လူငယ် စာပေပညာရှင်များကို ဖိတ်ခေါ်နေတဲ့ PEN Myanmar

penmm-large.png

နိုင်ငံပေါင်း ၁၅၀ ကျော်ပါဝင်ထားတဲ့ PEN International ရဲ့ အဖွဲ့ဝင်အဖြစ် PEN Myanmar ဟာ ယခုအချိန်မှာ နိုင်ငံတကာ စာပေပညာရှင်များနဲ့ မြန်မာစာပေ ပညာရှင်များကို ထိရောက်စွာ ချိတ်ဆက်ပေးနိုင် နေပြီဖြစ်ပါတယ်။

PEN Myanmar ရဲ့ နှစ်ပတ်လည် Conference ကို 2015 December 5 ရက်နေ့က ကျင်းပခဲ့ပြီး ရသတံတား၊ ရသအစုန်အဆန်၊ ရသညနေခင်း စတဲ့ စာပေဆိုင်ရာလှုပ်ရှားဆောင်ရွက်မှုများနဲ့ ပတ်သက်ပြီး သတင်းထုတ်ပြန်ခဲ့ပါတယ်။

ရသတံတားအစီအစဉ်ဟာ မြန်မာနိုင်ငံတဝှမ်းမှ ဘာသာပြန်စာပေစိတ်ဝင်စားသူပညာရှင်များ၊ဝါသနာရှင်များ၊ရွက်ပုန်းသီးများ ကိုမြေတောင်မြှောက်ပေးဖို့ အတွက်ရွေးချယ်တဲ့ အစီအစဉ်ဖြစ်ပြီး ၂၀၁၅ မေလမှာ ပထမအကြိမ်အလုပ်ရုံဆွေးနွေးပွဲပြုလုပ်ခဲ့ပါတယ်။ ထိုဆွေးနွေးပွဲမှ ဘာသာပြန်စာပေဝါသနာရှင် ၂၀ ဦး (မြန်မာ- အင်္ဂလိပ် ၁၀ ဦး၊ အင်္ဂလိပ်-မြန်မာ ၁၀ဦး) ကို ရွေးချယ်ပျိုးထောင်ပေးနိုင်ခဲ့ပါတယ်။

၂၀၁၆ ခုနှစ်အတွက် ဘာသာပြန်စာပေဝါသနာရှင် ၄၀ ဦး (မြန်မာ- အင်္ဂလိပ် ၂၀ ဦး၊ အင်္ဂလိပ်-မြန်မာ ၂၀ဦး) ကိုရွေးချယ်ဖို့ လျာထားပြီး ရွေးချယ်ခံရသူများမှာ ရန်ကုန်သို့ လာရောက်ပြီး စာပေပွဲတော်ကို တက်ရမှာဖြစ်ပါတယ်။ နာမည်ကြီးစာရေးဆရာများ၊ ထုတ်ဝေသူများ၊ အယ်ဒီတာများ စတဲ့စာနယ်ဇင်းသမားများနဲ့တွေ့ဆုံရမယ့် ဒီပွဲကို ၂၀၁၆ မေလတွင်ကျင်းပမှာဖြစ်ပြီး ထိုပွဲကိုတက်ရောက်နိုင်မယ့်သူများကိုရွေးချယ်မယ့် ဘာသာပြန်စာမူပြိုင်ပွဲကိုတော့ ၂၀၁၆ ဖေဖော်ဝါရီလ လောက်မှာ စတင်လျှောက်လွှာခေါ်ယူမယ်လို့ သတင်းရရှိပါတယ်။

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top