နိုင်ငံတကာပရိသတ်တွေရော မြန်မာပရိသတ်တွေပါ အားကျရတဲ့ ထိုင်းမင်းသားချော Mark Prin နဲ့ မင်းသမီးချော Kimmy Kimberley တို့စုံတွဲဟာ ချစ်သူသက်တမ်း ၉ နှစ်ကျော်အကြာ ဩဂုတ် ၂၆ ရက်နေ့မှာ စေ့စပ်လိုက်ကြတာပါ။ စေ့စပ်ပွဲဓာတ်ပုံတွေကို သူတို့ရဲ့တရားဝင်အင်စတာဂရမ်အကောင့်တွေမှာ အဓိပ္ပာယ်ရှိတဲ့စာသားလေးတွေနဲ့ တင်ပေးခဲ့ပါသေးတယ်။
မင်းသမီးချော Kimmy Kimberley က ကြည်နူးစရာဓာတ်ပုံများစွာကို “ကျွန်မတို့ရဲ့ဘဝစာမျက်နှာအသစ် စတင်လိုက်သလိုပါပဲ”ဆိုတဲ့စာသားနဲ့ တင်ခဲ့တာပါ။ နောက်ထပ်ပို့စ်တစ်ခုမှာကျတော့ “ကျွန်မရဲ့နှလုံးသားလေးက ချစ်ခြင်းမေတ္တာတွေနဲ့အပြည့်ပါပဲ။ ကျွန်မရဲ့နှလုံးသားကို ထာဝရပေးလိုက်ပြီး မင်းက တစ်ဦးတည်းသောသူပါ”တဲ့။
မင်းသားချော Mark Prin ကလည်း သူ့ချစ်ဇနီးလောင်းလေးလိုပဲ “ကျွန်တော့်ရဲ့နှလုံးသားကို ထာဝရပေးလိုက်ပြီ မင်းက တစ်ဦးတည်းသောသူပါ”ဆိုတဲ့စာသားလေးနဲ့ ဓာတ်ပုံတွေ တင်ခဲ့တာပါ။ ထိုင်းနာမည်ကြီးအနုပညာရှင်တွေကလည်း သူတို့နှစ်ဦးအတွက် ဂုဏ်ပြုစကားဆိုခဲ့ကြပါတယ်။
Mark Prin က Kimmy ကို ပြီးခဲ့နှစ် ဧပြီ ၁၇ ရက်နေ့က ဆွစ်ဇလန်နိုင်ငံမှာ ရိုမန်တစ်ဆန်ဆန်လက်ထပ်ခွင့်တောင်းခဲ့တာပါ။ လက်ထပ်ပွဲကို ထိုင်းနိုင်ငံမှာရော ပြည်ပမှာပါ ပြလုပ်သွားမှာပါ။ သူတို့စုံတွဲဟာ ၂၀၂၃ ခုနှစ် စက်တင်ဘာ ၁၄ ရက်နေ့မှာတော့ အီတလီမှာ လက်ထပ်ကြတော့မှာပါ။
Ref: Mark Prin And Kimmy Kimberley Shared Their Beautiful Engagement Photos With Meaningful Caption
WL (ရိုးရာလေး)
