အိုင်တီနှင့် ဆော့ဖ်ဝဲလ်ကဏ္ဍတွင် အလုပ်လျှောက်ထားသူ အများဆုံးဖြစ်နေ

မြန်မာနိုင်ငံတွင် ပြီးခဲ့သည့် ဧပြီလအတွင်းက ကွန်ပြူတာ၊ အိုင်တီနှင့် ဆော့ဖ်ဝဲလ်ကဏ္ဍတွင် အလုပ်လျှောက်ထားသူ အများဆုံးဖြစ်နေကြောင်း အလုပ်အကိုင်ရှာဖွေရေးအေဂျင်စီတစ်ခုဖြစ်သည့် work.com.mm က ထုတ်ပြန်ထားသည်။

 အိုင်တီနှင့်ဆော့ဖ်ဝဲလ်ကုမ္ပဏီများကလည်း အလုပ်အကိုင်အများဆုံးခေါ်ယူခဲ့ပြီး ပြီးခဲ့သည်လတွင် အလုပ်ရှာဖွေသူများက အဆိုပါကဏ္ဍ၏ အလုပ်ခေါ်ယူမှုအရေအတွက်ထက် (၁၁)ဆခန့် ပိုမိုလျှောက်ထားခဲ့ကြခြင်းဖြစ်သည်။

ဧပြီလတစ်လလုံးအတွက် ယင်းအေဂျင်စီမှ တဆင့်ကွန်ပျူတာ၊အိုင်တီနှင့် ဆော့ဖ်ဝဲလ်ကဏ္ဍမှ အလုပ်အကိုင်ပေါင်း ၂၀၀ ကျော်ခေါ်ယူခဲ့ခြင်းလည်းဖြစ်သည်။

ကွန်ပြူတာ၊ အိုင်တီနှင့် ဆော့ဖ်ဝဲလ်ကဏ္ဍနောက်တွင် ကုန်စည်သယ်ယူပို့ဆောင်ရေး/ကုန်ပစ္စည်းဖြန့်ချီရေးကဏ္ဍ၊ သွင်းကုန်/ထုတ်ကုန်နှင့် ကူးသန်းရောင်းဝယ်ရေး ကဏ္ဍ၊ ဆက်သွယ်ရေးနည်းပညာကဏ္ဍနှင့် ဟိုတယ်/ဧည့်ဂေဟာကဏ္ဍတို့တွင်း ဝန်ထမ်းခေါ်ယူမှုများသည့် ကဏ္ဍများအဖြစ် ကပ်လျက်လိုက်ပါလျက်ရှိကြသည်။

အလုပ်လျှောက်ထားသူများအနေနှင့် အလုပ်အကိုင်အမျိုးအစားရွေးချယ်လျှောက်ထားရာတွင် အိုင်တီ၊ဆော့ဖ်ဝဲလ်ရေးသား ခြင်းနှင့်ပတ်သတ်သည့်အလုပ်အမျိုးအစားကို ရွေးချယ်ခြင်းထက် ၎င်းလုပ်ငန်းကဏ္ဍတွင် ငွေကြေး၊စာရင်းအင်းနှင့် ပတ်သက်သည့်အလုပ်အမျိုးအစား၊ ဈေးကွက်ရှာဖွေမြှင့်တင်ခြင်းနှင့်ရောင်းချခြင်းအလုပ်အကိုင်အမျိုးအစားများကို အထက်ပါကဏ္ဍ အများစုတွင် ရှာဖွေလျှောက်ထားခဲ့ကြခြင်းလည်းဖြစ်သည်။

အလုပ်ခေါ်ယူမှုအများဆုံးရှိခဲ့သည့် နေရာဒေသတွင် ရန်ကုန်မြို့မှာအများဆုံးဖြစ်ပြီး ဒုတိယအများဆုံးမှာ မန္တလေးမြို့ဖြစ်ပြီး ငပလီ၊ မကွေးတိုင်းနှင့် နေပြည်တော်တို့မှလည်း အလုပ်ခေါ်ယူမှုအသီးသီးများပြားခဲ့ကြောင်း အချက်အလက်များအရ သိရသည်။

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top