၂၀၃၀ ခုနှစ်လောက်မှာ လကမ္ဘာပေါ် လူသားတွေ လက်တွေ့အခြေချ နေနိုင်တော့မည်

သိပ္ပံရုပ်ရှင်တွေ ကြည့်ပြီး စိတ်ကူးယဉ်ခဲ့ကြရတဲ့ လကမ္ဘာ နဲ့ တခြားဂြိုဟ်ကမ္ဘာတွေပေါ်မှာ အခြေချ နေထိုင်ဖို့ ဆိုတဲ့ လူသားတွေရဲ့ဆန္ဒအာသီသဟာ အနာဂတ်ကာလမှာ တကယ်ဖြစ်လာဖို့ ရှိနေပါပြီ။

ဂျပန်နိုင်ငံ၊ တိုကျိုသိပ္ပံနဲ့ နည်းပညာတက္ကသိုလ်က အာကာသစူးစမ်းလေ့လာရေး သုတေသနဌာနဟာ လကမ္ဘာ နဲ့ မားစ်ဂြိုဟ်လို တခြားဂြိုဟ်တွေပေါ်မှာ လူသားတွေအနေနဲ့ အုပ်စုလိုက် အခြေချနေထိုင်ဖို့ စူးစမ်းလေ့လာထားတဲ့ နည်းလမ်းတွေကို အမှန်တကယ်လက်တွေ့ပုံဖော်သွားဖို့ ရှိနေပါပြီ။ လက်ရှိကာလမှာ အတည်တကျ ကြိုးစားအာရုံစိုက်နေပြီ ဖြစ်ပါတယ်။ ဒီသုတေသနအဖွဲ့ကို ဦးဆောင်သူက ဂျပန်နိုင်ငံရဲ့ ပထမဦးဆုံးသော အမျိုးသမီး အာကာသယာဉ်မှူး ချိအားခိ မုခိုင် ပါ။ သူမက အဖွဲ့ရဲ့ ဒါရိုက်တာဖြစ်ပါတယ်။ အသက် ၆၆ နှစ် အရွယ် ရှိနေပါပြီ။

အေအက်ဖ်ပီ သတင်းဌာနရဲ့ ဖော်ပြချက်အရ မုခိုင်က ၂၀၃၀ ခုနှစ်အရောက်မှာ လူသားတွေအနေနဲ့ လကမ္ဘာပေါ် နေထိုင်နိုင်ဖို့က တကယ်လက်တွေ့ဖြစ်လာတော့မှာပါ လို့ ဆိုခဲ့ပါတယ်။ စခန်းချ နေထိုင်ကြသလိုမျိုး စတင်အခြေချနေထိုင်ရမှာဖြစ်ပြီး လိုအပ်တာမှန်သမျှ ကိုယ်နဲ့အတူ ယူဆောင်လာနိုင်တယ်လို့ သိရပါတယ်။

သူမက အာကာသယာဉ်မှူးအနေနဲ့ အနည်းဆုံး နာရီပေါင်း ၅ဝဝ တာဝန်ထမ်းဆောင်ခဲ့သူပါ။ လူရဲ့ နဂိုဗီဇသဘာဝကိုက စူးစမ်းရှာဖွေခြင်းပဲ လို့ ခံယူထားတဲ့ မုခိုင်က အာကာသက ဂြိုဟ်တွေထဲ လူသားတွေ အခြေချ နေထိုင်သွားတာကို သူ အသက်ရှိစဉ်ကာလအတွင်း မြင်သွားချင်သူဖြစ်ပါတယ်။

သူတို့ အဖွဲ့ဟာ လက်ရှိအချိန်မှာတော့ အာကာသထဲမှာ အချိန်အရမ်းမပေးရဘဲ အာလူးတွေကို ထိထိရောက်ရောက် စိုက်ပျိုးနိုင်မယ့် နည်းပညာကို ဖန်တီးတည်ဆောက်နေပါတယ်။ ဒီနည်းပညာက ဆားပျော်ရည်ထဲ လျှပ်စစ်ဓာတ်အားဖြတ်ကူးစေပြီး ရရှိလာမယ့် အရည်ကြည်ပလာစမာ စနစ် နဲ့ အာလူးတွေကို များများစားစား စိုက်ပျိုးသွားနိုင်ဖို့ပါ။

အာကာသထဲ လျှပ်စစ်ဓာတ်အားရဖို့ အတွက် အလွန်သေးငယ်တဲ့ သာမိုအီလက်ထရစ်ဆန်ဆာတွေကိုအသုံးပြုပြီး အပူချိန်ခြားနားချက်နဲ့ လျှပ်စစ်ဓာတ်အားထုတ်မယ့် နည်းစနစ်ကိုလည်း သူမတို့အဖွဲ့အနေနဲ့ တပြိုင်တည်း အကောင်အထည် ဖော်သွားဖို့ ရှိနေပာတယ်။

ခေတ်သစ်အာကာသ နည်းပညာမှာ အမေရိကန် နဲ့ တရုတ်က လွှမ်းမိုးထားပေမယ့် လက်ရှိ ဂျပန်က အနာဂတ်ကာလ ကမ္ဘာမြေပြင်ပ အာကာသစူးစမ်းလေ့လာရေးမှာ အခုထက်ပိုပြီး ထဲထဲဝင်ဝင် ပါဝင်ေဆာင်ရွက်လာဖို့ ရှိနေတာကြောင့် လူသားကမ္ဘာ အတွက် ဘယ်လို အကျိုးဖြစ်ထွန်းမှုတွေ ရှိလာမလဲဆိုတာ ဆက်လက်စောင့်ကြည့်သွားရမှာပါ။

" အခု လကမ္ဘာ နဲ့ အာကာသ မှာ ရှင်သန် နေထိုင်နိုင်မယ့် နည်းလမ်းတွေကို စူးစမ်းတည်ဆောက်ကြည့်မိတော့ ဒီနည်းလမ်းတွေက ကမ္ဘာမြေပေါ်က ဖြေရှင်းစရာ ကိစ္စအတော်များများအတွက်လည်း အကျိုးပြုနေတာပဲ။ အသုံးလည်းဝင်နေတယ်။ ဘေးထွက်ရလဒ်အနေနဲ့ ဒါကို သွားတွေ့ရတယ်" လို့ သူကဆိုခဲ့ပါတယ်။

သူ့ရဲ့ စကားနဲ့အညီပဲ သူတို့ အဖွဲ့ ဖန်တီးတည်ဆောက်နေတဲ့ မြေမဲ့ စိုက်ပျိုးနည်း၊ အာဟာရရည်ဖြင့် စိုက်ပျိုးနည်း စတဲ့ နည်းပညာတွေဟာ စားရေရိက္ခာ၊ သဘာဝရင်းမြစ် နဲ့ သယံဇာတ ရှားပါးလှတဲ့ ဆာဟာရသဲကန္တာရ ရဲ့ တောင်ဘက်ပိုင်းက အာဖရိကန်နိုင်ငံတွေအတွက် အကျိုးကျေးဇူးများစွာ ဖြစ်ထွန်းပြီး အထောက်အကူပြု လာဖို့ရှိနေတယ် လို့ သိရပါတယ်။

 

Ref: asiancorrespondent.com

AI (ရိုးရာလေး)