ကြွယ်ဝချမ်းသာသမျှရဲ့ ၉၉ ရာခိုင်နှုန်းကို အနာဂတ်မျိုးဆက်သစ်တွေအတွက်လှူဒါန်းသွားမယ့် ပရီဆယ်လာချန် (Priscilla Chan) ရဲ့ အစီအစဉ်

ပရီဆယ်လာချန် (Priscilla Chan) ဟာ ငယ်စဉ်ကတည်းက သူအလုပ်ဟာ ကလေးတွေကို ကူညီပေးတာတွေနဲ့ပဲ ပြည့်နှက်နေမယ်လို့ ယုံကြည်ပြီးသားပါ။ ဒါပေမဲ့ ဘီလျံနဲ့ချီတဲ့ ပိုက်ဆံတွေသုံးပြီး နောက်မျိုးဆက်တစ်ခုလုံးရဲ့ ကံကြမ္မာအတွက် ပြောင်းလဲပေးနိုင်လိမ့်မယ်လို့ သူ တစ်ခါမှတော့ မထင်ခဲ့ဖူးပါဘူး။

၂၀၁၅ ခုနှစ်က စတင်တည်ထောင်ခဲ့ပြီး Chan Zuckerberg Initiative (အတိုကောက် CZI) လို့ခေါ်တဲ့ ပရီဆယ်လာ့ကုမ္ပဏီရဲ့ အန္တိမ ရည်မှန်းချက်ကတော့ နောင် မျိုးဆက်ရဲ့ ဘဝတွေအတွက်ပါ။ ဒီလို ဖြစ်လာဖို့ကို CZI ကုမ္ပဏီတစ်ခုတည်းနဲ့ကြိုးပမ်းရုံတင်မကပဲ သိပ္ပံပညာရှင်တွေနဲ့ သုတေသနပညာရှင်တွေဆီမှာ ရင်းနှီးမြုပ်နှံခြင်း၊ အဲဒီပညာရှင်တွေအတွက် နည်းပညာကိရိယာတွေ ဖန်တီးပေးခြင်း အစရှိတဲ့ နည်းလမ်းတွေနဲ့လည်း သူတို့ရောက်လိုတဲ့ ပန်းတိုင်ကို သွားမယ် လို့ “Boss flies”ဆိုတဲ့ တီဗွီအစီအစဉ်တစ်ခုရဲ့အင်တာဗျုးမှာ ပြောကြားခဲ့ပါတယ်။

ချန်နဲ့ ခင်ပွန်းဖြစ်သူ မတ်ခ်ဇူကာဘတ်တို့ဟာ သူတို့ချမ်းသာကြွယ်ဝမှုအားလုံးရဲ့ ၉၉ရာခိုင်နှုန်းကို ဒီအဖွဲ့အစည်းထဲကို ရင်းနှီးမြုပ်နှံထားတာပါ။ CZI က Facebook ထဲမှာ ရင်းနှီးမြုပ်နှံထားတဲ့အတွက် လက်ရှိ Facebook ရဲ့ရှယ်ယာပေါက်ဈေးနဲ့တွက်မယ်ဆိုရင် ၆၁ ဘီလီယံရှိတဲ့ ငွေကြေးပမာဏကို CZI အတွက် လှူဒါန်းထားတယ်လို့ ပြောလို့ရပါတယ်။

CZI အဖွဲ့ဟာ ကျန်းမာရေးအတွက်တင်မကဘဲ ဆရာ၊ ဆရာမတွေအတွက် ကလေးတွေကို သင်ကြားရာမှာ တစ်ဦးချင်းလိုအပ်ချက်အလိုက်သင်ကြားပေးနိုင်အောင် အထောက်အကူပြုတဲ့ ဆော့ဖ်ဝဲ(Software) တွေ ဖန်တီးပေးခဲ့သလို ချို့တဲ့တဲ့ ကျောင်းသူကျောင်းသားတွေအတွက် မျက်စိအခမဲ့စစ်ဆေးပေးတဲ့အဖွဲ့ကိုလည်း ရန်ပုံငွေ ထောက်ပံ့ခဲ့ပါသေးတယ်။ ဒါ့အပြင် CZI ဟာ မှုခင်းလျှော့ချမှုအတွက် အရေးကြီးတဲ့ဥပဒေတွေကို ချမှတ်ရာမှာ တွန်းအားပေးတာ၊ မလိုအပ်ပဲ ထောင်ဒဏ် နှစ်ရှည်ချခြင်းကို ဆန့်ကျင်တဲ့အဖွဲ့ကိုအားပေးတာနဲ့ ရွှေ့ပြောင်းအခြေချသူတွေအတွက် ပြန်လည်ပြုပြင်ထူထောင်ပေးတာတွေကိုလည်း လုပ်ဆောင်နေပါတယ်။

ချန်ရဲ့ပြောကြားချက်အရ သူတို့ကုမ္ပဏီရဲ့နည်းပညာကို သူတို့ပဲ တီထွင်ပြီးတော့ တခြားအမြတ်အစွန်းအတွက် လုပ်ကိုင်တဲ့ကုမ္ပဏီတွေမှာလည်း ရင်းနှီးမြုပ်နှံထားတာ ဖြစ်ပါတယ်။ အမေရိကန်သမ္မတဟောင်း အိုဘားမားရဲ့အကြံပေးနဲ့ ကမ်ပိန်းမန်နေဂျာဖြစ်ခဲ့ဖူးသူ ဒေးဗစ် ပလို့(ဖ်)( David Plouffe) က CZI ရဲ့ စည်းမျဉ်းတွေနဲ့ (ဥပဒေ) ထောက်ခံမှုအဖွဲ့ကို ဦးဆောင်နေတာ ဖြစ်ပါတယ်။ ဒါပေမဲ့လည်း CZI ဟာ ဘယ်နိုင်ငံရေးအဖွဲ့အစည်းကိုမှ ထောက်ခံတာမဟုတ်ဘဲ နောင်လည်း ထောက်ခံသွားဖို့အစီအစဉ်မရှိကြောင်း ချန် ကပြောကြားခဲ့ပါတယ်။

CZI အဖွဲ့အစည်းအတွက် လင်မယားနှစ်ယောက်စလုံးဖြစ်တဲ့ မတ်ဇူကာဘတ်ရော ပရီဆယ်လာချန်ရော တာဝန်ရှိတာဖြစ်ပေမဲ့ မတ်ဟာ သောကြာနေ့တွေတိုင်းမှာ CZI ရုံး ကိုလာလေ့ရှိပြီး ချန်ကတော့ နေ့တိုင်းလာတာဖြစ်ပါတယ်။ အခုဆိုရင် ချန်ဟာ သူတို့အဖွဲ့အစည်းအကြောင်းကို လူသိများလာစေဖို့အတွက် လူတွေဆီကအာရုံစိုက်မှုရအောင် စပြီးလုပ်ဆောင်နေပါပြီ။

“လူတွေ သတိမထားမိပေမဲ့ သူက လူတွေကို အရမ်းဂရုစိုက်တတ်သူတစ်ယောက်ပါ” လို့ ချန်အကြောင်းကို ခင်ပွန်းဖြစ်သူ မတ်ဇူကာဘတ်က ပြောပြခဲ့ပါတယ်။
ဗီယက်နမ်ဒုက္ခသည်အနေနဲ့ အမေရိကန်နိုင်ငံကိုရောက်လာခဲ့ပြီး ဘော်စတွန် (Boston) မြို့ ရဲ့အပြင်ဘက်က ဝင်ငွေနည်းပါးတဲ့မိသားစုမှာ ကြီးပြင်းလာရတဲ့ချန်ဟာ ဆရာကောင်းတွေနဲ့တွေ့ခဲ့ပြီး မိသားစုရဲ့ ပံ့ပိုးပေးမှုကြောင့် ဟားဗတ်ဒ်တက္ကသိုလ်ရဲ့ ၁၀၀% စကောလာရှစ်ကို ရရှိခဲ့ပါတယ်။

“ကျွန်မအတွက် ဟားဗတ်ဒ်ဟာ အရမ်းခက်ခဲခဲ့ပါတယ်။ ကျောင်းမှာရှိနေတဲ့အချိန်တိုင်းမှာ ကိုယ့်ကိုယ်ကိုယ် ရှုံးနိမ့်သူလိုခံစားရပါတယ်။ ဒီနေရာဟာ ကျွန်မနဲ့ မထိုက်တန်ဘူးလို ပေါ့။ ကျွန်မမှာ တစ်ဘဝလုံး အားသာခဲ့တာဆိုလို့ တော်တာပဲ ရှိခဲ့တယ်။ ဒါပေမဲ့ ဒီနေရာမှာ တော်တယ်လို့မခံစားရတော့ဘူး။ကျွန်မ ဟားဗတ်ဒ်က ပြောင်းဖို့စာရွက်စာတမ်းတွေတောင် ပြင်ဆင်ခဲ့ပြီးပါပြီ။ ဒါပေမဲ့ ကျွန်မရဲ့ဘဝကို ပြောင်းလဲသွားစေတဲ့ ကလေးတစ်ယောက်နဲ့တွေ့ခဲ့တယ်“

ကျောင်းရဲ့ပရိုဂရမ်တစ်ခုဖြစ်တဲ့ ဝင်ငွေနည်းပါးတဲ့ မိသားစုတွေကို ကူညီပေးတဲ့ ပရောဂျက်တစ်ခုမှာ စေတနာ့ဝန်ထမ်းလုပ်နေခဲ့တဲ့ ချန်ဟာ တစ်နေ့မှာ သူတာဝန်ယူနေတဲ့ ပရောဂျက်က ကလေးမလေးတစ်ယောက် မလာတာ ၁ ပတ်ရှိပြီဆိုတာကို သတိထားမိခဲ့ပါတယ်။ သူလိုက်ရှာတဲ့အခါမှာ အနီးအနားက ကစားကွင်းတစ်ခုမှာ သွားနှစ်ချောင်းကျိုးနေတဲ့ ကလေးမလေးကို တွေ့ခဲ့ပါတယ်။

“ကျွန်မ အရမ်းစိတ်မကောင်းဖြစ်သွားတယ်။ ဘာဖြစ်သွားတာလဲ။ ငါဘာတွေမှားသွားလဲ။ ဒီလိုမဖြစ်အောင် ဘာလို့မကာကွယ်နိုင်ခဲ့လဲပေါ့။ ကျွန်မ အဲဒီအချိန်မှာ တွေးလိုက်တာက ငါဟာမလုံလောက်သေးဘူး။ ငါ့မှာကျွမ်းကျင်မှုတွေ ပိုလိုအပ်တယ်။ ဒီပြဿနာကို ဖြေရှင်းနိုင်ဖို့ ပါဝါပိုလိုအပ်တယ်လို့ပေါ့။ဆိုတော့ အသက်၂၀ ရှိပြီး ဟားဗတ်ဒ်ကျောင်းနေတဲ့ ကျွန်မစဉ်းစားလိုက်မိတာက ဆေးကျောင်းတက်ဖို့ပေါ့ရှင်” လို့ချန်က ပြောပြခဲ့ပါတယ်။ဟားဗတ်ဒ်က ကျောင်းပြီးတဲ့အခါမှာ လေးတန်းနဲ့ ငါးတန်းကလေးတွေအတွက် သိပ္ပံပညာကိုတစ်နှစ်သင်ပေးအပြီး ကလေးအထူးကု သမားတော်ဖြစ်ဖို့ ဆေးကျောင်းဆက်တက်ခဲ့ပါတယ်။

၂၀၁၆ခုနှစ်မှာတော့ “THE PRIMARY SCHOOL”အမည်ရှိတဲ့ ပုဂ္ဂလိကပိုင် အမြတ်မရှာတဲ့ကျောင်းတစ်ခုကို ချန်က ဖွင့်လှစ်ခဲ့ပါတယ်။ အခုအချိန်မှာတော့ အဲဒီကျောင်းမှာ ကျောင်းသူကျောင်းသားပေါင်း ၂၅၀ဦး ပညာသင်ကြားနေကြပါတယ်။ ဒီကျောင်းပရောဂျက်မှာ သူ့ရဲ့ အပြင်းပြဆုံးဆန္ဒတွေဖြစ်တဲ့ ကျန်းမာရေး နဲ့ပညာရေး ပူးပေါင်းပါဝင်ထားပါတယ်။ ဒီကျောင်းမှာတက်ရောက်တဲ့ကလေးငယ်တွေဟာ ပညာသင်ရတဲ့အခွင့်အရေးအပြင်ကို စိတ်ကျန်းမာရေးအတွက်ရော ကိုယ်ကျန်းမာရေးအတွက်ပါ ပြုစုစောင့်ရှောက်မှုတွေ ရကြပါတယ်။

သူတို့ရဲ့ သမီးလေး မတ်စ် (Max) အတွက် ပိုမိုကောင်းမွန်တဲ့ ကမ္ဘာကြီး ဖြစ်စေချင်တဲ့ဆန္ဒကြောင့် သူလေးမွေးဖွားတဲ့နေမှာပဲ CZI ကို စတင် တည်ထောင်ပြီလို့ ကြေညာချက် ထုတ်ပြန်ခဲ့တာပါ။ အဲဒီစာထဲမှာတော့ "သမီးလေးကို ချစ်တဲ့စိတ်တစ်ခုထဲကြောင့် ကျွန်မတို့ဒီအဖွဲ့အစည်းကို ထောင်ခဲ့တာ မဟုတ်ပါဘူး။ နောင်လာမယ့် မျိုးဆက်သစ်ကလေးတွေအားလုံးအတွက်တာဝန်ရှိတယ်လို့ ကျွန်မတို့ခံယူထားလို့ပါ" လို့ ပြောကြားထားခဲ့ပါတယ်။

CZI အဖွဲ့အစည်းဟာ Facebook က လုပ်နေတာတွေကို ဖာထေးမိစေဖို့အတွက် လူမြင်ကောင်းအောင်ပဲတည်ထောင်ထားတာလို့ အမနာပ ပြောသူတွေရှိနေပေမဲ့လည်း ချန်ကတော့ “ကျွန်မ ဒီလိုပရောဂျက်မျိုးလုပ်ချင်ခဲ့တာက မတ်ဇူကာဘတ်ကို မတွေ့ခင်၊ Facebook ကို စမတည်ထောင်ခင်ကတည်းကပါ။ CZI နဲ့ လူတွေကို ကူညီနိုင်တဲ့အခွင့်အရေးက အရမ်းများတယ်လို့ ကျွန်မထင်တယ်။ ပညာရေးအရရော ကျန်းမာရေးအရရောပေါ့”။ ချန်ဟာ အခုလောလောဆယ်မှာတော့ သူလိုချင်တဲ့ပန်းတိုင်ကိုရောက်ဖို့ ခရီးဝေးနေသေးပေမဲ့လည်း မဆုတ်မနစ်တဲ့ဇွဲနဲ့ကြိုးစားသွားဖို့ စိတ်ပိုင်းဖြတ်ထားပါတယ်။ အခုလို မွန်မြတ်တဲ့စိတ်ထားနဲ့ တစ်ကမ္ဘာလုံးအကျိုးအတွက် ရည်မှန်းပြီးကြိုးစားနေတဲ့ ချန်ရဲ့စိတ်ထားက အတုယူစရာပါ။ ရိုးရာလေး ပရိသတ်တွေကကော သူလုပ်နေတဲ့အစီအစဉ်က အောင်မြင်လာနိုင်မယ်လို့ ထင်မိပါသလား။

Ref: CNN Business “Priscilla Chan’s $61 billion mission to help the next genetation”Elsa (ရိုးရာလေး)