၂၂ရက်အတွင်း အလုံးရေ တစ်သန်းရောင်းထွက်ခဲ့တဲ့ OnePlus 6

35544840_2129657140622568_7102483268733239296_n.jpg

OnePlus ရဲ့ နောက်ဆုံးထွက်မော်ဒယ် OnePlus 6 ဟာ ထွက်ပြီး ၂၂ရက်အတွင်းမှာပဲ အလုံးရေ တစ်သန်းရောင်းရခဲ့ကြောင်း သိရပါတယ်။ OnePlus က တရုတ်နိုင်ငံရဲ့ စမတ်ဖုန်းထုတ်လုပ်နေတဲ့ ကုမ္ပဏီငယ်လေး ဖြစ်ပေမဲ့

တခြားနာမည်ကြီး ကုမ္ပဏီတွေဖြစ်တဲ့ Apple၊ Samsungနဲ့ LG တို့ရဲ့ ပြိုင်ဘက်အဖြစ် ရပ်တည်နေတာ ဖြစ်ပါတယ်။

အခုနောက်ဆုံးထွက်ရှိထားတဲ့ OnePlus 6 မော်ဒယ်ရဲ့ လက်ရှိပြိုင်ဘက်တွေက Appleရဲ့ iPhone 8 နဲ့ Phone X၊ Samsungရဲ့ Galaxy S9၊ LGရဲ့ G7 မော်ဒယ်တွေလို့ အံ့အားသင့်ဖွယ် သိရပါတယ်။ ကွာလတီ အတူတူလောက်ရှိတဲ့ တခြားမော်ဒယ်မြင့် flagshipဖုန်းတွေက ဒေါ်လာ၇၀၀ကျော် ရောင်းနေတဲ့အချိန်မှာ OnePlus 6 ကို ဒေါ်လာ ၅၃ဝနဲ့ ဝယ်နိုင်မယ်ဆိုတာကတော့ သတင်းကောင်းပါပဲ။ Appleနဲ့ Samsungရဲ့ မော်ဒယ်အသစ်ထွက်ချိန် ရောင်းအားတွေနဲ့ သွားယှဉ်လို့တော့ မရပေမဲ့ ဒီလောက်ပမာဏ ရောင်းရတာ သိပ်ကိုကျေနပ်ပါတယ် ဆိုပြီး OnePlusရဲ့ တည်ထောင်သူ ပီတီလော (Pete Lau) က ပြောပါတယ်။

OnePlus က နယူးရော့ခ်မြို့မှာ တန်းစီပြီ စာင့်ဝယ်ရအောင်လုပ်တဲ့ ပထမဆုံးသော အန်းဒရွိုက်အမျိုးအစားဖုန်းတွေပဲ ဖြစ်ပါတယ်။ တခြားတန်းစီဝယ်ရတဲ့ဖုန်းကတော့ Appleရဲ့ iPhone ဆိုတာ မပြောလည်း သိကြမှာပါ။ OnePlus ဖုန်းတွေက တခြား flagship စမတ်ဖုန်းတွေလိုပဲ လုပ်ဆောင်မှုစွမ်းရည်တွေ ပါဝင်တယ်၊ ဒီဇိုင်းပိုင်း လှပဆွဲဆောင်နိုင်စွမ်းရှိတယ်၊ အသုံးပြုသူတွေ သဘောကျစေမယ့် အန်းဒရွိုက်ဗားရှင်းအမြင့်တွေ သုံးထားတယ်၊ အသုံးပြုရတာ ပေါ့ပါးရိုးရှင်းတယ်၊ ဈေးလည်း သူများထက် သက်သာတယ်။ ဒီလိုအချက်တွေကြောင့် OnePlusရဲ့fanတွေ တဖြည်းဖြည်း တိုးပွားလာနေပါတယ်။ အခုဆိုရင် Apple လိုပဲ ခိုင်မာတဲ့ fan တွေကို ရရှိနေပြီလို့ သိရပါတယ်။

Samsungရဲ့ Galaxy S9လောက် မျက်နှာပြင်ပိုင်း အရမ်းမကောင်းပေမယ့် အသုံးပြုသူတွေအတွက် ဒါက စိတ်အနှောင့်အယှက် မဖြစ်စေပါဘူး။ ခုနောက်ပိုင်းဖုန်းတွေမှာ ပါလာတဲ့ ကြိုးမဲ့အားသွင်းနိုင်တဲ့စနစ်လည်း မပါဝင်လာသေးပေမဲ့ ဒါကလည်း ဝယ်ယူအသုံးပြုဖို့အတွက် မရှိမဖြစ် ထည့်စဉ်းစားစေတဲ့အချက် မဖြစ်လာခဲ့ပါဘူး။ ကင်မရာပိုင်းမှာလည်း တခြားဖုန်းတွေလို အရမ်းကို ကောင်းမွန်နေအောင် မလုပ်ဆောင်နိုင်ပေမယ့် သုံးစွဲသူတွေက အခုအနေအထားကိုလည်း သဘောကျနှစ်ခြိုက်ကြတယ်လို့ သိရပါတယ်။

OnePlus 6 ရဲ့ အချက်အလက်အချို့ကို ပြောရမယ်ဆိုရင် မျက်နှာပြင်အရွယ်အစား ၆.၂၈လက်မ အရွယ်အစားရှိပြီး optic AMOLED အမျိုးအစားကို သုံးထားပါတယ်။ ဘောင်တွေကို အလူမီနီယမ်နဲ့ ပြုလုပ်ထားပြီး ဖုန်းရဲ့အလေးချိန်က ၁၇၇ဂရမ်ပဲ ရှိပါတယ်။ nano အရွယ်အစား ဖုန်းကတ် နှစ်ကတ်ကို သုံးလို့ရမှာပါ။ အန်းဒရွိုက်ဗားရှင်း 8.1ကို ထည့်သွင်းပေးထားပြီး CPU ကတော့ Octa-core ဖြစ်ပါတယ်။ Memory ကတ် ထပ်စိုက်လို့မရပေမဲ့ သူ့မှာ ပါဝင်တဲ့ 128 (သို့) 256GB ရှိတဲ့ internal memory က ကောင်းကောင်းအသုံးပြုလို့ ရနိုင်တဲ့ပမာဏပါ။ RAM ကတော့ 8GBပါ။ ဖုန်းရဲ့ ကျောဘက်မှာတော့ 16MPနဲ့ 20MPဆိုပြီး dual ကင်မရာပါဝင်ပြီး ရှေ့ကင်မရာကတော့ 16MP ပါတဲ့။ လက်ဗွေဖတ်စနစ်လည်း ထည့်ပေးထားပါတယ်။ Li-Po 3300 mAhအမျိုးအစား ဘက်ထရီပါဝင်ပြီး ဖြုတ်လို့တော့ မရပါဘူး။ အရောင်တွေက midnight black၊ mirror black နဲ့ silk white ဆိုပြီး ၃မျိုး ထုတ်လုပ်ထားပါတယ်။

ကဲ စာဖတ်သူတို့ရော OnePlus ရဲ့ fan တွေ ဖြစ်နေပြီလား . . .

 

Ref : Business Insider “A million people bought this $530 Android-powered iPhone competitor in less than a month”

Scarlett (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top