ဝက်ခြံကပြောတဲ့ ကျန်းမာရေးပြဿနာများ

မေးစေ့မှာ ရုတ်တရက်ဝက်ခြံတွေ ထွက်လာပြီလား။ ဒါမှမဟုတ်ရင် ပါးပြင်တွေ၊ တီ - ဇုန် အဆီပြန်တတ်တဲ့နေရာတွေမှာ ဝက်ခြံတွေထွက်နေပြီလား။ တခြားနေရာတွေထက် မျက်နှာပေါ်မှာရှိတဲ့

သီးသန့်တစ်နေရာရာမှာ ရုတ်တရက်ကြီး ဝက်ခြံတွေထွက်လာတာဟာ အကြောင်းရင်းတွေ အများကြီးရှိပါတယ်။ ဟော်မုန်း၊ အစားအစာ၊ တစ်ကိုယ်ရည်သန့်ရှင်းမှု၊ စိတ်ဖိစီးမှု ဒါမှမဟုတ် အတွင်းအဂါင်္တစ်ခုခုရဲ့ ပြဿနာတွေကြောင့် ဝက်ခြံတွေ ရုတ်တရက် ထွက်ပေါ်လာတာ ဖြစ်ပါတယ်။ ဒါကြောင့် မျက်နှာရဲ့ဘယ်နေရာတွေမှာ ဝက်ခြံတွေထွက်ရင် ကိုယ့်ခန္ဓာကိုယ်ထဲမှာ ဘာတွေဖြစ်နေပြီလဲဆိုတာ သိရဖို့အတွက် ဗဟုသုတရအောင် ဖော်ပြပေးလိုက်ပါတယ်။

နဖူးပြင်

သင်က ဦးထုပ် မကြာမကြာဆောင်းတတ်တယ်ဆိုရင် ဦးထုပ်ရဲ့ချည်သားကြောင့် ဝက်ခြံတွေထွက်လာတတ်ပါတယ်။ ဆံပင်မှာအသုံးပြုတဲ့ ပေါင်းဆေးတွေ ဒါမှမဟုတ် ဆံပင်ပျော့ဆေးတွေကြောင့် ဆံစပ်တစ်ဝိုက်မှာရှိတဲ့ မွေးညင်းပေါက်လေးတွေကို ပိတ်ဆို့စေတာမို့လို့ ဝက်ခြံတွေထွက်လာတတ်ပါတယ်။ နောက်ထပ် ဝက်ခြံဖြစ်စေတဲ့တရားခံတစ်ခုကတော့ စိတ်ဖိစီးမှုဖြစ်ပါတယ်။ ဥပမာ စာမေးပွဲနီးလာပြီဆိုရင် ဝက်ခြံရုတ်တရက်ထွက်လာတာကို လျှော့ချဖို့ ဝက်ခြံအတွက်ထုတ်လုပ်ထားတဲ့ထုတ်ကုန်တွေကို အရမ်းမသုံးတာ အကောင်းဆုံးဖြစ်မှာပါ။ နဖူးမှာထွက်တဲ့ဝက်ခြံတွေကို မဆိုးရွားစေချင်ဘူးဆိုရင် အာလူးကြော်တွေ၊ သကြားလုံးတွေကို လျှော့စားသင့်ပါတယ်။ နဖူးဆိုတာ အစာချေစနစ်နဲ့ဆက်နွယ်နေတာမို့လို့ စားတဲ့အစားအစာမှာ ပါဝင်တဲ့အဆီကို လျှော့ချစားသုံးပြီး ရေများများသောက်ပေးပါ။

နှာခေါင်း

နှာခေါင်းဆိုတာ နှလုံးနဲ့ဆက်နွယ်နေပြီး အသားနဲ့ စပ်တဲ့အစားအစာတွေကို နဲနဲလျှော့စားမယ်ဆိုရင် နှာခေါင်းမှာရုတ်တရက် ထွက်လာတဲ့ဝက်ခြံတွေ သက်သာနိုင်ပါတယ်။ ကျန်းမာရေးအတွက် ကောင်းမွန်တဲ့အဆီတွေ ပါဝင်တဲ့ အခွံမာသီး၊ ထောပတ်သီး၊ ငါးတို့ကို ပြောင်းလဲစားသုံးဖို့ အကြံပေးချင်ပါတယ်။

ပါးပြင်

ဖုန်းတွေ၊ မိတ်ကပ်လိမ်းတဲ့ဘရပ်ရ်ှတွေကို နောက်ဆုံးဆေးကြောခဲ့တာ ဘယ်တုန်းကလဲဆိုတာ မှတ်မိသေးရဲ့လား။ ပါးမှာဝက်ခြံတွေ ရုတ်တရက်ကြီး ထွက်လာပြီဆိုရင် မိတ်ကပ်လိမ်းတဲ့ဘရပ်ရ်ှတွေ၊ ပါးနဲ့ထိတွေ့တတ်တဲ့အရာတွေကို ဆေးကြောသန့်ရှင်းသင့်ပါတယ်။

မေးစေ့နဲ့ မေးရိုး

မေးစေ့နဲ့ မေးရိုးမှာ ဝက်ခြံထွက်လာပြီဆိုရင် ဟော်မုန်းမညီမျှခြင်းကြောင့် ဖြစ်နိုင်ပါတယ်။ ဟော်မုန်းပြောင်းလဲတယ်ဆိုတာ ရှောင်လွှဲလို့မရတဲ့အရာတစ်ခု ဖြစ်ပါတယ်။ အလုံအလောက်အိပ်စက်ခြင်း၊ ရေများများသောက်ခြင်း၊ အသီးအရွက်များများစားခြင်းနဲ့ အရေပြားကို ကောင်းကောင်းသန့်စင်ပေးခြင်းဖြင့် မေးစေ့နဲ့မေးရိုးတစ်လျှောက် ဝက်ခြံထွက်တာကို လျှော့ချနိုင်ပါတယ်။

နားရွက်

နားရွက်တစ်ဝိုက်နေရာဟာ ကျောက်ကပ်နဲ့ သက်ဆိုင်ပြီးတော့ ရေဓာတ်ခန်းခြောက်တာကြောင့် နားတစ်ဝိုက်မှာ ဝက်ခြံတွေထွက်လာတတ်ပါတယ်။ ဒီလိုဖြစ်လာပြီဆိုရင်တော့ ရေများများသောက်ပြီးတော့ ကဖိန်းပါတဲ့သောက်စရာတွေကို လျှော့သောက်သင့်ပါတယ်။

Ref: teenvogue “What the acne on every part of your face means”

Wint Wah (ရိုးရာလေး)