MMA ဖိုက်တာအမျိုးသမီးကို လုယက်မိလို့ အကြောင်းမလှဖြစ်ခဲ့ရတဲ့ ဓားပြ

ဘရာဇီးလ်နိုင်ငံ၊ ရီယိုဒီဂျနဲရိုးမြို့ (Rio de Janeiro) က ဓားပြတစ်ယောက်ကတော့ MMA ဖိုက်တာအမျိုးသမီးရဲ့ဖုန်းကို ခြိမ်းခြောက်လုယက်ခဲ့မိတာကြောင့် ကိုယ်ခံပညာရဲ့အရသာကို မရှုမလှခံစားသွားခဲ့ရပါတယ်။

ပြီးခဲ့တဲ့စနေနေ့က UFC စထရောဝိတ်တန်းကစားသမားဖြစ်တဲ့ အသက် ၂၇ နှစ်အရွယ် ပေါ်လီယာနာ ဗီယာနာ (Polyana Viana) ဟာ တိုက်ခန်းရှေ့မှာ Uber Taxi ကိုစောင့်နေတုန်း လူတစ်ယောက်ရောက်လာပြီး သူ့မှာသေနတ်ပါလာကြောင်း ခြိမ်းခြောက်ကာ ဗီယာနာဆီက ဖုန်းကို လုယက်ခဲ့တာဖြစ်ပါတယ်။ သေနတ်ပါတယ်ဆိုတာ တကယ်မဟုတ်ဘူးလို့ ဗီယာနာကသိခဲ့ပြီးတဲ့နောက် လုယက်သူရဲ့သေနတ်ဆိုတဲ့အရာကို ဆွဲမထုတ်ရသေးခင်မှာပဲ လက်သီးနှစ်လုံး၊ ခြေကန်ချက်တစ်ချက်နဲ့မိတ်ဆက်ပေးလိုက်ကာ ရဲတွေရောက်လာတဲ့အထိ သူ့လည်ပင်းကိုချုပ်ထားပြီး စောင့်ဆိုင်းခဲ့တာပါ။ ရယ်စရာကောင်းတာကတော့ လုယက်သူပြောတဲ့သေနတ်က ပစ္စတိုပုံတူ ကတ်ထူသေနတ်တစ်ခု ဖြစ်နေတာပါပဲ။

သွေးအလိမ်းလိမ်းအကွဲအပြဲဒဏ်ရာတွေနဲ့ ဖူးရောင်နေတဲ့ လုယက်သူကို Polyana Viana တင်တဲ့ပုံတွေမှာတွေ့ခဲ့ရပါတယ်။ "ကျွန်မကို သူ လက်သီးနဲ့ မြန်မြန်ပြန်ထိုးနေကတည်းက သူသိပ်လန့်နေပြီဆိုတာကို သိတယ်" လို့ Polyana Viana က ပြောခဲ့ပါသေးတယ်။ ရဲတွေရောက်လာပြီိးချိန်မှာ လုယက်သူကို စစ်ဆေး ခေါ်ဆောင်သွားကြကာ ဒဏ်ရာတွေကို ဆေးကုပေးခဲ့ရပြီး ဗီယာနာကတော့ နောက်နေ့အထိ လက်တွေနာကျင်နေတာကလွဲရင် ဘာမှထိခိုက်မှုမရှိခဲ့ဘူးလို့ သိရပါတယ်။

Ref: ChannelNewsAsia "Rio robber's bloody mistake mugging a female MMA fighter"

TH (ရိုးရာလေး)