မိခင်တွေအနေနဲ့ ကိုယ်ဝန်ဆောင်ချိန်တစ်ခုနဲ့တစ်ခုကြား အနည်းဆုံးတစ်နှစ်ခြားသင့်

မိခင်တွေဟာ ကလေးတစ်ဦးမွေးဖွားပြီးတဲ့အခါ နောက်တစ်ကြိမ်ကိုယ်ဝန်ဆောင်ဖို့အတွက် အနည်းဆုံး တစ်နှစ်လောက်စောင့်ဆိုင်းတာက မိခင်အတွက်ရော ကလေးအတွက်ပါ ကျန်းမာရေးအန္တရာယ်တွေကိုလျှော့ချပေးနိုင်တယ်လို့ လေ့လာမှုအသစ်တစ်ခုက ဆိုလိုက်ပါတယ်။

ကိုယ်ဝန်ဆောင်ချိန်တစ်ခုနဲ့တစ်ခုကြားမှာ အချိန်အနည်းငယ်သာခြားပေးခြင်းဟာ လမစေ့ပဲမွေးဖွားခြင်း၊ ပေါင်ချိန်မပြည့်ပဲ မွေးဖွားခြင်း၊ မီးဖွားစဉ် ကလေးနှင့်မိခင်ရဲ့သေဆုံးနိုင်ချေနှုန်းကိုပါ မြင့်တက်စေတယ်လို့ဆိုပါတယ်။ သို့ပေမဲ့လည်း WHO (ကမ္ဘာကျန်းမာရေး အဖွဲ့အစည်း) က ပြောထားသလိုတော့ ၁၈ လ အတိအကျ စောင့်နေစရာ မလိုဘူးလို့လည်း အဆိုပါ စာတမ်းမှာ ဖော်ပြထားပါသေးတယ်။

လေ့လာသူတစ်ယောက်ဖြစ်တဲ့ ဒေါက်တာ ဝင်ဒီ နောမန် (Wendy Norman) ကတော့ “ အခုတွေ့ရှိ ချက်က အသက်၃၅ ကျော်မှ မိသားစုဘဝစတင်ဖို့ပြင်နေတဲ့ အမျိုးသမီး တွေအတွက် သတင်းကောင်းဖြစ်မယ်လို့ထင်ပါတယ်။ သက်ကြီးကိုယ်ဝန်ဆောင်မိခင်တွေအတွက် ကလေးတွေ တစ်ယောက်နဲ့တစ်ယောက်ကြားမှာ အချိန်ခြားတာ ကောင်းတယ်ဆိုတဲ့အချက် သိသွားကြတာပေါ့။ နောက်ပြီး ကိုယ်ဝန်တစ်ခုနဲ့ တစ်ခုကြား တစ်နှစ်လောက်ပဲခြားရတာက အမျိုးသမီးတိုင်းလိုက်လုပ်နိုင်တဲ့အပြင် ဒီလိုလုပ်ခြင်းက မလိုလားအပ်တဲ့ ကျန်းမာရေးအန္တရာယ်တွေကို လျှော့ချနိုင်တဲ့အတွက် အကျိုးများပါတယ်” လို့ပြောကြားခဲ့ပါတယ်။

အဆိုပါ လေ့လာချက်အရ ကိုယ်ဝန်ဆောင်ချိန်နီးတာက ကလေးအားလုံးအတွက်အန္တရာယ်ရှိပေမဲ့ မိခင်တွေအတွက်ကတော့ အသက် ၃၅ နှစ်ကျော်လေ အန္တရာယ်ပိုများလေလို့ဆိုပါတယ်။ အသက်က ၃၅ နှစ်ကျော်နေပြီး ကိုယ်ဝန်ဆောင်ချိန် (၆) လသာ ကွာခြားတဲ့ မိခင်တွေဟာ မီးတွင်းထဲမှာ သေဆုံးနိုင်ခြေ ၁.၂% ပိုမြင့်ပါတယ်။ ငယ်ရွယ်တဲ့ မိခင်တွေကတော့ ကိုယ်ဝန်ဆောင်ချိန် ခြောက်လသာကွာခြားခဲ့ရင် လမစေ့ဘဲ မွေးနိုင်ခြေ ၈.၅% ပိုများပါတယ်။

ယခု လေ့လာချက်ရဲ့ ဦးဆောင်သူ လော်ရာ ရှကူမာ(Laura Schummers) က “ ကျွန်မတို့ရဲ့ဒီလေ့လာချက်မှာ ကိုယ်ဝန်ဆောင်ချိန်တွေဟာ အရမ်းနီးကပ်နေရင် မိခင်အတွက်ရော ကလေးအတွက်ပါ ကျန်းမာရေးအန္တရာယ်ရှိတာတွေ့ခဲ့ရတယ်။ ဒီရှာဖွေတွေ့ရှိချက်ဟာ အသက်ကြီးတဲ့ မိခင်တွေအတွက် အရေးကြီးပါတယ်။ ဒီလို သက်ကြီးမိခင်တွေက (သူတို့အတွက် အချိန်မရှိတော့ဘူး ဆိုပြီးတော့) ကိုယ်ဝန်တစ်ခုနဲ့ တစ်ခုကြား အချိန်သိပ်မခြားဘဲ ရည်ရွယ်ချက်ရှိရှိ တမင်တကာတောင် ကိုယ်ဝန်ဆောင်တတ်ကြလို့လေ” လို့ပြောကြားခဲ့ပါတယ်။

လေ့လာမှုထဲမှာပါဝင်ခဲ့တဲ့ ဒေါက်တာ ဆိုနီယာ (Dr. Sonia) က “ မိခင်တွေရဲ့အသက်အရွယ်အလိုက် ကိုယ်ဝန်ဆောင်ချိန်နီးကပ်လို့ဖြစ်ပွားတဲ့ အန္တရာယ်တွေက မတူကြပါဘူး။ ဒါပေမဲ့လည်း ဒီအန္တရာယ်တွေက ဘာကြောင့်ဖြစ်လဲဆိုရင် မိခင်ရဲ့ခန္ဓာကိုယ်က ပြန်လည်အားမွေးဖို့အချိန်မရလိုက်ဘဲ နောက်ထပ်ကိုယ်ဝန်ဆောင်ရတာကြောင့်ရယ်၊ ဒါမှမဟုတ် မရည်ရွယ်ဘဲ ရလာတဲ့ ကိုယ်ဝန်ပြဿနာတွေနဲ့ဆက်စပ်နေတဲ့ မီးမဖွားခင် သေချာဂရုမစိုက်နိုင်တာတို့ဘာတို့ကြောင့်ဖြစ်ရတာပါ။ အကြံပေးရရင်တော့ ကလေးမွေးဖွားအပြီး မိမိနဲ့သင့်တော်မယ့် သားဆက်ခြားနည်းတွေ အသုံးပြုတာ၊ အမျိုးသားအဖော်နဲ့အကာအကွယ်မပါပဲ လိင်ဆက်ဆံတာတွေကနေ ရှောင်ကြဉ်သင့်တယ်လို့ပဲပြောရမှာပါ”လို့ပြောကြားခဲ့ပါတယ်။

Ref: BBC News “Pregnancy gap should be at least a year”

Elsa (ရိုးရာလေး)