မက်ဆီနဲ့တွေ့ဆုံခဲ့ရဖူးတဲ့ အာဖဂန်ကလေးငယ် တာလီဘန်တွေရဲ့ ပစ်မှတ်ထား ခြိမ်းခြောက်မှုကိုခံနေရ

အဖြူ အပြာစင်းကြား ပလပ်စတစ်အိတ်ကို မက်ဆီအမည်ပါဘောလုံးဂျာစီလိုလုပ်ဝတ်ထားတဲ့ပုံတွေနဲ့ ကမ္ဘာကျော်ခဲ့ဖူးပြီး မက်ဆီအသေးစားလေးလို့ ခေါ်ကြတဲ့ ချစ်စဖွယ်ကလေးငယ်လေးကို အားလုံးပဲ မှတ်မိနေကြဦးမယ်လို့ ထင်ပါတယ်။ ဘာစီလိုနာတိုက်စစ်မှူး လီယွန်နယ် မက်ဆီကို အရူးအမူးအားပေးတဲ့ အာဖဂန်ကလေးငယ် မာတာဇာဟာ ၂၀၁၆ ခုနှစ်အတွင်းက ပလပ်စတစ်အိတ်ဘောလုံးဂျာစီဝတ်ထားတဲ့ပုံတွေကြောင့် လူမှုကွန်ယက် လူသိများခဲ့ပြီး မက်ဆီနဲ့လည်း ကာတာမှာ လူချင်းတွေ့ဆုံခွင့်ရခဲ့တဲ့အပြင်

ဘာစီလိုနာအသင်းရဲ့ချစ်ကြည်ရေးပွဲစဉ်တစ်ခုမှာ မက်ဆီကိုလက်တွဲပြီး လာဘ်ကောင်အဖြစ် ကွင်းထဲဝင်ရောက်ခွင့်တောင်ရခဲ့ပါသေးတယ်။

အခုတော့ အသက် ၇ နှစ်ရှိနေပြီဖြစ်တဲ့ ဒီကလေးငယ်ဟာ မက်ဆီကြောင့်ပျော်ရွှင်ခဲ့ရတာတွေဟာလည်း လွင့်ပျောက်သွားခဲ့ရပြီဖြစ်ပြီး  စစ်ဘေးသင့်အာဖဂန်ပြည်သူများစွာထဲကတစ်ဦးအဖြစ် ကြမ်းတမ်းခက်ခဲစွာနဲ့ လက်ရှိအချိန်မှာ ရှင်သန်နေထိုင်နေရပါတယ်။ သူနဲ့ သူ့မိသားစုဝင်တွေဟာ ပြီးခဲ့တဲ့နိုဝင်ဘာလတုန်းက တာလီဘန်တွေရဲ့ တိုက်ပွဲတွေအကြားကနေ နေရပ်ကို စွန့်ပစ်ပြီး အသည်းအသန်ထွက်ပြေးလာခဲ့ကြရတာကြောင့် မက်ဆီကိုယ်တိုင် မာတာဇာအတွက် လက်မှတ်ထိုး လက်ဆောင်ပေးထားခဲ့တဲ့ ဘောလုံးနဲ့ ဂျာစီကိုတောင် မယူလာနိုင်ခဲ့ရှာပါဘူး။

မာတာဇာနဲ့မိသားစုတစ်ခုလုံးဟာ ကာဘူးလ်မြို့မှာရှိနေတဲ့ အိုးအိမ်မဲ့ဒုက္ခသည်ပေါင်းများစွာနည်းတူ အကြပ်အတည်းတွေနဲ့ ရင်ဆိုင်နေရတဲ့အပြင် နာမည်ကျော်ခဲ့ဖူးတဲ့ ဒီကလေးငယ်ကို တာလီဘန်တွေက ပစ်မှတ်ထားရှာဖွေနေကြတာကြောင့် အမြဲတမ်းကျီးလန့်စာစား ဖြစ်နေကြရပါတယ်။ ကလေးငယ်ရဲ့မိသားစုနဲ့အခြားမိသားစုတစ်ခု လက်ရှိအတူတူ ငှားရမ်းနေထိုင်နေတဲ့ ကာဘူးလ်မြို့က အခန်းကျဉ်းလေးကို AFP သတင်းဌာနက သွားရောက်တွေ့ဆုံခဲ့စဉ် မာတာဇာရဲ့မိခင်ဖြစ်သူက သေနတ်သံတွေကြားမှာ သူတို့ရဲ့နေရပ်ကို စွန့်ပစ်ပြီး အသက်လုထွက်ပြေးလာခဲ့ရတဲ့အကြောင်းစုံကို ပြောပြခဲ့ပါတယ်။

"ဘာပစ္စည်းတစ်ခုမှ မယူလာနိုင်ခဲ့လောက်အောင် အသက်ကိုဖက်နဲ့ထုပ်ပြီးပြေးခဲ့ရတာ" လို့ ကလေးငယ်ရဲ့မျက်နှာကို လည်စည်းပုဝါနဲ့အုပ်ရင်း မာတာဇာရဲ့မိခင် ရှဖီကာကပြောပြပါတယ်။ ဒါ့အပြင် တာလီဘန်တွေက ဒီကလေးလေးကို နာမည်နဲ့တကွ လိုက်ရှာနေကြောင်း မမျှော်လင့်ဘဲ သိလိုက်ရချိန်မှာ သူတို့အရမ်းကြောက်လန့်သွားခဲ့ရတယ်လို့ဆိုပြီး "သူ့ကိုမိရင် တစ်စစီလုပ်ပစ်မယ်လို့ သူတို့က ပြောတယ်" လို့ ထိတ်လန့်မှုတွေပြည့်နေတဲ့ မျက်လုံးတွေနဲ့ ဟို သည် ကြည့်ရင်း ရှဖီကာက ပြောပြပါတယ်။

သူတို့မိသားစုဟာ ဆွန်နီတာလီဘန်တွေ ပစ်မှတ်ထား ရန်ပြုတိုက်ခိုက်နေတဲ့ ရှီဟိုက်မွတ်စလင်တွေလည်းဖြစ်ကြပါတယ်။ တာလီဘန်တွေဟာ အားကစားကိုလည်း အပြင်းအထန်ဆန့်ကျင်မုန်းတီးပြီး ၁၉၉၆ ကနေ ၂၀၀၁ အထိ သူတို့အုပ်စိုးခဲ့စဉ်ကာလကလည်း ကာဘူးလ်မြို့က ဘောလုံးကွင်းနဲ့ နာမည်ကျော်အားကစားကွင်းတွေကို ဖျက်ဆီးပစ်ခဲ့ဖူးပါတယ်။ ဒါကြောင့် အားကစားလောကကနာမည်ကျော် မက်ဆီနဲ့ ပတ်သက်ပြီး ကျော်ကြားနေတဲ့ ကလေးငယ် မာတာဇာကို ပစ်မှတ်ထားနေပုံရကာ မက်ဆီပေးထားတဲ့ ငွေတွေကို မပေးရင် ဒီကလေးကို ရှာပြီး တစ်စစီလုပ်ပစ်မယ် လို့ တာလီဘန်တွေက ကြိမ်းဝါးထားတာပါ။

အာဖဂန်လုံခြုံရေးတပ်ဖွဲ့ဝင်တွေက တာလီဘန်တွေကို ဘယ်လိုပဲ ပြန်တိုက်ခိုက်နှိမ်နင်းနိုင်နေပါစေ နေရပ်ပြန်ဖို့အတွက် လုံခြုံပြီလို့ ရှဖီကာက စိတ်မချနိုင်သေးပါဘူး။ သူတို့သိထားရတဲ့သတင်းဆိုးကြီးကြောင့် ကလေးငယ်အတွက်အမြဲတမ်း ပူပန်ကြောက်လန့်နေတာကြောင့် ကလေးရဲ့မျက်နှာကို အမြဲတမ်း ပုဝါနဲ့ကွယ်ပေးထားရပြီး တခြားကလေးတွေနဲ့ အပြင်ထွက်ကစားဖို့ကိုလည်း မလွှတ်ဝံ့ဖြစ်နေရပါတယ်။

မာတာဇာရဲ့ ပလပ်စတစ်အိတ်ဘောလုံးဂျာစီကို ဖန်တီးပေးခဲ့တဲ့ အစ်ကိုအကြီးဆုံးကလည်း "မာတာဇာဘယ်သူဆိုတာ သူတို့သိသာသွားရင် ဘယ်လိုဖြစ်မလဲဆိုတာ တွေးတောင်မတွေးရဲဘူး" လို့ ပြောပြခဲ့ပါတယ်။

မာတာဇာလေးကတော့ မက်ဆီရဲ့လက်ဆောင် ဘောလုံးနဲ့ ဂျာစီကို သတိရနေပြီး "အဲဒါတွေကိုပြန်လိုချင်တယ် ကျွန်တော်ကစားချင်လို့" လို့ ဆိုခဲ့ပြီး "မက်ဆီ့ကိုလည်းသတိရတယ်" လို့ ထပ်ပြောပြခဲ့ပါတယ်။ "သူ့ကိုသာတွေ့ရရင် နေကောင်းရဲ့လား လို့ ကျွန်တော်မေးမှာ..ကောင်းတယ်ကွ ကျေးဇူးပဲ ဂရုစိုက်ပြီးနေဦးလို့ သူကပြန်ပြောလိမ့်မယ် ပြီးရင် သူနဲ့အတူတူကွင်းထဲလိုက်ဝင်ပြီး သူကစားတာကို ကြည့်မယ်" လို့ မာတာဇာက မက်ဆီနဲ့တွေ့ချင်သေးတဲ့ သူ့စိတ်ကူးလေးကို ပြောပြခဲ့ပါသေးတယ်။

UN ရဲ့အဆိုအရ တာလီဘန်တွေရဲ့ ဒီလိုအကြမ်းဖက်တိုက်ခိုက်မှုတွေအတွင်းမှာ မိသားစုပေါင်း ၄၀၀၀၀ လောက် နေရပ်စွန့်ခွာပြေးခဲ့ရပြီး မြို့သူမြို့သားနဲ့ စစ်သားပေါင်းသောင်းဂဏန်းလောက် သေဆုံးခဲ့ရတယ်လို့ ဆိုထားပါတယ်။

Ref: Dailymail "Afghan boy made famous by his home-made Lionel Messi shirt flees home"

TH (ရိုးရာလေး)