နားထောင်ခြင်းအလေ့အကျင့်ကောင်း

listen.jpg

တစ်စုံတစ်ယောက် စကားပြောနေတဲ့အခါ သေချာအာရုံစိုက်ပြီး နားထောင်တတ်ဖို့က အလွန်အရေးကြီးပါတယ်။လုပ်ငန်းနယ်ပယ်အသီးသီးမှာ အောင်မြင်နေတဲ့သူတွေဟာ အခြားလူရဲ့စကားကို အလေးထား နားထောင်တတ်ကြသူတွေချည်းဖြစ်ပါတယ်။ နားထောင်ရာမှာ ကျွမ်းကျင်လိမ္မာကြသူတွေပါပဲ။

(၉၀) ရာခိုင်နူန်းသောသူတွေက နားထောင်ခြင်းထက် ကိုယ်တိုင်ပြောဖို့ပဲ အားသန်ကြတာပါ။ နားထောင်ပေးခြင်းနဲ့ လူ (၂) ဦးကြား ယုံကြည်မှုကိုတည်ဆောက်နိုင်ပါတယ်။ ယုံကြည်မှုဆိုတာ ဆက်ဆံရေးကောင်းမွန်စေခြင်းရဲ့ သော့ချက်ပါပဲ။ ဆက်ဆံရေးကောင်းမွန်ခြင်းကလည်း အောင်မြင်မှုရဲ့ သော့ချက်ပဲ ဖြစ်ပါတယ်။

လူတစ်ယောက်ရဲ့ ပြောစကားကို အသေအချာာနားထောင်ပေးတာက “မင်းကို ငါလေးစားပါတယ်၊ ယုံကြည်ပါတယ်၊ မင်းဟာ ငါ့အတွက် အရေးကြီးတဲ့သူပါ၊ မင်းကို ငါနားလည်ပါတယ်” ဆိုတဲ့ အချက်တွေကို ပါးစပ်က ဖွင့်မပြောဘဲ သိသာစေပါတယ်။

နားထောင်ပေးခြင်းနဲ့ပဲ ကိုယ်လိုချင်တဲ့သတင်းအချက်အလက်တွေကို ရနိုင်ပါသေးတယ်။ အပြန်အလှန်သဘောအရ မိမိပြောဆိုတာတွေကိုလည်း အဲဒီလူက ပြန်ပြီး နားလည်လက်ခံပေးနိုင်မှာဖြစ်ပါတယ်။

အထူးသဖြင့် ဆယ်ကျော်သက်အရွယ်သားသမီးတွေနဲ့ ဆက်ဆံတဲ့အခါ ကိုယ်ဘက်ကချည်း ပြောဆို ဆုံးမမနေဘဲ သူတို့ ပြောပြတာတွေ၊ ခံစားချက်တွေကို စိတ်ရှည်ရှည်နားထောင်ပေးသင့်ပါတယ်။ ဒါမှသာ သားသမီးနဲ့ မိဘကြားမှာ နားလည်မှုတိုးတက်လာပြီး အုပ်ထိန်းရလွယ်ကူနိုင်မှာပါ။

ဒါကြောင့် သာမန်ကြည့်ရင် အရေးမကြီးဘူးလို့ထင်ရတဲ့ နားထောင်ခြင်းအကျင့်ကောင်းနဲ့ နေ့စဉ်လုပ်ငန်းတွေကို တိုးတက်အောင်မြင်စေနိုင်ကြောင်း ရည်ရွယ်မျှဝေလိုက်ရပါတယ်။

Team (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top