတယ်။ Processor တူညီနေတဲ့အတွက် မျက်နှာပြင်အရွယ်အစားအလိုက် သင့်တော်တဲ့ ဘက်ထရီစွမ်းအင်ကိုထည့်သွင်းပေးထားတယ်လို့ ယူဆရပါတယ်။ လက်တွေ့ စမ်းသပ်ချက်တွေအရတော့ V7+ ရော V7 ပါ စွမ်းအင်ခြွေတာပြီးဘက်ထရီအသုံးခံတာကိုတွေ့ရပါတယ်။ Operating System အနေနဲ့ကတော့ နှစ်မျိုးစလုံးကFuntouch OS 3.2 (based on Android 7.1) ကို အသုံးပြုထားပါတယ်။ Fingerprint, Face Access စတာတွေနဲ့ ကျန်တဲ့အပိုင်းတွေလည်း အတူတူပါပဲ။

V7 မှာ Hi-Fi audio chip ကိုမထည့်ပေးထားပါဘူး။ ဒီတစ်ချက်ကတော့ Vivo ရဲ့ Hi-Fi audio အရည်အသွေးကို နှစ်သက်သူတွေအတွက် V7+ ကိုဝယ်သင့်ပါတယ်။ ဈေးနှုန်းအားဖြင့်နှိုင်းယှဉ်မယ်ဆိုရင် ကျပ် ၈၀၀၀၀ အထိကွာနေပါတယ်။ ဒါပေမဲ့ အဓိကအားသာချက်တွေဖြစ်တဲ့ 24MP အရှေ့ကင်မရာ၊ FullViewTM Display တွေရရှိတာကတော့ အတူတူပါပဲ။ ကွာခြားချက် အနည်းငယ်ပဲရှိတာကိုတွေ့ရတာကြောင့် ဝယ်ယူမယ့်သူရဲ့ ရွေးချယ်မှုကပဲအဓိဖြစ်ပါတယ်။

Team (ရိုးရာလေး)