လည်ပင်းကအရေးအကြောင်းတွေကို ဘယ်လိုကာကွယ်ကြမလဲ

အသက်အရွယ်ရလာတာနဲ့အမျှ လည်ပင်းဟာ အလှအပအတွက် အရေးကြီးတဲ့နေရာတစ်ခု ဖြစ်လာပါတယ်။ အမျိုးသမီးတွေတော်တော်များများဟာ လှပပြီးအပြစ်ကင်းစင်တဲ့မျက်နှာတွေကို ပိုင်ဆိုင်ထားပေမဲ့ လည်ပင်းနားက အရေပြားကတော့ အိုမင်းနေတတ်ပါတယ်။

လည်ပင်းမှာ အရေးအကြောင်းတွေဖြစ်ပြီး အရေပြားတွေ လျော့တွဲကျလာတာဖြစ်ပါတယ်။ ဒီလိုအန္တရာယ်တွေကို ရှောင်ကြဉ်ဖို့ သင့်ရဲ့အရေပြားကို အရေးအကြောင်းတွေကနေ ကာကွယ်နိုင်ရပါမယ်။

အိုမင်းလာမှုကို နှေးကွေးစေဖို့အတွက် အကောင်းဆုံးနည်းလမ်းကတော့ လည်ပင်းအရေပြားရဲ့ ကျုံ့နိုင်ဆန့်နိုင်အားကို မြှင့်တင်ပေးရမှာ ဖြစ်ပါတယ်။ လည်ပင်းအသားအရေဟာလည်း မျက်နှာလိုမျိုး ထိခိုက်လွယ်တယ်ဆိုတာ သတိပြုပေးပါ။ ဒါကြောင့် ဂရုစိုက်ဖို့လိုပါတယ်။ အရေပြားတင်းရင်းစေတဲ့ skin care ပစ္စည်းတွေသုံးနိုင်ပါတယ်။ ဒါ့အပြင် အရေပြားတင်းရင်းအောင် ဆေးဝါးပိုင်းနဲ့ ခွဲစိတ်မှုတွေလည်း ပြုလုပ်နိုင်ပါတယ်။

လည်ပင်းအရေးအကြောင်းဖြစ်ရတဲ့ အကြောင်းအရင်း

လေထုညစ်ညမ်းခြင်းနဲ့ ဆေးလိပ်မီးခိုးတွေဟာ အရေပြားကို ထိခိုက်စေပါတယ်။ အသက်ငယ်သေးတဲ့အချိန်မှာတော့ အရေပြားဟာ ဒီလို အရာတွေကို သန့်စင်နိုင်ပေမဲ့ အသက်အရွယ်ကြီးလာတာနဲ့အမျှ ဒီလိုသန့်စင်နိုင်စွမ်းဟာ လျော့ကျလာပါတယ်။ ဒါကြောင့် အရေပြားကိုလည်း ပိုပြီးပျက်စီးစေပါတယ်။ စီးကရက်သောက်တာဟာလည်း အရေပြားအတွက် အရမ်းအန္တရာယ်ရှိပါတယ်။

နေရောင်ခြည်ဟာလည်း အရေပြားနဲ့ ဆက်နွယ်နေတဲ့ ပြဿနာတွေအတွက် အန္တရာယ်ရှိတဲ့အရာတစ်ခုဖြစ်ပါတယ်။ နေရောင်ခြည်မှာ ဗီတာမင်ဒီပါဝင်တာမို့လို့ အရိုးကြီးထွားဖို့အတွက် အကူအညီပေးပါတယ်။ ဒါပေမဲ့ အပြင်ထွက်တဲ့အခါ နေရောင်ခံကာကွယ်ဆေးတွေ လိမ်းပေးဖို့လိုပါတယ်။

လည်ပင်းအရေးအကြောင်းတွေကို ဒီလိုကာကွယ်မယ်

၁။ UVA နဲ့ UVB မှ ကာကွယ်ဖို့ နေရောင်ခြည်နဲ့ ထိတွေ့မှုကို နည်းနိုင်သမျှနည်းအောင်နေပါ။

၂။ စီးကရက်နဲ့ တခြားမီးခိုးငွေ့တွေနဲ့ အရေပြားထိတွေ့မှုကို လျော့နည်းအောင်နေပါ။

၃။ နေ့စဉ် လည်ပင်းလေ့ကျင့်ခန်းလုပ်ပေးပါ။

၎။ အမြဲတမ်း သင့်ခေါင်းကို တည့်တည့်ထားပြီး မေးကိုမော့ထားပါ။

၅။ အရေပြားတင်းရင်းစေဖို့ အနည်းဆုံးရေ ၈ ခွက်လောက် နေ့စဉ်သောက်ပါ။

၆။ ခေါင်းအုံးမြင့်တာဟာ အရေပြားချောမွေ့မှုအတွက် အကြီးမားဆုံးရန်သူပါပဲ။ သေးငယ်တဲ့ခေါင်းအုံးတွေထက် ခေါင်းအုံးခပ်ကြီးကြီးတွေ အုံးပြီးအိပ်ပါ။

၇။ အာလူးကို အချပ်လိုက်လှီးပြီး လည်ပင်းပေါ်မှာထားပါ။ အာလူးဟာ အရေပြားကို အဆိပ်ပြေစေပြီး ချွေးပေါက်တွေကို သန့်စင်စေပါတယ်။

၈။ ညဘက်မအိပ်ခင် လည်ပင်းကို အရေကြောင်းလျော့စေတဲ့ခရင်မ်တစ်မျိုးမျိုး လိမ်းပေးပါ။

အခုဖော်ပြပေးလိုက်တဲ့နည်းလမ်းလေးတွေကို အသက်အရွယ်အစောပိုင်းကတည်းက လိုက်လုပ်ကြည့်မယ်ဆိုရင် အိုမင်းမှုကို နှေးကွေးစေမှာပါ။ တကယ်လို့ သင့်လည်ပင်းမှာ အရေးကြောင်းတွေရှိနေပြီဆိုရင် အရေးကြောင်းလျော့နည်းစေတဲ့ခရင်မ်တွေ လိမ်းပေးပါ။ ပြီးရင် လည်ပင်းအရေးကြောင်းတွေ ပြန်မဖြစ်လာဖို့အတွက် ဂရုစိုက်သင့်ပါတယ်။

Ref: www.stylecraze.com “How to prevent neck wrinkles”

Wint Wah (ရိုးရာလေး)