ကမ္ဘာတဝှမ်းက အကြမ်းဖက်ခံမိန်းမသားများနဲ့ စိုးရွံ့ဖွယ်ရာ ကလေးငယ်တို့ရဲ့အနာဂတ်

အယ်ဒီတာ့အာဘော်ကဏ္ဍ (3.12.2018)

ယခုတစ်ပတ်ကနေစတင်ပြီး အပတ်စဉ်တနင်္လာနေ့တိုင်းမှာ အယ်ဒီတာ့အာဘော်ကဏ္ဍကို ရိုးရာလေးရဲ့စာဖတ်ပရိသတ်တွေအတွက် အသစ်ထပ်မံထည့်သွင်းပြီး တင်ဆက်ပေးသွားတော့မှာဖြစ်ပါတယ်။ မျက်မှောက်ကာလမှာဖြစ်ပျက်နေတဲ့အကြောင်းအရာ အဖြစ်သနစ်တွေအပေါ်အခြေခံပြီး အယ်ဒီတာအဖွဲ့က တွေးမြင် သုံးသပ်ကာ ရေးသားတင်ဆက်သွားမယ့်ကဏ္ဍဖြစ်လို့ စောင့်မျှော်အားပေးကြဖို့ ဖိတ်ခေါ်လိုက်ပါရစေခင်ဗျာ။ အခုစပြီးတင်ဆက်ပေးလိုက်တဲ့ ဆောင်းပါးကိုလည်း ဖတ်ရှု သုံးသပ်ကြည့်ပါဦး။

ပြီးခဲ့တဲ့ နိုဝင်ဘာ ၂၅ ရက်နေ့ကို 'အမျိုးသမီးများအပေါ် အကြမ်းဖက်မှုပပျောက်ရေးဆိုင်ရာ နိုင်ငံတကာနေ့' အဖြစ်သတ်မှတ်ပြီး ကမ္ဘာနဲ့အဝှမ်း အမျိုးသမီးနဲ့ မိန်းကလေး ငယ်တွေ အကြမ်းဖက်ခံရမှုပပျောက်ရေးအတွက် နိုဝင်ဘာ ၂၅ ရက်နေ့ကနေ ဒီဇင်ဘာ ၁ဝ ရက်နေ့အထိ ၁၆ ရက်တာလှုပ်ရှားမှုအဖြစ် နိုင်ငံအသီးသီး၊ အဖွဲ့အစည်းအသီးသီးအနေနဲ့ ဆောင်ရွက်နေကြတာကို တွေ့ရပါတယ်။

ကမ္ဘာ့ကုလသမဂ္ဂအပါအဝင် နိုင်ငံအသီးသီး၊ အဖွဲ့အစည်းအသီးသီးအနေနဲ့ အမျိုးသမီးတွေနဲ့ ကလေးသူငယ်ဆိုင်ရာအခွင့်အရေးတွေအတွက် လှုပ်ရှားတောင်းဆိုနေတဲ့ကြား ကနေပဲ ကမ္ဘာနဲ့အဝှမ်း အမျိုးသမီးတွေအပေါ် အကြမ်းဖက်မှုနဲ့ လိင်ပိုင်းဆိုင်ရာ ခြိမ်းခြောက်စော်ကားမှုတွေလည်း များသည်ထက်များလာနေတာကို တွေ့ရပြန်ပါတယ်။

ကုလသမဂ္ဂ မူးယစ်ဆေးဝါးနဲ့ ရာဇဝတ်မှုထိန်းချုပ်ရေးဆိုင်ရာအဖွဲ့ကနေ နောက်ဆုံးထုတ်ပြန်လိုက်တဲ့စာရင်းအရ ကမ္ဘာပေါ်မှာ ချစ်သူ/ခင်ပွန်း (သို့မဟုတ်) မိသားစုဝင်တွေရဲ့ ညှဉ်းပန်းနှိပ်စက်မှုကြောင့် တစ်နေ့ကို အမျိုးသမီး ၁၃၇ ဦး သေဆုံးနေရပြီး ပြီးခဲ့တဲ့ ၂ဝ၁၇ ခု တစ်နှစ်တည်းမှာပဲ အမျိုးသမီးဦးရေ ၈၇,ဝဝဝ ခန့် အကြမ်းဖက်တိုက်ခိုက် သတ်ဖြတ်ခံခဲ့ရကြောင်း ဆိုထားပါတယ်။

စီးပွားရေး၊ ပညာရေး၊ လူမှုအရေးတို့မှာ အဘက်ဘက်က လိုအပ်ချက်တွေရှိနေဆဲဖြစ်တဲ့ မြန်မာနိုင်ငံအတွင်းမှာလည်း အမျိုးသမီးတွေအပေါ် အကြမ်းဖက်မှုတွေ ကျယ်ကျယ်ပြန့်ပြန့်ဖြစ်ပေါ်နေဆဲဖြစ်ပြီး ၂ဝ၁၆ မှာ အမှုပေါင်း ၇ဝဝ ကျော်၊ ၂ဝ၁၇ မှာ အမှုပေါင်း ၈ဝဝ ကျော်၊ ၂ဝ၁၈ နှစ်ကုန်ပိုင်းအချိန်ထိ အမှုပေါင်း ၁ဝဝဝ ကျော်ထိ ရှိနေတာကို စိုးရိမ်ဖွယ်ရာ တွေ့ရပါတယ်။

အထူးသဖြင့် အရွယ်မရောက်သေးတဲ့ မိန်းကလေးငယ်တွေအပေါ် လိင်ပိုင်းဆိုင်ရာစော်ကားမှု၊ အနိုင်ကျင့်နှိပ်စက်မှု၊ လူသတ်မုဒိမ်းမှုတွေက မြန်မာ့လူ့အဖွဲ့အစည်းအတွက် စက်ဆုပ်ဖွယ်ရာတွေအဖြစ် ရှိနေပါတယ်။ မြန်မာနိုင်ငံရဲတပ်ဖွဲ့ရဲ့စာရင်းအရ ၂ဝ၁၈ ခုနှစ်အတွင်း သက်ငယ်မုဒိမ်းမှု ၈၃၈ မှုအထိ ရှိနေခဲ့ပြီး ကလေးငယ်တွေအပေါ် လက်တွေ့ကျကျ ကာကွယ်စောင့်ရှောက်မှုတွေပြုလုပ်ပေးနိုင်ဖို့ လိုအပ်နေဆဲဖြစ်ပါတယ်။

ကမ္ဘာနဲ့အဝှမ်းမှာ အမျိုးသမီးတွေအကြမ်းဖက်ခံရမှုပပျောက်ရေးလှုပ်ရှားမှုတွေနဲ့အတူ ဆင်းရဲချို့တဲ့မှုရဲ့သားကောင်တွေအဖြစ် ဆက်ရှိနေသေးတဲ့ ကလေးငယ်တွေရဲ့ အနာဂတ်အတွက် စိတ်ပိုင်းဆိုင်ရာလုံခြုံမှု၊ ရုပ်ပိုင်းဆိုင်ရာလုံခြုံမှုတွေ အပြည့်အဝပေးနိုင်ဖို့အရေး လူမှုအသိုက်အဝန်းတစ်ခုလုံးအနေနဲ့ အလေးထား စဉ်းစား ဆောင်ရွက်သွားဖို့လိုအပ်ပါကြောင်း ရိုးရာလေးက တင်ပြအပ်ပါတယ်။

Team (ရိုးရာလေး)