ဘေ့စ်ဘောကစားသမားဟောင်း အဲလက်စ် ရိုဒရီဂွက်ဇ် (Alex Rodriguez) နဲ့ လက်တွဲတော့မယ့် ဂျနီဖာလိုပက်ဇ် (Jennifer Lopez)

10791866-6791191-image-a-50_1552187314038.jpg

ချစ်သူသက်တမ်းနှစ်နှစ်ပြည့်ပြီးတဲ့နောက် အချိန်အနည်းငယ်အတွင်းမှာပဲ ဂျနီဖာ စေ့စပ်လက်စွပ်ဝတ်ဆင်ထားတဲ့ဓာတ်ပုံကို အဲလက်စ်က “She said yes” ဆိုတဲ့စာသားနဲ့ အတူ သူ့ရဲ့တွစ်တာအကောင့်မှာတင်ပြီး ကြေညာလိုက်တာဖြစ်ပြီး ဂျနီဖာကလည်း အဲလက်စ်တင်တဲ့ပုံကိုပဲ အသည်းပုံ emoji caption လေးတပ်ပြီး သူ့ရဲ့အကောင့်မှာ တင်ထားတာကိုလည်း တွေ့ရပါတယ်။ နှစ်ဦးသားရဲ့ကြည်နူးစရာ Baker’s Bay အပန်းဖြေခရီးစဉ်အချိန်လေးအတွင်း အဲလက်စ်က ဂျနီဖာကို လက်ထပ်ခွင့်တောင်းခဲ့တာပါ။

ဂျနီဖာ စေ့စပ်လက်စွပ်ဝတ်ဆင်ထားတဲ့ဓာတ်ပုံ

အိမ်ထောင်သုံးဆက်ရှိခဲ့ဖူးတဲ့ ဂျနီဖာကတော့ အခုလေးဆက်မြောက်အိမ်ထောင်ရေးကို အရင်လိုအပြောင်းအလဲမမြန်ဘဲ ရေရှည်ခရီးဆက်သွားဖို့ ဆန္ဒရှိနေပြီး “အရင်အိမ်ထောင်ရေးတွေမှာ အလျင်စလိုသိပ်ဆန်ခဲ့ပြီး အပြောင်းအလဲများခဲ့တယ်လေ။ အခုတစ်ကြိမ်တော့ ခိုင်ခိုင်မြဲမြဲရှိချင်ပါပြီ” လို့ ပြောပြခဲ့ပါတယ်။

ကြည်နူးစရာကောင်းတဲ့ ပေါင်းစည်းမှု

အဲလက်စ်မှာ အရင်အိမ်ထောင် စင်သီယာ စကာ့တစ်နဲ့ (၇) နှစ်တာ အိမ်ထောင်သက်အတွင်းရခဲ့တဲ့ အဲလာ အလက်ဇန်းဒါး နဲ့ နာတာရှာ အလက်ဇန်းဒါးဆိုတဲ့ သမီးနှစ်ယောက်ရှိနေပြီး ဂျနီဖာမှာကတော့ သူ့ရဲ့တတိယအိမ်ထောင်ဖက် မာ့ခ်အန်သိုနီနဲ့ရခဲ့တဲ့ (၁၁) နှစ်အရွယ်အမွှာ မက်ဇီမီလျံနဲ့ အမ်မီ ဆိုတဲ့ သားသမီးတွေရှိနေပါတယ်။

ကြည်နူးစရာကောင်းတဲ့ ပေါင်းစည်းမှု

ဂျနီဖာရဲ့ ပထမဆုံးအိမ်ထောင်က ကျူးဘားသရုပ်ဆောင် အိုဂျာနီ နိုအာ (Ojani Noa) ဖြစ်ပြီး တစ်နှစ်အကြာပေါင်းသင်းပြီးနောက် လမ်းခွဲခဲ့ကာ ၂၀၀၁ မှာ သူ့ရဲ့တွဲဖက်အကသမား ခရစ္စ ဂျု့ဒ် (Criss Judd) နဲ့ ထပ်အိမ်ထောင်ပြုခဲ့ပြီး ၂၀၀၃ ခုနှစ်မှာ လမ်းခွဲလိုက်တာဖြစ်ပါတယ်။

Ref: Dailymail “Jennifer Lopez and Alex Rodriguez are engaged!”
TH (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top