စည်းကမ်း၊ အသိအားနည်းမှုနဲ့ အမှိုက်ပြဿနာ

မကြာသေးခင်ရက်ပိုင်းတုန်းက ရန်ကုန်မြို့တွင်းမှာရှိနေတဲ့ နောက်ဖေးလမ်းကြားပန်းဥယျာဉ်တချို့ ပြန်ပြီးပျက်စီးယိုယွင်းလာတဲ့အကြောင်းကို လူမှုကွန်ရက်ပေါ်ကတစ်ဆင့် တွေ့မိခဲ့ပါတယ်။ ဖော်ပြထားတဲ့ဓာတ်ပုံတွေထဲမှာလည်း အမှိုက်မျိုးစုံဗရပွနဲ့ အလှဆင်ပစ္စည်းတွေလည်း ပျက်စီးယိုယွင်းနေပြီဖြစ်တဲ့ နောက်ဖေးလမ်းဥယျာဉ်တွေရဲ့ မြင်ကွင်းကို စိတ်မကောင်းဖွယ်ရာ မြင်တွေ့ရပါတယ်။ သာယာနေပျော်ဖွယ်ဖြစ်ဖို့ ဖန်တီးပေးမှုတစ်ခုကို တန်ဖိုးထား ထိန်းသိမ်းဖို့အသာထားလို့ အခုလို အခြေအနေဖြစ်သွားရအောင် အဆင်ခြင်မဲ့လုပ်ကြသူတွေကို အတော်လေးအံ့ဩမိပါတယ်။

"ကွမ်းတံတွေးမထွေးရ"၊ "အမှိုက်မပစ်ရ"၊ " ဆေးလိပ်မသောက်ရ" ဆိုတဲ့ စာသားမျိုးတွေကို ကျွန်တော်တို့ နေရာတော်တော်များများမှာ တွေ့ဖူးကြမှာပါ။ ကြုံရာနေရာ အမှိုက်ပစ်မချဖို့၊ ကားပေါ်မှာ ဆေးလိပ်မသောက်ဖို့၊ လမ်းမပေါ်ကွမ်းတံတွေးမထွေးဖို့ ဆိုတာတွေက မပြောဘဲသိနေရမယ့် အခြေခံစည်းကမ်းတွေဖြစ်ပါတယ်။ သူသူငါငါ တွေးမိလေ့ရှိတတ်တဲ့ "ငါအမှိုက်လေးတစ်စချလိုက်တာနဲ့ပဲ တစ်နိုင်ငံလုံး မညစ်ပတ်သွားနိုင်ပါဘူး" ဆိုတဲ့ အဆင်ခြင်မဲ့အတွေးမျိုးတော့ မတွေးသင့်ပါဘူး။ နေရာအနှံ့မှာ မြင်တွေ့နေရလေ့ရှိတဲ့ မသတီစရာအမှိုက်သရိုက်တွေဟာ ဒီလိုအတွေးမျိုးရှိသူတွေဆီကပဲ လာခဲ့တာ ဖြစ်ပါတယ်။ လမ်းသွားရင်း၊ ကားစီးရင်းနဲ့ လမ်းပေါ်ကို ဖြတ်ခနဲ အမှိုက်ပစ်ချ၊ ကွမ်းတံတွေးထွေးချသွားသူတွေ၊ နောက်ဖေးလမ်းထဲ အမှိုက်အိတ်ပစ်ချတဲ့သူတွေကိုလည်း နေ့စဉ်နဲ့အမျှ စိတ်မသက်သာဖွယ် တွေ့နေရဆဲပါ။

အမှိုက်ဆိုတာဟာ အသုံးမလိုတော့လို့ စွန့်ပစ်လိုက်တဲ့ပစ္စည်းတွေဖြစ်ပြီး လူဦးရေများရင်များသလောက် အမှိုက်လည်း များလာတတ်ပါတယ်။ များပြားလာတဲ့ အမှိုက်တွေကို စနစ်တကျစွန့်ပစ်တတ်ဖို့လိုပြီး စည်းကမ်းမဲ့စွန့်ပစ်ခဲ့ရင် ကိုယ့်ပတ်ဝန်းကျင်ပဲ ညစ်ညမ်းပျက်စီးရတာပါ။ အမှိုက်ကို စည်းကမ်းတကျစွန့်ပစ်တဲ့နေရာမှာလည်း လူကသာ ပဓာနဖြစ်ပါတယ်။ စီမံခန့်ခွဲမှုနဲ့ စနစ်တွေ ဘယ်လောက်ပဲ အဆင့်မြင့်ကောင်းမွန်နေတယ်ဆိုဆို လူတွေရဲ့စည်းကမ်းလိုက်နာမှုနဲ့ အသိစိတ်ဓာတ်ရှိမှု အားနည်းနေသမျှ ဘယ်လိုမှ သန့်ရှင်းသပ်ရပ်လာနိုင်မှာဟုတ်ပါဘူး။

လူတွေစည်းကမ်းမဲ့ရခြင်းရဲ့ အခြေခံအကြောင်းရင်းနှစ်ချက်ရှိတယ်လို့ ဆရာကြီး ဒဂုန်တာရာက သူ့ရဲ့ ခရီးသွားဆောင်းပါးတစ်ခုမှာ ရေးခဲ့ဖူးပြီး ပထမအကြောင်းရင်းက ဆင်းရဲနွမ်းပါးတာကြောင့်၊ ဒုတိယအကြောင်းရင်းကတော့ အသိပညာနွမ်းပါးတာကြောင့်လို့ သူ့အမြင်ကို ဖော်ပြထားပါတယ်။ ဆင်းရဲနွမ်းပါးတဲ့အခါ စားဝတ်နေရေးအတွက်ပဲ ဦးစားပေးတွေးတောကြတာကြောင့် စည်းမျဉ်းစည်းကမ်းဆိုတာကို ထည့်တွက်လိုက်နာဖို့ အလှမ်းဝေးသွားပြီး အသိပညာနွမ်းပါးတဲ့အခါမှာတော့ လုပ်သင့်၊ မလုပ်သင့်ကို မဆင်ခြင်၊ ကိုယ့်လုပ်ရပ်ရဲ့ အကျိုးအပြစ်ကို မတွက်ဆတာကြောင့် စည်းမျဉ်းတွေကို သိမြင်နေလျက်နဲ့ မလိုက်နာတာ ဖြစ်ပါတယ်။ ပထမအကြောင်းရင်းကြောင့် စည်းကမ်းမဲ့မှုကို နားလည်ပေးလို့ရကောင်းရနိုင်ပေမဲ့ ဒုတိယအကြောင်းရင်းကြောင့် စည်းကမ်းမဲ့မှုကို လက်ခံနားလည်ပေးဖို့ကတော့ ဘယ်လိုမှ မဖြစ်နိုင်ပါဘူး။

သာယာဖွံ့ဖြိုးတဲ့ပတ်ဝန်းကျင်တစ်ခုကိုဖန်တီးနိုင်ဖို့ တစ်ဦးချင်း၊ တစ်ယောက်ချင်းစီက အသိရှိ၊ စည်းကမ်းရှိသင့်ပါတယ်။ ဒီအတွက် ကျွန်တော်တို့အနေနဲ့ အခြေခံအကျဆုံးဖြစ်တဲ့ အမှိုက်ပစ်ခြင်းလိုအလေ့အထကစလို့ ပြုပြင်ပြောင်းလဲကြရမှာပါ။ ဒီနေရာမှာ "နှမ်းတစ်စေ့တည်းနဲ့ ဆီမဖြစ်နိုင်ပါဘူး" လို့ တွေးကောင်းတွေးမိနိုင်ပေမဲ့လည်း ဆီဖြစ်နိုင်တဲ့နှမ်းစေ့လေးတွေ စုပေါင်းလိုက်ရင် သေချာပေါက် ဆီဖြစ်လာမယ် ဆိုတာကိုတော့ ထည့်စဉ်းစားဖို့လိုပါတယ်။ ခေတ်မီ တိုးတက် ဖွံ့ဖြိုးတဲ့နိုင်ငံတစ်နိုင်ငံဖြစ်အောင် ဖန်တီးတည်ဆောက်ရာမှာလည်း နိုင်ငံသားတစ်ဦးတစ်ယောက်ချင်းစီရဲ့ တတ်သိနားလည်မှု ဥာဏ်ပညာစွမ်းတွေအပြင် စည်းကမ်းစနစ်ကျနမှုဟာ အရေးပါတဲ့အချက်ဖြစ်နေတာကြောင့် နိုင်ငံသားတိုင်းအနေနဲ့ စည်းကမ်းတကျအမှိုက်စွန့်ပစ်သိမ်းဆည်းခြင်းလို အခြေခံအလေ့အထမျိုးကအစပြုပြီး အလေ့အထကောင်းများစွာ ရရှိစွဲမြဲလာအောင် အလေးထားကျင့်ကြံသင့်ပါကြောင်း ရိုးရာလေးက အကြံပြုတိုက်တွန်းအပ်ပါတယ်။

Team (ရိုးရာလေး)