ဘုရင်ကြီးအတွက် အကောင်းဆုံး ပုံတူပန်းချီကား

တစ်ခါက စစ်ရေးကျွမ်းကျင်ထက်မြက်ပြီး တိုင်းပြည်ကို အေးချမ်းစွာအုပ်ချုပ်နေတဲ့ ဘုရင်တစ်ပါးရှိပါတယ်။ သူဟာ စစ်ပွဲများစွာကို အောင်မြင်စွာတိုက်ခိုက်အနိင်ယူခဲ့ပြီး ငြိမ်ဝပ်ပိပြားနေအောင် အုပ်ချုပ်လျက်ရှိပါတယ်။ တစ်ခါမှာတော့ ဘုရင်ကြီးဟာ တိုင်းပြည်အတွက် အသက်ကိုစွန့်ပြီးတိုက်ပွဲဝင်ရင်း ကံမကောင်းစွာနဲ့ ဒဏ်ရာအပြင်းအထန်ရရှိခဲ့ပါတယ်။ နန်းတွင်းသမားတော်ကြီးတွေက ဘုရင်ကြီးရဲ့ဒဏ်ရာကို အစွမ်းကုန်ကြိုးစားကုသပေမဲ့လည်း ဒဏ်ရာကပြင်းထန်တာကြောင့် မျက်စိတစ်ဖက်နဲ့ခြေထောက်တစ်ဖက်ကို ဆုံးရှုံးလိုက်ရပါတယ်။

ဒီလိုနဲ့ တစ်နေ့မှာတော့ ဘုရင်ကြီးဟာ ရှေးအရင်ကဘုရင်တွေရဲ့ ပုံတူပန်းချီကားတွေကိုကြည့်ရင်း သူ့ရဲ့ပုံတူပန်းချီကားကိုလည်း ဆွဲလိုတဲ့စိတ်ဆန္ဒပေါ်လာခဲ့တာကြောင့် တိုင်းပြည်အတွင်းမှာရှိတဲ့ အတော်ဆုံးပန်းချီဆရာတွေကို နန်းတော်ဆီ ဆင့်ခေါ်စေခဲ့ပါတယ်။

တိုင်းပြည်အတွင်းက အတော်ဆုံး၊ အကောင်းဆုံး ပန်းချီဆရာတွေအားလုံး နန်းတော်ထဲကိုရောက်လာကြတဲ့အခါ ဘုရင်ကြီးက အခုလို မိန့်လိုက်ပါတယ်။ "ငါကိုယ်တော် ပုံတူပန်းချီကားတစ်ချပ် ဆွဲလိုတယ်။ ဘယ်သူကများ ငါကိုယ်တော်စိတ်ကျေနပ်အောင် အကောင်းဆုံးရေးဆွဲပေးနိင်မလဲ။ ဆုတော်ငွေလည်း ထိုက်တန်အောင် ချီးမြှင့်ပေးမယ် " လို့မိန့်ကြားလိုက်ပါတယ်။

အဲဒီအခါ အားလုံးသော ပန်းချီဆရာတွေဟာ ဘုရင်ကြီးရဲ့ ပုံတူပန်းချီကိုဆွဲဖို့ အချင်းချင်းတိုင်ပင်ကြပါတော့တယ်။ ဘုရင်ကြီးဟာ မျက်စိတစ်လုံးနဲ့ခြေထောက်တစ်ဖက်ဆုံးရှုံးထားရတာကြောင့် ပုံတူပန်းချီကားဆွဲရာမှာ ဘယ်လိုမျိုးဆွဲရမလဲဆိုတာ ပန်းချီဆရာတွေအားလုံး အကျပ်ရိုက်နေပါတော့တယ်။ မျက်လုံးတစ်ဖက်နဲ့ ခြေထောက်တစ်ဖက်သာပါဝင်တဲ့ ပန်းချီကားကို ဘုရင်ကြီးက သဘောမကျပဲ အမျက်ဒေါသထွက်ပြီး အပြစ်ဒဏ်ပေးခံရမှာကြောက်ရွံတာကြောင့် ပန်းချီဆရာတွေအားလုံးဟာ ဘယ်သူမှတာဝန်ယူပြီးမရေးဆွဲလိုကြပါဘူး။

အားလုံးအကျပ်ရိုက်နေတုန်းမှာပဲ ပန်းချီဆရာ လူငယ်လေးတစ်ဦးက " ကျွန်တော်မျိုး အရှင့်အတွက် အကောင်းဆုံး ပုံတူပန်ချီးကားတစ်ချပ်ကို ရေးဆွဲပေးပါ့မယ်"လို့ လျှောက်တင်လိုက်ပါတယ်။ အဲဒီအခါ ဘုရင်ကြီးက ကျေနပ်ဝမ်းမြောက်တော်မူပြီး ရေးဆွဲဖို့အတွက် လိုအပ်တဲ့ ပစ္စည်းတွေကိုယူဆောင်စေပြီး စတင်ဆွဲစေပါတယ်။

ကောင်လေးဟာ နာရီပေါင်းများစွာ စိတ်ရှည်ရှည်နဲ့ ဘုရင်ကြီးရဲ့ ပုံတူပန်းချီကားကို ဆွဲပြီးတဲ့နောက်မှာတော့ အချောသတ်ပြီးစီးသွားပါတော့တယ်။ ဘုရင်ကြီးက " ငါကိုယ်တော်ရဲ့ ပုံတူပန်းချီကား ဆွဲတာပြီးသွားပြီလားကွယ့်" လို့မေးမြန်းတဲ့အခါ ကောင်လေးက " ပြီးစီးတော်မူပါပြီ အရှင်။ ကျွန်တော်မျိုး အရှင့်အတွက် အကောင်းဆုံးဖြစ်အောင်ကြိုးစားပြီး ရေးဆွဲထားပါတယ်" လို့လျှောက်တင်ပြီး သူရေးဆွဲထားတဲ့ ပန်းချီကားကြီးကို ဘုရင်ကြီးအားပြသလိုက်ပါတယ်။

ကောင်လေးရေးဆွဲထားတဲ့ ပန်းချီကားထဲမှာ ဘုရင်ကြီးဟာ မြင်းကိုစီးပြီး သားကောင်ကိုပစ်ဖို့ လေးနဲ့မြှားကိုကိုင်ကာ မျက်စိတစ်ဖက်ကိုမှိတ်ပြီးချိန်နေတဲ့ပုံကို သဘာဝကျစွာနဲ့ ရေးဆွဲထားတာဖြစ်ပါတယ်။ ဘုရင်ကြီးဟာ ကောင်လေးရေးဆွဲထားတဲ့ ပန်းချီကားလေးကိုကြည့်ပြီး လွန်စွာသဘောကျနှစ်သက်တာကြောင့် ဆုငွေအမြောက်အမြားချီးမြှင့်ပေးခဲ့ပါတယ်။

ဒီအကြောင်းအရာလေးကနေ ပေးချင်တဲ့အသိလေးတစ်ခုကတော့ ကိုယ့်ပတ်ဝန်းကျင်မှာရှိတဲ့ သူငယ်ချင်းမိတ်ဆွေတွေရဲ့ အပြစ်အနာဆာတွေ၊ အာနည်းချက်တွေကို လျစ်လျူရှုပေးပြီး အားသာချက်တွေကို ဖော်ထုတ်ပေးသင့်ပါတယ်။ အဆိုးမြင်အယူအဆတွေကို တတ်နိင်သလောက်လျော့ချပြီး အကောင်းအမြင်နဲ့ကြည့်ရှုမယ်၊ အပြုသဘောဆောင်တဲ့ ကောင်းတာတွေလုပ်မယ်ဆိုရင်တော့ အရာရာတိုင်းက လှပလို့နေမှာပဲဖြစ်ပါတယ်။

Ref: "Perfect Portrait"

Paradise (ရိုးရာလေး)