ဩဂုတ်လ ၈ရက်တွင် စတင်ကစားမည့် ၂၀၁၅-၁၆ ရာသီ ပရီးမီးယားလိဂ် ပွဲစဉ်ဇယား ရေးဆွဲမှုကို ဇွန်လ ၁၇ရက်က ထုတ်ပြန်ခဲ့ရာ မန်စီးတီးနှင့် ချဲလ်ဆီးတို့ ပွဲစဉ်(၂)တွင် တွေ့ဆုံနေပြီး လီဗာပူးအသင်းအနေဖြင့် ခက်ခဲသည့် ရာသီအစကို ဖြတ်ကျော်ရမည်ဖြစ်သည်။
လက်ရှိချန်ပီယံ ချဲလ်ဆီးသည် ဆွမ်ဆီးနှင့် အဖွင့်ပွဲ ကစားရမည်ဖြစ်ပြီး မန်ယူမှာ စပါးအသင်းနှင့် အိမ်ကွင်းပွဲစဉ်ကစားရမည်ဖြစ်သည်။ မန်ချက်စတာ ဒါဘီပွဲစဉ် ပထမအကျော့ကို အောက်တိုဘာ ၂၄ရက်တါင် ယှဉ်ပြိုင်မည်ဖြစ်သည်။
လီဗာပူးသည် ရာသီအစပိုင်း အဝေးကွင်းပွဲစဉ် ခြောက်ပွဲတွင် ပြီးခဲ့သည့်ရာသီက အဆင့်(၅)အတွင်း ရပ်တည်ခဲ့သည့် ချဲလ်ဆီး၊ မန်စီးတီး၊ အာဆင်နယ်၊ မန်ယူ၊ စပါး စသော အသင်းများနှင့် ကစားရမည်ဖြစ်ပြီး ကျန်ပွဲစဉ်မှာလည်း အဲဗာတန်နှင့် ကစားရမည့် မာဆေးဆိုက်ဒါဘီဖြစ်သည်။
