ဘာလို့ အမြဲတမ်း ဗိုက်ဆာနေရတာလဲ

ဗိုက်ဆာတယ်ဆိုတာ နေ့စဉ်ဘဝလှုပ်ရှားမှုအတွက် လိုအပ်တဲ့အရာတစ်ခုဖြစ်ပါတယ်။ ဆာလောင်တာကြောင့် ဦးနှောက်ရဲ့လုပ်ဆောင်မှုတွေ၊ ကြွက်သားတည်ဆောက်မှုတွေကို ထိန်းသိမ်းပေးပြီး ပြေးတာ၊ လမ်းလျှောက်တာလိုမျိုး ရုပ်ပိုင်းဆိုင်ရာ လုပ်ဆောင်မှုတွေပြီးသွားတဲ့အခါ စွမ်းအင်ကို ပြန်လည်ဖြည့်တင်းပေးပါတယ်။ 

အများကြီးစားသောက်တာက ကိစ္စမရှိပေမဲ့ အမြဲတမ်းဆာလောင်နေတာမျိုး ဖြစ်တတ်ပါတယ်။ သင်ဟာ နို့တိုက်ကျွေးသူတစ်ယောက် ဒါမှမဟုတ် ကိုယ်ဝန်ဆောင်တစ်ယောက် မဟုတ်ဘူးဆိုရင်တော့ ခဏခဏဆာလောင်နေတာနဲ့ ပတ်သက်ပြီး သိထားသင့်ပါတယ်။ ဒါကြောင့် တစ်ချိန်လုံးဗိုက်ဆာနေရတဲ့ အကြောင်းရင်းတွေကို ဖော်ပြပေးချင်ပါတယ်။

၁။ အမျှင်ဓာတ်မလုံလောက်ခြင်းအမျှင်ဓာတ်မပြည့်ဝတဲ့ အစားအစာတွေဟာ သင့်ရဲ့အစာခြေစနစ်ကို လျင်မြန်စေပါတယ်။ ဒါကြောင့် နောက်တစ်ကြိမ် အစာစားဖို့အတွက် အမြန်ဆာလောင်တတ်ပါတယ်။ အမျှင်ဓာတ်ကြွယ်ဝချင်ရင် စားတဲ့ အစားအသောက်တွေထဲမှာ လတ်ဆတ်တဲ့အသီးအနှံတွေ၊ ဟင်းသီးဟင်းရွက်တွေကို ထည့်သွင်းစားသုံးသင့်ပါတယ်။

၂။ အစာစားချိန် ဝေးကွာလွန်းခြင်းစဉ်ဆက်မပြတ်ဗိုက်ဆာနေတာဟာ သင်အစာစားထားတာ အရမ်းကြာနေပြီလို့ ခန္ဓာကိုယ်ကို အချက်ပြနေတာဖြစ်ပါတယ်။ တစ်နေ့ သုံးကြိမ်စားမဲ့အစား သင့်ရဲ့ခန္ဓာကိုယ် လှုပ်ရှားမှုပေါ်မူတည်ပြီး သင်ဟာ သုံးလေးနာရီကိုတစ်ခါ အဆာပြေစားသုံးဖို့ လိုပါလိမ့်မယ်။

၃။ အိပ်ရေးပျက်ခြင်းအနားယူတာလုံလောက်မှုမရှိရင်လည်း သင့်ခန္ဓာကိုယ်ထဲက ဆာလောင်မှုကိုထိန်းချုပ်ပေးတဲ့ ဟော်မုန်းကို သက်ရောက်မှုရှိနိုင်ပါတယ်။ အိပ်ရေးမဝတဲ့သူတွေဟာ စားသောက်ချင်စိတ်တွေပိုများတတ်ပါတယ်။ ပင်ပန်းနွမ်းနယ်နေတဲ့အချိန်မှာ ကယ်လိုရီဓာတ်မြင့်မားတဲ့ အစားအသောက်တွေ ပိုစားချင်စိတ်ဖြစ်တတ်ပါတယ်။

၎။ သကြားဓာတ်လျော့ကျနေခြင်းခန္ဓာကိုယ်ထဲမှာ သကြားဓာတ်လျော့ကျနေရင်လည်း မကြာခဏဆာလောင်တတ်ပါတယ်။ ခန္ဓာကိုယ်ရဲ့လိုအပ်တဲ့စွမ်းအင်အတွက် သကြားဓာတ်မလုံလောက်တဲ့အခါ ဆာလောင်မှုတွေ ခံစားရတတ်ပါတယ်။ ဆီးချိုရောဂါရှိတဲ့သူတွေအတွက်ဆိုရင်တော့ သကြားဓာတ်လျော့ကျတာဟာ စိုးရိမ်ပူပန်စရာဖြစ်ပါတယ်။

Ref: www.womansday.com " Why am I always hungry?"

Wint Wah (ရိုးရာလေး)