Category: Technology

Vivo အနေဖြင့် ထုတ်ကုန်သစ် V7+ ကို ယခုလအတွင်း မိတ်ဆက်ပေးမည်ဖြစ်ကြောင်း သိရ

     ပြီးခဲ့သည့်ရက်ပိုင်းအတွင်းက Vivo အနေဖြင့် ထုတ်ကုန်သစ် V7+ ကို မိတ်ဆက်ရောင်း ချတော့မည် ဖြစ်ကြောင်း သတင်းများထွက်ပေါ်ခဲ့ပြီး အဆိုပါ V7+ ကို ပြည်တွင်းဈေးကွက်တွင် ယခုလအတွင်း မိတ်ဆက်ပေးမည်ဟုလည်း သိရပါသည်။

Category: Technology

iphone ၁၀ နှစ်ပြည့်အထိမ်းအမှတ်အဖြစ် မိတ်ဆက်ခဲ့တဲ့ iPhone X၊ iPhone 8 နဲ့ 8 Plus

မနေ့ညက မိတ်ဆက်ခဲ့တဲ့ Iphone ၁၀ နှစ်ပြည့်ပွဲမှာ Apple ဟာ iPhone 8၊ 8 Plus နဲ့ Home Buttom မပါဝင်တဲ့အပြင် တခြားလုပ်ဆောင်ချက်အသစ်တွေပါဝင်တဲ့ iPhone X ကို မိတ်ဆက်ခဲ့ပါတယ်။ iPhone X မှာ home button မပါလာတော့အပြင် Face ID လို့ခေါ်တဲ့ မျက်နှာကို စစ်ဆေးပေးနိုင်တဲ့ လုပ်ဆောင်ချက်လည်းပါဝင်ခဲ့ပါတယ်။  iPhone 8 နဲ့ 8 Plus တို့မှာတော့ Home button ပါဝင်ဆဲဖြစ်ပြီး မော်ဒယ်လ် သုံးခုလုံးမှာ ကြိုးမဲ့အားသွင်းစနစ်ပါဝင်လာခဲ့ပါတယ်။

Category: Technology

ကမ္ဘာ့ပထမဆုံး မိုဘိုင်းလ်ဖုန်းဖြင့်ရိုက်ကူးသော ဓာတ်ပုံ

ဒီနေ့ခေတ်မှာတော့ လူတိုင်းလိုလို ဖုန်းကိုင်နိုင်ကြပြီး ဖုန်းနဲ့ ဓာတ်ပုံရိုက်ကြတာက အသစ်အဆန်းတစ်ခုမဟုတ်တော့ပါဘူး။ ဒါ့ဆိုရင် ကမ္ဘာ့ပထမဆုံး မိုဘိုင်းလ်ဖုန်းနဲ့ ရိုက်ခဲ့တဲ့ ဓာတ်ပုံက ဘယ်ပုံလဲဆိုတာသိပါသလား။ သမိုင်းကိုပြန်လိုက်ကြည့်ရမယ်ဆိုရင်
အမေရိကန်နိုင်ငံ အနောက်ပိုင်းကယ်လီဖိုးနီးယားပြည်နယ် လစ်ဗ်အုတ်မြို့ (Live Oak)ရှိ ဆပ်တာ သားဖွားဆေးရုံမှာ (Sutter Maternity  Surgery Center) ၁၉၉၇ ဇွန်လ ၁၁ ရက်နေ့တွင် မိုဘိုင်းဖုန်းနဲ့ပထမဆုံးဓာတ်ပုံကိုရိုက်ကူးခဲ့တာ ဖြစ်ပါတယ်။

Category: Technology

Iphone 8 နဲ့ ပတ်သတ်တဲ့ သတင်းအချက်အလက်တွေ အကုန်ပေါက်ကြားခဲ့တဲ့ Apple

Apple ဟာ သူ့ရဲ့ နောက်ဆုံးပေါ် Iphone ကို ဒီကနေ့(အင်္ဂါနေ့) မှာ မိတ်ဆက်သွားမှာ ဖြစ်ပေမဲ့ သူမိတ်ဆက်ဖို့ စီစဉ်ထားတဲ့  Iphone ၃ လုံး (iPhone 8၊ iPhone 8 Plus နဲ့နည်းပညာမြင့် Iphone X အပါအဝင်) ရဲ့ အသေးစိတ်အချက်အလက်များဟာ  ပေါက်ကြားသွားခဲ့ပါတယ်။ ဒီလို ပေါက်ကြားသွားခဲ့တဲ့အတွက် Apple အနေနဲ့ သူ့ရဲ့ပရိတ်သတ်တွေအတွက် အံ့အားသင့်စရာ  အချက်တွေ ကျန်သေးရဲ့လား ဆိုတာစိတ်ဝင်စားစရာပါပဲ။

Category: Technology

Vivo ရဲ့ ထုတ်ကုန်သစ်မှာ ဘယ်လို feature တွေ ပါဝင်လာနိုင်မလဲ

    Vivo Smartphone ကုမ္ပဏီဟာ မကြာခင်မှာ ထုတ်ကုန်သစ်တစ်ခုကို မိတ်ဆက်ဖြန့်ချိတော့မယ်လို့ သတင်းတွေ ထွက်ပေါ်လာခဲ့ပါပြီ။ မော်ဒယ်မြင့် ဖုန်းသစ်တစ်မျိုး ထပ်ပြီးထွက်ပေါ်လာတာဟာ မထူးဆန်းပေမယ့် ဒီတစ်ခါမှာတော့ Shanghai MWC ပြပွဲကြောင့် Vivo ကို စိတ်ဝင်စား စောင့်ကြည့်နေကြတဲ့သူတွေ များပါတယ်။

Category: Technology

Smartphone နဲ့ အလန်းစားဓာတ်ပုံတွေ ရိုက်ယူနိုင်ဖို့

စမတ်ဖုန်းတွေ အသုံးပြုမှုများလာတဲ့နောက်ပိုင်း လူတိုင်းနီးပါး ကိုယ့်ဖုန်းနဲ့ကိုယ် ဓာတ်ပုံတွေ ရိုက်လာကြပါတယ်။ ဒီလို ဓာတ်ပုံရိုက်ကူးရာမှာ တချို့ကတော့ မှတ်တမ်းသဘောမျိုး ရိုက်ပါတယ်။ တချို့ကတော့ အလှဓာတ်ပုံအနေနဲ့ ရိုက်ကူးကြပါတယ်။ တချို့ကတော့ ဖုန်းနဲ့ ဓာတ်ပုံရိုက်ကူးတာကို ဝါသနာ ပါလွန်းတဲ့အတွက် ရောက်လေရာမှာ ပုံကောင်းလေးတွေ ရအောင်လို့ ကြိုးစားကြပါတယ်။ ဒါကြောင့် ဒီလိုမျိုး ဖုန်းနဲ့ ဓာတ်ပုံရိုက်ကူးတဲ့ သူတွေထဲမှာ ပညာရှင်တွေမဟုတ်တဲ့ ၀ါသနာရှင်တွေအတွက် အခြေခံအားဖြင့် သိထားသင့်တဲ့ အချက်လေးတွေကို Vivo က မျှဝေပေးထားတာကို ပြန်လည်ဖော်ပြပေးလိုက်ရပါတယ်။

Category: Technology

မကြာခင် ထွက်ရှိလာတော့မယ့် Vivo ရဲ့ ထုတ်ကုန်သစ်

     Vivo က ထုတ်လုပ်လိုက်တဲ့ V5 series ဟာ ကင်မရာ အရည်အသွေးကောင်းမွန်မှုကြောင့် Selfie ဝါသနာရှင်များ အကြိုက်တွေ့ခဲ့ကြတဲ့ ဖုန်း အမျိုးအစား ဖြစ်ခဲ့တာကို တွေ့ရပါတယ်။ နိုင်ငံတကာ နည်းပညာ Website တွေမှာ ဖော်ပြထားတဲ့ သတင်းတွေအရ Vivo အနေနဲ့ နောက်ထပ် V Series ထုတ်ကုန်သစ်တမျိုးကို မိတ်ဆက်ပေးသွားတော့မှာပါ။ V5 series ထွက်ပြီး ရှစ်လအကြာမှာ အခုလို သတင်းထွက်လာခဲ့တာ ဖြစ်ပြီး ထပ်မံထွက်ရှိလာမယ့် ဖုန်း အမျိုးအစားအသစ် ကတော့ V7+ ဖြစ်တယ်လို့ သိရပါတယ်။

Category: Technology

Smartphone နဲ့ အလန်းစားဓာတ်ပုံတွေ ရိုက်ယူနိုင်ဖို့

စမတ်ဖုန်းတွေ အသုံးပြုမှုများလာတဲ့နောက်ပိုင်း လူတိုင်းနီးပါး ကိုယ့်ဖုန်းနဲ့ကိုယ် ဓာတ်ပုံတွေ ရိုက်လာကြပါတယ်။ ဒီလို ဓာတ်ပုံရိုက်ကူးရာမှာ တချို့ကတော့ မှတ်တမ်းသဘောမျိုး ရိုက်ပါတယ်။ တချို့ကတော့ အလှဓာတ်ပုံအနေနဲ့ ရိုက်ကူးကြပါတယ်။ တချို့ကတော့ ဖုန်းနဲ့ ဓာတ်ပုံရိုက်ကူးတာကို ဝါသနာ ပါလွန်းတဲ့အတွက် ရောက်လေရာမှာ ပုံကောင်းလေးတွေ ရအောင်လို့ ကြိုးစားကြပါတယ်။ ဒါကြောင့် ဒီလိုမျိုး ဖုန်းနဲ့ ဓာတ်ပုံရိုက်ကူးတဲ့ သူတွေထဲမှာ ပညာရှင်တွေမဟုတ်တဲ့ ၀ါသနာရှင်တွေအတွက် အခြေခံအားဖြင့် သိထားသင့်တဲ့ အချက်လေးတွေကို Vivo က မျှဝေပေးထားတာကို ပြန်လည်ဖော်ပြပေးလိုက်ရပါတယ်။

Category: Technology

မြောက်ကိုရီးယားဒုံးကျည်တွေထက် AI တွေက ကြောက်ဖိုပို့ကောင်းတယ်လို့ဆိုလိုက်တဲ့ အီလွန်မတ်စ်

လျှပ်စစ်ကား ကုမ္ပဏီ ဖြစ်တဲ့ Tesla နဲ့SpaceX တို့တည်ထောင်သူဖြစ်တဲ့ အီလွန်မတ်စ်ဟာ နိုင်ငံတွေ အပြိုင်အဆိုင် AI (လူတို့ဉာဏ်ရည်ကို ကွန်ပျူတာဖြင့် စီစဉ်တုပမှု) တွေ တီထွင်နေခြင်းက တတိယကမ္ဘာစစ်ကို ဖြစ်ပွားစေနိုင်တယ်လို့ သတိပေးလိုက်ပါတယ်။

Category: Technology

Facebook ပေါ်မှာမလုပ်သင့်တဲ့ အချက် (၁၀) ချက်

ဒီနေ့ခေတ်မှာ Facebook က လူကြိုက်အများဆုံး ဆိုရှယ်မီဒီယာတစ်ခု အဖြစ်ရပ်တည်နေပြီး တစ်ကမ္ဘာလုံးမှာ Facebook အသုံးပြုသူဟာ တစ်ရက်ကို ၁.၂၈ ဘီလီယံခန့်ရှိတယ် လို့ မတ်လ စာရင်းများအရ သိရပါတယ်။ ဒါ့အပြင် Facebook အသုံးပြုသူ လူဦးရေဟာ တစ်နှစ်ကို ၁၈ % ခန့် ပိုများလာနေတဲ့အတွက် Facebook ရဲ့ အသုံးပြုတဲ့လူဦးရေဟာ တစ်နေ့တခြားပိုများလာနေပါတယ်။ Facebook အသုံးပြုသူအများစုဟာ အချင်းချင်းဆက်သွယ်ကြပြီး၊ အတွေးအခေါ်တွေကို မျှဝေကြပြီး သတင်းအချက်အလက်တွေကို ရယူကြပါတယ်။ ဒါပေမဲ့ Facebook မှာလည်း ပြင်ပလောကလိုပဲ  ကျင့်ဝတ်စည်းကမ်းလေးတွေရှိကြပါတယ်။ ဒါ့ကြောင့် သင့်အနေနဲ့ သင့်ရဲ့ Facebook Friends တွေကို စိတ်အနှောင့်အယှက် မဖြစ်စေချင်ဘူး၊ သင့်အနေနဲ့လည်း Facebook ကို လုံခြုံစွာ အသုံးပြုချင်တယ်ဆိုရင် Facebook ပေါ်မှာ မလုပ်သင့်တဲ့ အချက် (၁၀) ချက်ကို ဖော်ပြလိုက်ပါတယ်။

၁။ ကိုယ်တင်ထားတဲ့ Status တွေ၊ ဓာတ်ပုံတွေ၊ ဗီဒီယိုတွေကို ကိုယ်တိုင်ဒိုင်ခံ Like ပေးနေခြင်း။



Facebook ပေါ်မှာ Post တင်ကတည်းက သင်ကြိုက်လို့ တင်လိုက်တာပါ။ ဒါ့ကြောင့် ဒါကြီးကို Like နှိပ်ပြီး သင့်လည်း ကြိုက်ကြောင်း ပြစရာမလိုပါဘူး။ ဒါပေမဲ့ ကိုယ့် ပိုစ့်ကို ကိုယ် Like လုပ်ကြတဲ့ လူတွေရဲ့ စိတ်တွေထဲမှာတော့ ကိုယ်ရဲ့ပိုစ်ကို ကိုယ် Like မယ်ဆိုရင် ကိုယ်ရဲ့ ပိုစ်ဟာ  သူငယ်ချင်းတွေ တွေပိုသိကြမလားဆိုပြီး Like နှိပ်ထားလေ့ရှိပါတယ်။ ဒီလိုလုပ်တာကလည်း ကိုယ်တင်ထားတဲ့ Post ကို ကိုယ်ကိုတိုင် မယုံသလိုဖြစ်နေပါတယ်။ ဒါ့ကြောင့် ကိုယ့် Post ကို ကိုယ်တိုင်ပြန် Like လေ့ရှိတယ်ဆိုရင် အဲ့လိုလုပ်တာ ရပ်လိုက်ပါတော့။ ဒါက လုံးဝသဘာဝ မကျပါဘူး။

၂။ Page အသစ် Invites လုပ်တာမျိုး။



တစ်ခါတစ်လေ လူတွေက သူတို့ရဲ့ Page အသစ်တွေ စလုပ်ပြီး သူရဲ့ Friend List အကုန်လုံးကို Invites တွေ လိုက်ပို့လေ့ရှိပါတယ်။ ဒီလိုလုပ်တာကလည်း  သဘာဝမကျပါဘူး။ တကယ်လို့ သင့် Page ကတင်တဲ့ ပိုစ့်တွေဟာ ဆွဲဆောင်မှုရှိနေတယ်ဆိုရင် သူတို့ကို Invites တောင်လုပ်စရာမလိုပဲ Like လာပါလိမ့်မယ်။  ဒါ့ကြောင့် လူတွေကို ဟိုဟာလုပ်ပါ ဒီဟာလုပ်ပါ သွားမပြောပါနဲ့။ လူတွေက သူတို့ ယုံကြည်တဲ့ အရာတစ်ခုကိုပဲ လုပ်ကြတာ ဖြစ်ပါတယ်။

၃။ လူတကာကို လျှောက် Tag နေခြင်း။



ဒီ ကိစ္စကတော့ Facebook စသုံးလာကတည်းက ဆွေးနွေးလာကြတဲ့ ပြဿနာတစ်ခုဖြစ်တဲ့ အတွက် အခုချိန်မှာတော့ လူတော်တော်များများ သဘောပေါက်နေကြတဲ့ အရာတစ်ခုဖြစ်ပါတယ်။ ဒါကြောင့် မဖြစ်မနေ Tag တွဲရမယ်ဆိုရင်တော့ လုံးဝအားမနာပဲ Tag တွဲလိုက်ပါ။ လူတွေက သင်အဲ့လို သူတို့ကို သတိတရ Tag တွဲတဲ့ အတွက် ပျော်ကြမှာပါ။ ဒါပေမဲ့ သင်ကိုယ်တိုင်တောင် မသိတဲ့လူတွေကိုတော့ Tag သွားမတွဲမိပါစေနဲ့။ Like များများလိုချင်လို့ လူ ၅၀ လောက်ကို Tag တွဲပြီး Post တင်လိုက်တာမျိုးက တကယ်စိတ်ပျက်ဖို့ ကောင်းပါတယ်။

၎။ အသုံးမဝင်တဲ့ Event တွေ Invites တွေလုပ်ခြင်း။



မလိုအပ်ဘဲ Invites တွေ လိုက်ပို့တာကိုက အဓိပ္ပါယ်တစ်စက်မှ မရှိပါဘူး။ ဒါကြောင့် Event တွေ Invite လုပ်မယ်ဆိုလည်း တကယ်သွားချင်လောက်တဲ့ လူကိုပဲ  Invite လုပ်ပါ။ လူတကာကို Invite လုပ်နေမယ်ဆိုရင် သင်က Facebook ပေါ်မှာပါ ကြောင်တောင်တောင် လူတစ်ယောက် ဖြစ်နေပါလိမ့်မယ်။

၅။ Twitter တို့ Instagram တို့နဲ့ Cross-Post မတင်ပါနဲ့။



သင့်ရဲ့ Facebook က Follower တွေနဲ့ Twitter က Follower ဆိုတာလည်း မတူပါဘူး။ Facebook post ကောင်းကောင်းတစ်ခုဆိုတာလည်း Tweet ကောင်းကောင်းနဲ့ မတူပါဘူး။ ဒါ့ကြောင့် အကြောင်းအရာတစ်ခုတည်းကိုပဲ ဆိုရှယ်မီဒီယာ ၂ ခု၊ ၃ခုပေါ် တင်မနေပါနဲ့။ ဒါ့ကြောင့် ဒီလိုလုပ်မယ်ဆိုရင် သင့်ရဲ့ Friends တွေနဲ့ Follower တွေကို အာရုံပဲနောက်စေမှာပါ။

၆။ Like ရရန် Attention မယူပါနဲ့။



Facebook Post တစ်ခုမှာ Like လိုချင်ကို Attention တောင်းတာက ကြည့်ရတာ အဆင်မပြေပါဘူး။ ဒါ့ပေမဲ့ အများစုက ဒီလိုလုပ်နေကြဆဲပါ။ လူတွေကသင့်ကို  အရမ်းအားနာလို့ပဲ Like လုပ်သွားရင် သွားပါလိမ့်မယ်၊ သူတို့အတွက်လည်း အသုံးမဝင်ပါဘူး။ ဒါ့ကြောင့် Like ရဖို့ သူတို့အတွက် အသုံးမဝင်တာတွေကို Like မလုပ်ခိုင်းပါနဲ့။

၇။ Message တစ်စောင်တည်းကို လူအများကြီးလျှောက်ပို့တာမျိုးမလုပ်ပါနဲ့။



Facebook ကို မျက်နှာပြောင်ဖို့အတွက်သုံးပြီး သင်ပို့လိုက်တဲ့ သူတွေကလည်း သင့်လိုပဲ မျက်နှာပြောင်တဲ့ သူတွေပဲဆိုရင်တော့ ပြဿနာ မရှိပါဘူး။ ဒါပေမဲ့  သင်ကို သင်မလိုချင်တဲ့ ကြော်ငြာလိုလို စာတစ်စောင်ကို သင်ဆီပို့လိုက်ရင် သင်ချက်ချင်းလွှင့်ပစ်လိုက်တာပဲမှလား။ သင်တစ်ယောက်တည်းကို  ဦးတည်ပြီးပို့ရင်တော့ သင့်အတွက်ရတနာ တစ်ခုပေါ့။ Facebook မှာ Message ပို့တာကလည်း ဒီလိုပါပဲ။ လူတွေက သူတို့ကို ဒီလို Message တွေပို့တာမျိုးကို မကြိုက်ကြပါဘူး။

၈။ Check-in ဝင်ခြင်း။



ဆိုရှယ်မီဒီယာ စွဲလမ်းသူတစ်ယောက်ဆိုရင်တောင် သင် Facebook ပေါ်ကို အကုန်တင်စရာမလိုပါဘူး။ သင်ရဲ့ ပုဂ္ဂိုလ်ရေးရာ ဘဝကိုလည်း ဖုံးကွယ်ထားဖို့ လိုပါလိမ့်မယ်။ သင်တစ်နေ့ကို နေရာ ၅ နေရာလောက် သွားရင် ၅ နေရာလုံးကို Check In တင်စရာမလိုပါဘူး။ ဒါ့အပြင် ဒါ့ဟာ သင့်နောက်ကိုလိုက်ချင်တဲ့ သူတွေအတွက် သတင်းပေးထားသလိုလည်း ဖြစ်နေပါတယ်။

၉။ App Request တွေ။



Cafeworld, Candycrush နဲ့ Farmville စတဲ့ ဂိမ်းတွေကို သင့်က သင့်ရဲ့ သူငယ်ချင်းတွေကို Request တွေပို့ပြီး သင့်ရဲ့ စွဲလမ်းမှုကိုပြစရာမလိုပါဘူး။ တကယ်စိတ်ဝင်စားလောက်မယ့် သူတွေကိုပဲ Request ပို့ပြီး အကုန်လုံးကို မပို့မိပါစေနဲ့။

၁၀။ Friends တွေကို အကြံပြူခြင်း။



ဒီအရာကို Facebook သုံးတဲ့ သူတွေ သိပ်လုပ်လေ့မရှိပါဘူး။ ဒါ့ပေမဲ့ မလုပ်သင့်တဲ့ အရာတွေထဲ ဒီအချက်လည်း ပါတဲ့အတွက် ရေးလိုက်တာပါ။ သင့်ရဲ့ Friend တွေကို တခြားတစ်ယောက်နဲ့ Friend ဖြစ်ဖို့ အကြံပြုစရာ မလိုပါဘူး။ သူတို့ Friend ဖြစ်ချင်တယ်ဆိုရင် သွား Add ပါလိမ့်မယ်။ သင်ကကြားထဲက အောင်သွယ်ပေးစရာ မလိုပါဘူး။

Ref : Socialmediatoday Tech : 10 Things You Do On Facebook And Really Need To Stop!

လူမို (ရိုးရာလေး)

Category: Technology

Service Center တွေမှာ ပစ္စည်းပြင်သင့် ၊ မပြင်သင့်

ဒီနေ့ခေတ် အိုင်တီပစ္စည်း သုံးစွဲသူတွေ ကြားထဲမှာ အငြင်းပွားလေ့ရှိကြတဲ့ အကြောင်းအရာကတော့ Service Center က ဈေးကြီးတယ် ဆိုတဲ့ အကြောင်းအရာပါပဲ။ ယေဘုယျအားဖြင့် ပြောမယ်ဆိုရင်တော့ ဈေးကြီးပါတယ်။ ဒါပေမယ့် တစ်ဘက်က ပြန်ကြည့်မယ်ဆိုရင် အာမခံချက် အပြည့်အဝရရှိတယ်ဆိုတဲ့ အားသာချက် တစ်ခုလည်း ရှိပါတယ်။

Category: Technology

ဖုန်းဝယ်တဲ့ အခါ အာမခံချက် (Warranty) က ဘာလို့ အရေးကြီးတာလဲ

စမတ်ဖုန်းတွေ ဝယ်ယူကြတဲ့အခါ warranty (အာမခံချက်) ထည့်သွင်းပေးကြပါတယ်။ များသောအားဖြင့် ၁၂ လ၊ ၂၄လ အာမခံချက်တွေဖြစ်ပါတယ်။

Category: Technology

စမတ်ဖုန်းများစွာကို စုပေါင်းပြီးအားကောင်းတဲ့ စပီကာ System အဖြစ်ဖန်တီးပေးနိုင်မယ့် App

သူငယ်ချင်းတွေ အားလုံးဆုံကြတဲ့အခါ သီချင်းတစ်ပုဒ်ကို အတူတကွ အသံအားကောင်းကောင်းနဲ့ နားထောင်ချင်ကြပေမဲ့ ဖုန်း Speaker က အသံတိုးလွန်းတဲ့အတွက် အဆင်မပြေ ဖြစ်ခဲ့ဖူးကြသလား။ ဒီကိစ္စအတွက် ဖြေရှင်းပေးနိုင်တဲ့ အရာတစ်ခုကတော့ Bluetooth Speaker ဖြစ်ပေမဲ့ ဘော်ဒါတွေ အာလုံးဆုံကြတဲ့ အချိန်မှာ Bluetooth Speaker  အမြဲတမ်းပါဖို့ မလွယ်ပါဘူး။ ဒါ့အပြင် Speaker ဝယ်ဖို့ ပိုက်ဆံက အပိုကုန်ရဦးမှာပါ။



သူငယ်ချင်းတွေနဲ့ တစ်ခါတစ်လေ ဆုံတဲ့အချိန်မှာ သီချင်းတစ်ပုဒ်ကို နားထောင်ချင် လာတယ်ဆိုပါဆို။ အဲ့ဒီအချိန်ဆိုရင် ဘာဆက်လုပ်ကြမလဲ။ ဒီမေးခွန်းအတွက် အဖြေတစ်ခုရှိပါတယ်။ အဲ့ဒါက Ampme ဆိုတဲ့ စမတ်ဖုန်း Application လေးပါပဲ။ Ampme ဆိုတဲ့ Application လေးက စမတ်ဖုန်းနဲ့ တက်ဘလက်တွေ အားလုံးကို အကန့်အသတ်မရှိ တစ်ပြိုင်တည်း သီချင်းဖွင့်ပေးနိုင်တဲ့ Application လေးပါ။ Ampme ရဲ့ ဖန်တီးသူတွေကတော့ ဒီ Application လေးကို ကြီးမားတဲ့ Speaker များအဖြစ် လုပ်ဆောင်ပေးနိုင်ရန် ဖန်တီးထားတယ်လို့ဆိုပါတယ်။ ဒီ Application ကို IOS အတွက်ရော Android အတွက်ရော အခမဲ့ ဒေါင်းလုတ်ဆွဲနိုင်မှာ ဖြစ်ပါတယ်။



ပထမဆုံးလုပ်ရမှာက သင်ချိတ်ဆက်ချင်တဲ့ စမတ်ဖုန်းအားလုံးမှာ Ampme Application လေးကို Install လုပ်ထားဖို့ပါပဲ။ Install လုပ်ပြီးတာနဲ့ သင်ဖုန်းကနေပြီး လက်ခံတဲ့ Smart Phone အဖြစ် ဝင်ကာ သူငယ်ချင်းတွေရဲ့ဖုန်းအားလုံးကို Code ပေးဖို့လိုပါတယ်။ ဒီ Code လေးကို သင့်သူငယ်ချင်းတွေရဲ့ဖုန်း အားလုံးမှာ ထည့်သွင်းပြီးတဲ့အခါမှာ ဖုန်းအားလုံးက သီချင်းကို တစ်ပြိုက်နက် ဖွင့်ပေးမှာ ဖြစ်ပေးမှာ ဖြစ်ပါတယ်။

ဒီ Ampme Application လေးဟာ သင့်ဖုန်းထဲမှာ ရှိတဲ့ သီချင်းများအားလုံးကို ဖွင့်ပေးနိုင်မှာ ဖြစ်သလို SoundCloud နဲ့ Songza တို့မှ သီချင်းတွေကိုလည်း ဖွင့်ပေးနိုင်မှာ ဖြစ်ပါတယ်။ အခုချိန်မှာတော့ Ampme ဖန်တီးသူတွေက ဒီ Application လေးကို Spotify နဲ့ Apple Music တို့မှာ သီချင်းများကိုပါ ဖွင့်လို့ရအောင် ချဲ့ထွင်နေပါတယ်။ သင့်အနေနဲ့ ဒီ Application လေးကို ဒေါင်းလုတ်ဆွဲချင်တယ်ဆိုရင်တော့ Android ဖုန်းတွေအတွက် Google Play Store နဲ့ IOS User တွေအတွက် IOS App Store ကဒေါင်းလုတ်ဆွဲနိုင်ပါတယ်။

Ref : Techme : Turn Multiple Smartphones into a Single Powerful Speaker System With This App

လူမို (ရိုးရာလေး)

Category: Technology

၁၀ နှစ်သက်တမ်းပြည့်ခဲ့ပြီဖြစ်တဲ့ Twitter Hashtags များ

Twitter မပေါ်ခင်က ကွန်ပျူတာ ပရိုဂရမ်မာတွေကလွဲပြီး တခြားသောသူအများစုဟာ ကွန်ပျုတာ ကီးဘုတ်ပေါ်က ဟတ်ရှ် ရဲ့အဓိပ္ပါယ်ကို သေချာ မသိခဲ့ကြပါဘူး။ Twitter က ဟတ်ရ်ှတဒ် ရဲ့အသုံးပြုပုံကို ပုံဖော်ပြီး tweet များကို တွဲနိုင်ရန် စတင်အသုံးပြုခဲ့ရာမှ ဟတ်ရ်ှတဒ် ဟာ လူအများစုနဲ့ ရင်းနှီးတဲ့အရာတစ်ခုဖြစ်လာပါတယ်။ အင်္ဂလန်ငွေကြေးပေါင်ကို ဖော်ပြတဲ့ လက္ခဏာ ဒါမှမဟုတ် hash ကို အရင်ကတည်းက သတင်းအချက်အလက်နည်းပညာပိုင်းမှာ အဓိပ္ပါယ်တစ်ခုကို မီးမောင်းထိုး ဖော်ပြရာမှာ အသုံးပြုခဲ့ပါတယ်။ ၁၉၇၈ ခုနှစ်က ဘရီယန် ကာနီဂန်(Brian Kernighan) နဲ့  ဒန်းနစ်ရစ်ချီ (Dennis Ritchie) တို့နှစ်ယောက်ဟာ C Programming language မှာ Keywords တွေကို C preprocessor က အရင်ဆုံးတွက်ချက်စေရန် # လက္ခဏာကို အသုံးပြုခဲ့ပါတယ်။

1988 တစ်ဝိုက် မှာတော့ အင်္ဂလန်ငွေကြေး ပေါင်လက္ခဏာတစ်ခုလည်းဖြစ်တဲ့ ဟတ်ရှ် ကို IRC(Internet Relay Chat) လို့ခေါ်တဲ့ အင်တာနက်ပေါ်မှာ အသုံးပြုသူတွေ အချိန်နဲ့တစ်ပြေးညီ စကားပြောနိုင်တဲ့နက်ဝဒ်မှာ အဖွဲ့တွေနဲ့ အကြောင်းရာတွေကို ခွဲခြားရန် စတင်အသုံးပြုခဲ့ပါတယ်။



၂၀၀၇ ခုနှစ် ဩဂုတ်လ ၂၃ ရက်နေ့ (အခုဆိုရင် ၁၀ နှစ်ပြည့်ခဲ့ပါပြီ) မှာတော့ ခရစ်စ္စတိုဖာ ရိဒ်မက်ဆီနာ လို့ခေါ်တဲ့ အမေရိကန် နည်းပညာသမားတစ်ယောက်ဟာ IRC Network တွေမှာ # လက္ခဏာကို အသုံးပြုတာကို အတုယူပြီး ပထမဆုံးဟတ်ရ်ှတဒ် ကို Twitter မှာစတင်အသုံးပြု ခဲ့ပါတယ်။

သူတင်ခဲ့တဲ့စာသားကတော့

“ခင်ဗျားတို့အားလုံး အင်္ဂလန်ငွေကြေး ပေါင်လက္ခဏာ # ကို Group တွေမှာ သုံးမယ်ဆိုရင် ဘယ်လိုသဘောရလဲ။ ဥပမာ #barcamp ဆိုတာမျိုး။” ဆိုပြီး တင်ခဲ့တာဖြစ်ပါတယ်။ ဒါဟာ ဟတ်ရ်ှတဒ် အသုံးပြုတဲ့ပထမဆုံး Tweet တစ်ခုဖြစ်ပြီး ယခု ၁၀ နှစ်ပြည့်သွားတဲ့အခါမှာတော့ # လက္ခဏာကို လူပေါင်း ၁၂၅ သန်းက နေ့စဉ်အသုံးပြုနေကြပါပြီ။

အခုဒီမှာတော့ ရိုးရာလေးပရိသတ်ကြီးအတွက် Twitter ဟတ်ရ်ှတဒ် အသုံးပြုခဲ့တဲ့ အကြီးဆုံးပွဲတွေ၊ ငြင်းခုံဆွေးနွေးပွဲတွေ၊ လှုပ်ရှားမှုတွေထဲကမှ လူအများဆုံးပါဝင်ခဲ့ကြတဲ့ အကြီးဆုံးအဖြစ်အပျက် ၁၀ ခုကိုဖော်ပြလိုက်ပါတယ်။

#BlackLivesMatter



ဟတ်ရ်ှတဒ် အသုံးပြုခဲ့တဲ့ ပွဲတွေအနက် Black Lives Matter ဟာနိုင်ငံတကာမှ လူပေါင်းစုံ ပါဝင်ခဲ့တဲ့ ပွဲတစ်ပွဲဖြစ်ပြီး Twitter ပေါ်မှာစတင်ခဲ့တာ ဖြစ်ပါတယ်။ ဒီပွဲရဲ့ ရည်ရွယ်ချက်ကတော့ လူမည်းတွေအတွက် သင့်တင့်မျှတတဲ့ လူမှုပတ်ဝန်းကျင်တစ်ခု တည်ဆောက်ဖို့ ဖြစ်ပြီး ယခုအချိန်မှာတော့ Black Lives Matter ဟာအွန်လိုင်းတွေ့ဆုံတဲ့နေရာနဲ့ ပရဟိတအဖွဲ့ ပါထူထောင်ထားနိုင်ခဲ့ပြီဖြစ်ပါတယ်။

#EdBallsDay



နိုင်ငံရေးသမားတွေ Twitter သုံးရင် နာမည်ကြီးတာထက် နာမည်ပျက်တာပိုများပါတယ်။ အင်္ဂလန်နိုင်ငံ လေဘာပါတီ ခေါင်းဆောင်ဖြစ်ခဲ့တဲ့ Edward  Samuel Miliband ဟာ၂၀၁၁ ခုနှစ်မှာ Twitter ပေါ်တွင် သူရဲ့နာမည်ကို မှား Tweet ခဲ့ပြီးနောက်မှာ အသုံးပြုသူအများစုက ရယ်မောလှောင်ပြောင်ခဲ့ကြပြီး ဒီ #EdBallsDay ကလည်း ကိုယ်ပိုင်နှစ်ပတ်လည်နေ့တွေပါ ရှိလာတဲ့အထိ အောင်မြင်ခဲ့ပါတယ်။

#TheDress



#TheDress ဟတ်ရ်ှတဒ်ကလည်း လူတော်တော်များများ ပါဝင်ခဲ့တဲ့ ဟတ်ရ်ှတဒ်တစ်ခုဖြစ်ပြီး အကြောင်းရင်းကတော့ အင်္ကျီတစ်ထည်ရဲ့ အရောင်ကို အပြာရောင်ဖြစ်တယ်၊ အမည်းရောင် ဖြစ်တယ်ဆိုတာ ငြင်းခုံကြရင်း ဖြစ်ခဲ့တာပါ။ ဒီဟတ်ရ်ှတဒ် မှာဆိုရင် လူတွေ အရောင် ဘယ်လိုခွဲခြားကြလဲဆိုတဲ့ သိပ္ပံစမ်းသပ်မှုတွေပါ လုပ်ခဲ့ကြတဲ့အထိဂယက်ရိုက်ခဲ့ပါတယ်။

#HeForShe



#HeForSheကတော့ ကုလသမ္မဂ ဆိုင်ရာအမျိုးသမီးများအဖွဲ့မှ ယောင်္ကျား၊ မိန်းမ တန်းတူအခွင့်အရေးအတွက် စတင်ခဲ့တဲ့ လှုပ်ရှားမှုဖြစ်ပြီး အမ်မာဝပ်ဆင်(Emma  Watson)နဲ့ ဆိုင်မွန်ပဒ်(Simon Pegg) တို့တောင် ပါဝင်လှုပ်ရှားခဲ့တဲ့ ဖြစ်ရပ်တစ်ခုဖြစ်ပါတယ်။

#PutYourBatsOut



#PutYourBatsOut ဟတ်ရ်ှတဒ် ကတော့ ၂၀၁၄ ခုနှစ်မှာ ဩစတျေးလျ ခရစ်ကတ် ကစားသမား ဖိလစ်ဟုဂ် ( Phillip Hughes)  ရုတ်တရက်သေဆုံးသွားတဲ့အတွက် သူရဲ့ပရိတ်သတ်ဖြစ်သူ ပေါလ်တေလာက ဝမ်းနည်းခြင်း အထိမ်းအမှတ်အဖြစ် ခရစ်ကတ် တုတ်တံ(cricket bat)ကို  အိမ်အပြင်မှာ ထုတ်ထားရာမှ စတင်ပြီး ဖြစ်ပေါ်လာတဲ့ ဟတ်ရ်ှတဒ် တစ်ခုဖြစ်ပါတယ်။

#CupforBen



ပြီးခဲ့တဲ့နှစ်က အင်္ဂလန်နိုင်ငံ ဒီဗွန်ပြည်နယ်မှ ဖခင်တစ်ယောက်ဟာ အထီးကျန်စိတ်ဝေဒနာ ခံစားနေရတဲ့ သူရဲ့သားဖြစ်သူ ဘန် (Ben)အတွက် သူသောက်လေ့ရှိတဲ့ နို့ဗူးတစ်ဗူး အစားထိုးဖို့အတွက် စတင်ခဲ့တဲ့ဟတ်ရ်ှတဒ် တစ်ခုဖြစ်ပါတယ်။ ဘန်ဟာ ဥာဏ်ရည်မသန်စွမ်း (Autism)သူတစ်ယောက်ဖြစ်ပြီး သူသောက်လေ့ရှိတဲ့ နို့ဗူးမှလွဲပြီး တခြားနို့ဘူးမသောက်ဘူးလို့ ဖခင်ကိုပူဆာပါတယ်။ ဒါပေမဲ့ ပြဿနာက သူသောက်တဲ့နို့ဗူးဟာ နောက်ပိုင်း မထုတ်လုပ်တော့တဲ့ နို့ဗူးဖြစ်ပါတယ်။ ဒီဟတ်ရ်ှတဒ်လှုပ်ရှားမှုကိုအကြိမ် ၁၂၀၀၀ ကျော်လောက် ပြန်Tweet ခဲ့ပြီး နောက်ပိုင်းမှာ နို့ဗူးထုတ်လုပ်တဲ့စက်ရုံတစ်ရုံက ဘန်အတွက် သူနှစ်သက်တဲ့ နို့ဗူးပုံစံ ၅၀၀ ကိုထုတ်လုပ်ပေးခဲ့တဲ့ အခါမှ ပြီးပြတ်သွားပါတော့တယ်။

#IceBucketChallenge



#IceBucketChallenge ဟတ်ရ်ှတဒ်ကလည်း ၂၀၁၄ ခုနှစ်မှာ အင်တာနက်မှာ ထင်ရှားခဲ့တဲ့ လှုပ်ရှားမှုဖြစ်ပြီး လူအများစုက သူတို့ခန္ဓာကိုယ်ပေါ် ရေခဲရေများလောင်းချကြရင်း ဆိုရှယ်မီဒီယာတွေ ပေါ်တင်တဲ့ လှုပ်ရှားမှု ဖြစ်ပါတယ်။

#JoinIn



ဒီတစ်ခုကတော့ ဟာသသရုပ်ဆောင် ဆာရာ မီလီကန် (Sarah Millican) စတင်ခဲ့တဲ့ လှုပ်ရှားမှုတစ်ခုဖြစ်ပြီး ခရစ္စမတ်မှာ တစ်ယောက်တည်း အိမ်မှာနေရတဲ့သူတွေကို စုစည်းတွေဆုံပေးဖို့ ပြုလုပ်ခဲ့တဲ့ လှုပ်ရှားမှုတစ်ခုဖြစ်ပါတယ်။

#FollowFriday



#FollowFriday ကတော့ Twitter မှာ လူအများကြီး ပါဝင်ခဲ့ကြတဲ့ လှုပ်ရှားမှုတစ်ခုဖြစ်ပြီး ၂၀၀၉ ခုနှစ် ဇန်နဝါရီလက စတင်ခဲ့တဲ့လှုပ်ရှားမှုတစ်ခုဖြစ်ကာ လူပေါင်း ဘီလီယံ ဝက်လောက်အထိ အသုံးပြုခဲ့ကြတဲ့ လှုပ်ရှားမှုဖြစ်ပါတယ်။

#barcamp



ကြားဖူးသလိုလို ဖြစ်နေတယ်မှလား။ ဟုတ်ပါတယ်။ ဒီ ဟတ်ရ်ှတဒ်ဟာ အူဘာ နဲ့ Google မှာ Software အင်ဂျင်နီယာလုပ်ခဲ့ဖူးတဲ့ ခရစ်စ္စတိုဖာ ရိဒ်မက်ဆီနာ ပထမဆုံး အသုံးပြုခဲ့တဲ့ ဟတ်ရ်ှတဒ် ဖြစ်ပါတယ်။(အပေါ်မှာ ပထမဆုံးဖော်ပြထားပါတယ်။)

Ref : BBC Tech : Twitter hashtags are 10 years old - so here are 10 of the most popular

လူမို (ရိုးရာလေး)