၄ နှစ်တစ်ကြိမ်ကျင်းပလေ့ရှိတဲ့ ကမ္ဘာ့ဖလားကြီးကတော့ ပြန်လည်ရောက်ရှိလာပါပြီ။ ကမ္ဘာ့ဖလားနဲ့အတူ ကမ္ဘာ့ဖလားသီချင်းတွေကလဲ ရင်ခုန်စရာကောင်းပြီး အမှတ်တရဖြစ်ကာ အမြဲကျန်ရစ်ခဲ့လေ့ရှိပါတယ်။
ကမ္ဘာ့ဖလားသီချင်းများစွာထဲက ရင်ခုန်စရာ အကောင်းဆုံး သီချင်း ၄ ပုဒ်ကို ရွေးချယ်တင်ပြပေးလိုက်ပါတယ်။ မူရင်း ဗီဒီယိုဖိုင်လင့်လေးတွေပါတာမို့ ကြည့်ရှုခံစားပြီး ရိုးရာလေး ပရိတ်သတ်တွေရော အကြိုက်တူရဲ့လား ပြောကြည့်ပါဦးဗျ။
၁။ “Hips Don’t Lie (Bamboo mix)”
ပထမဆုံးရွေးချယ်ပေးချင်တာတော့ ၂၀၀၆ ခုနှစ်မှာ ဂျာမနီနိုင်ငံက အိမ်ရှင်အဖြစ် လက်ခံကျင်းပခဲ့တဲ့ ပြိုင်ပွဲက “Hips Don’t Lie (Bamboo mix)” ဆိုတဲ့ သီချင်းပါပဲ။ ဒီသီချင်းကို ကမ္ဘာ့ဖလားရဲ့ အပေါက်ဆုံး သီချင်းတွေကို သီဆိုခဲ့သူ ရှာကီရာ (Shakia) က ဝိုက်ကလပ်ဖ် ဂျင်းန် (Wyclef Jean) နဲ့တွဲဖက်ကာ စပိန်နဲ့ အင်္ဂလိပ်နှစ်ဘာသာနဲ့ ရောစပ် သီဆိုခဲ့တာပါ။
ဒီသီချင်းကို ကြားလိုက်တာနဲ့ ဘာလင်မြို့က ဗိုလ်လုပွဲမှာ ဇီဒန်းရဲ့ မာတာရာဇီရင်ဘတ်ကို ခေါင်းနဲ့တိုက်ခဲ့တဲ့ဖြစ်ရပ်၊ ဇီဒန်းရဲ့ ပွဲချိန်တွင်း ရရှိတဲ့ ပယ်နယ်တီကို ကမ္ဘာ့အကောင်းဆုံး ဂိုးသမား ဘူဖွန် ဘယ်လိုမှ မကာကွယ်နိုင်အောင် ပညာသားပါတဲ့ ပယ်နယ်တီကန်ချက်နဲ့ သွင်းယူခဲ့ပုံ၊ ကန်နာဗားရိုးဦးဆောင်လာတဲ့ အီတလီရဲ့ နာမည်ကြီး ခံစစ်ဗျူဟာနဲ့ ချန်ပီယံရယူခဲ့ပုံတွေကို သတိတရဖြစ်စေပါတယ်။
မြန်မာလိုဆိုရင်တော့ တေးရေးဆရာ ရွှေဂျော်ဂျော်ရေးစပ်ပြီး မေခလာနဲ့ ဂျောက်ဂျက် သီဆိုထားတဲ့ “မှော်ဆရာဂိုး” ပေါ့ဗျာ။
ဒီသီချင်းရဲ့ မူရင်း video ကို အောက်ပါလင့်မှာ ဝင်ရောက်ကြည့်ရှုနိုင်ပါတယ်။
https://www.youtube.com/watch?v=AWTeiUMotJw
၂။ “La Copa de la Vida (The Cup of Life)”
ဒီသီချင်းကလဲ အသည်းစွဲသွားစေခဲ့တဲ့ သီချင်းတစ်ပုဒ်ပါပဲ။ ပြင်သစ်နိုင်ငံမှာ ကျင်းပခဲ့တဲ့ ၁၉၉၈ ကမ္ဘာ့ဖလားအတွက် ရစ်ကီ မာတင် (Ricky Martin) သီဆိုခဲ့တဲ့ ဒီသီချင်းဟာ စပိန်နဲ့ အင်္ဂလိပ်နှစ်ဘာသာ တွဲစပ်သီဆိုထားတာပါ။
ဒီသီချင်းဟာ တစ်ခေတ်တစ်ခါမှာ တစ်ကမ္ဘာလုံးအတိုင်းအတာနဲ့ ပေါက်ခဲ့တာဖြစ်ပြီး မြန်မာပြည်က အဆိုတော်တွေတောင် ပြန်လည်သီဆိုခဲ့ကြပါတယ်။ ကျွန်တော်တို့ မိဘတွေ ပါးစပ်ဖျားမှာတောင် ရေပန်းစားခဲ့တဲ့ အားလုံးရတဲ့ သီချင်းတစ်ပုဒ်ပါ။
“ဂိုး ဂိုး ဂိုး ဟာလေဟာလေဟာလေ” ဆိုတဲ့ သံစဉ်ကိုကြားတာနဲ့ လက်တွေလေထဲလိုက်မြှောက်ချင်စိတ်ဖြစ်ပြီး ရင်ထဲမှာ ကမ္ဘာ့ဖလားကြီးကို ကြည့်ရတော့မယ်ဆိုတဲ့ ခံစားချက်ဆီ ခေါ်ဆောင်သွားတာ ခံရမှာ ကျိန်းသေပါပဲ။
ဒီသီချင်းရဲ့ မူရင်း video ကို အောက်ပါလင့်မှာ ဝင်ရောက်ကြည့်ရှုနိုင်ပါတယ်။
https://www.youtube.com/watch?v=dZDj2CnG5dE
၃။ “Waka Waka”
ဒီသီချင်းကတော့ အထွေအထူး မိတ်ဆက်ပေးနေဖို့ မလိုဘူးလို့ ထင်ပါတယ်။ သီချင်းတင်မဟုတ်ဘဲ အကပါ မျက်စိထဲ ထင်ဟပ်အလွတ်ရနေအောင် ရှာကီရာ (Shakia) က တစ်ကမ္ဘာလုံးရဲ့ ရင်ထဲအသည်းထဲ ပစ်ထည့်ခဲ့တာ မဟုတ်လားဗျ။
ရှာကီရာရဲ့ လက်အုပ်ချီပြီး ခြေထောင်နှစ်ဖက်ကား ကပြတာကို ကိုပီကေးကြီးတောင် ကြွေခဲ့လို့ ခုဆို သားသမီးတွေတောင် ရလို့ဘာလို့။ ၂၀၁၀ တောင်အာဖရိကမှာ ကျင်းပခဲ့တဲ့ ဒီကမ္ဘာ့ဖလားကတော့ Waka Waka သီချင်းနဲ့ လိုက်ဖက်လွန်းသလို ဗူဗူဇယ်လာတွေကလဲ အမှတ်တရ ဖြစ်ခဲ့တာပေါ့။
အဖွားကြီးတွေတောင် ကမ္ဘာ့ဖလားကို စိတ်ဝင်တစားနဲ့ ကြည့်ချင်စိတ်ပေါက်စေခဲ့တဲ့ သီချင်းပါ။ ဒီသီချင်းဟာလဲ စပိန်နဲ့ အင်္ဂလိပ်ဘာသာတွေကို တွဲဖက်သီဆိုထားတာပဲဖြစ်ပါတယ်။
ဒီသီချင်းရဲ့ မူရင်း video ကို အောက်ပါလင့်မှာ ဝင်ရောက်ကြည့်ရှုနိုင်ပါတယ်။
https://www.youtube.com/watch?v=pRpeEdMmmQ0
၄။ “Hot Hot Hot”
ဒီသီချင်းကလဲ ကြားလိုက်ရင် သိပြီးသား ဖြစ်မှာပါ။ အင်္ဂလိပ်လို သီချင်ထားပြီး မြူးမြူးကြွကြွ ရှိလှတဲ့ သီချင်းပါပဲ။
အဆိုတော် အဲရိုးလ် (Arrow) က ၁၉၈၆ မက္ကဆီကို ကမ္ဘာ့ဖလားအတွက် သီဆိုထားတာဖြစ်ပြီး ကျွန်တော်တို့ အဘတွေခေတ်က သိပ်ကြိုက်ခဲ့ရတဲ့ သီချင်းတစ်ပုဒ်ပါ။ သူ့ခေတ်နဲ့သူ ခေတ်စားခဲ့တဲ့ ဂီတအမျိုးအစားပုံမျိုးနဲ့ တည်ဆောက်ထားတာပါ။
ဒီသီချင်းရဲ့ မူရင်း video ကို အောက်ပါလင့်မှာ ဝင်ရောက်ကြည့်ရှုနိုင်ပါတယ်။
https://www.youtube.com/watch?v=zg-REO8c9V0
Ref : Internet, Wikipedia
Cj (ရိုးရာလေး)
