နာမကျန်းဖြစ်နေတဲ့ယာသမားကြီးရဲ့ ဝါခင်းမှာ ကူညီရိတ်သိမ်းပေးခဲ့ကြတဲ့ ယာနီးချင်းများ

တက္ကဆက်ပြည်နယ်အနောက်ပိုင်း ဖလွိုက်ကောင်တီမှာနေထိုင်တဲ့ ယာသမားကြီး ဂရက်ဂ် ဘစ်ရှော့ပ် (Greg Bishop) ဟာ ပြီးခဲ့တဲ့ စက်တင်ဘာလတုန်းက သူ့မှာ သွေးကင်ဆာဖြစ်နေကြောင်း ဆေးစစ်ချက်ရပြီး ကုသမှုခံယူနေရသူပါ။ သူ့ရဲ့ဝါခင်းအလုပ်တွေကိုလည်း နေမကောင်းလို့ ဘာမှမလုပ်နိုင်တာကြောင့် ပစ်ထားလိုက်ရပါတယ်။ ထူးထူးဆန်းဆန်းအဖြစ်တစ်ခုကိုတော့ ပြီးခဲ့တဲ့ တနင်္လာနေ့တုန်းက သူကြုံခဲ့ရပါတယ်။

အဲဒါက သူ့ယာနီးချင်းတွေဟာ ဝါချည်သိမ်းစက်တွေနဲ့ တခြားပစ္စည်းပစ္စယတွေနဲ့အတူ သူ့ယာခင်းကို ကူပြီးရိတ်သိမ်းပေးဖို့ လာခဲ့ကြတဲ့ မြင်ကွင်းပါပဘစ်ရှော့ပ်နဲ့ လူချင်းသိတာ နှစ်အစိတ်လောက်ရှိနေပြီဖြစ်တဲ့ ဖလွိုက်ဒါဒါလုပ်ငန်းစုရဲ့အထွေထွေမန်နေဂျာ အေရွန် ဟန်းဒရစ် (Aaron Hendricks) က "တစ်ယောက်ယောက်အလုပ်ပျက်တာ နေမကောင်းတာမျိုးဆို ထိပ်ဆုံးကနေမေးမြန်းကူညီတတ်တဲ့ဒီလူက အခုသူဖြစ်နေတော့ ဘယ်သူ့မှ အကူအညီမတောင်းဘူးဗျာ" လို့ပြောပြပါတယ်။

ဘစ်ရှော့ပ်ရဲ့ ဝါခင်းကို ကူသိမ်းပေးဖို့အတွက် လူ ၈၀ ၉၀ ဝန်းကျင်လောက် လာခဲ့ကြတာဖြစ်ပါတယ်။ လုပ်အားနဲ့ကူသူတွေ စားသောက်ဖို့ နယ်ခံဆိုင်တစ်ဆိုင်ကလည်း ဟမ်ဘာဂါတွေပို့ပေးခဲ့ပါသေးတယ်။ တခြားလုပ်ငန်းတွေကတော့ လိုအပ်တဲ့လောင်စာဆီတွေ၊ ချို့ယွင်းသွားတဲ့ယာဉ်တွေကိုပြင်ဆင်ပေးတာမျိုးတွေ နဲ့ကူညီပေးခဲ့ကြပါတယ်။

ဒီကူညီမှုမှာ ပါဝင်ခဲ့သူတစ်ဦးဖြစ်တဲ့ ရောဘတ်နစ်ဆင် (Robert Nixon) က "ကျွန်တော်တို့ မနက် ၁၀ နာရီလောက်က စသိမ်းကြတာ ညနေ ၃ နာရီ မထိုးခင်လေးမှာ ပြီးသွားကြတယ်။ လူအင်အားက သိပ်များတော့ မြန်မြန်အလုပ်ပြီးသွားတာပေါ့" လို့ ပြောပြခဲ့ပြီး သူတို့ ကူသိမ်းပေးခဲ့တဲ့ ဘစ်ရှော့ပ်ရဲ့ ဝါခင်းက ဝါချည်တွေရဲ့တန်ဖိုးက အမေရိကန်ဒေါ်လာ ၄၂၀၀၀၀ ဖိုးလောက်ရှိတာ ဖြစ်ပါတယ်။ "သူ့ဘာသာ တစ်ယောက်တည်း စက်တစ်လုံးတည်းနဲ့သာ သိမ်းမယ်ဆို နှစ်ပတ် သုံးပတ်လောက်တော့ကြာမှာ အလုပ်မတွင်နိုင်ဘူး" လို့ ဘစ်ရှော့ပ်ရဲ့မိတ်ဆွေကြီး ဟန်းဒရစ်က ဆိုပါတယ်။

ဘစ်ရှော့ပ်ရဲ့ ကောလိပ်ကျောင်းအခန်းဖော်တစ်ဖြစ်လဲ မိတ်ဆွေရင်း ဒေ့ဗ် ကာသယ်လ် (Dave Carthel) ကလည်း ဘစ်ရှော့ပ်အတွက် သူတို့လာကူပေးရတာကို လူတိုင်းက စိတ်လိုလက်ရ ဝမ်းပမ်းတသာရှိနေကြတယ်လို့ဆိုခဲ့ပြီး "ပေါက်ပြားကိုတောင် မကိုင် မမနိုင်ဖြစ်နေချိန်မှာ သူ့အနေနဲ့ သူ့လုပ်ငန်းအတွက်အတော်လေး စိုးရိမ်ပူပန်နေရမယ်ဆိုတာ တွေးမိတယ်။ ဘာပဲဖြစ်ဖြစ်ဗျာ ဒီလို ဝိုင်းဝန်းပြီး စိတ်ပါလက်ပါကူညီပေးလိုက်ကြသူတွေထဲမှာ တစ်ယောက်အပါအဝင်ဖြစ်ရတာ တော်တော်ဝမ်းသာမိပါတယ်" လို့လည်း ပြောပြခဲ့ပါတယ်။

Ref: BBC "A Texas cotton farmer is battling cancer and couldn't harvest his crop.So his neighbors did it for him"

TH (ရိုးရာလေး)