ဖုန်းတစ်လုံးဝယ်မယ်ဆို ဘယ်လိုအချက်တွေကို စစ်ဆေးဖို့လိုအပ်မလဲ

ရိုးရာလေးပရိတ်သတ်ကြီးရေ ဖုန်းအသစ်တစ်လုံးဝယ်ဖို့ စဉ်းစားနေပြီလား။ ဘယ်ဖုန်းအမျိုးအစားကို သဘောကျနေမိပြီလဲ။ ဝယ်ဖို့ကြံနေတဲ့ဖုန်းအမျိုးအစားက ကိုယ့်လိုအပ်ချက်နဲ့ တကယ်ကိုက်ရဲ့လားဆိုတာရော စစ်ကြည့်ပြီးပြီလား။ ဒီနေ့မှာတော့ ဖုန်းအသစ်မဝယ်ခင် စစ်ကြည့်သင့်တဲ့အချက်လေးတွေကို ပြောပြပေးမှာမို့ ဖတ်ကြည့်လိုက်ပါဦးနော်။

ဖုန်းတစ်လုံး ဝယ်ဖို့ဆိုရင်တော့ အဓိကအနေနဲ့ အချက် ၆ ချက်ကို မဖြစ်မနေ အရင်ကြည့်ရပါမယ်။ ဒီအချက်တွေကတော့ မျက်နှာပြင်အမျိုးအစား၊ ဘထ္ထရီ၊ သိုလှောင်မှုပမာဏ၊ RAM၊ ထုတ်လုပ်တဲ့ကုမ္ပဏီ နဲ့ ကင်မရာ တို့ပဲ ဖြစ်ပါတယ်။ ဒါတွေက ဖုန်းတစ်လုံးအတွက် အရေးပါတဲ့နေရာတွေမှာ ရပ်တည်နေပါတယ်။

ပထမဆုံးအနေနဲ့ ဖုန်းမျက်နှာပြင်အမျိုးအစားပါ။ မျက်နှာပြင်အမျိုးအစား မကောင်းရင် ရေရှည်သုံးဖို့ အဆင်မပြေနိုင်ပါဘူး။ မျက်လုံးထိခိုက်နိုင်ခြေလည်း ပိုများတဲ့အပြင် ဓာတ်ပုံတွေ၊ ဗီဒီယိုတွေ ကြည့်ရတာလည်း အဆင်မပြေပါဘူး။ ဂိမ်းဆော့တဲ့သူတွေအတွက်လည်း အရည်အသွေးကောင်းတဲ့ မျက်နှာပြင်အမျိုးအစားကို လိုအပ်တာမို့ အရွယ်အစားနဲ့ အမျိုးအစားကို စစ်ဆေးဝယ်ယူသင့်ပါတယ်။ မျက်နှာပြင်အရွယ်အစားကြီးတဲ့ဖုန်းဝယ်မယ်ဆိုရင် 1920×1080p ထက် ရုပ်ထွက်အရည်အသွေးနိမ့်တာကို မရွေးသင့်ပါဘူး။

ဖုန်းတစ်လုံးအတွက် ဘထ္ထရီက သိပ်အရေးပါပါတယ်။ ဘထ္ထရီသိုလှောင်မှုပမာဏ နည်းတဲ့အခါ အားကုန်လွယ်ပြီး အလုပ်မတွင်နိုင်ပါဘူး။ အကယ်၍ ကိုယ်က တစ်နေကုန် သုံးနေတတ်တဲ့သူဆိုရင်တော့ သိုလှောင်မှုပမာဏများတာတင်မက အားသွင်းမြန်တာကိုပါ ရွေးသင့်ပါတယ်။ ခုနောက်ပိုင်း ဖုန်းတွေမှာ fast charging စနစ် ပါဝင်လာပြီး ၅ မိနစ်လောက်ကနေ နာရီဝက်အတွင်း အားပြန်ပြည့်တာမျိုးတွေ ပါလာပါပြီ။

သိုလှောင်မှုပမာဏကတော့ ကျွန်တော်တို့အတွက် အရေးပါဆုံးလို့တောင် ပြောလို့ရလောက်ပါတယ်။ ဓာတ်ပုံတွေ၊ ဗီဒီယိုတွေ၊ ဂိမ်းတွေ၊ တခြားဖိုင်တွေ အစရှိသဖြင့် မျိုးစုံကို တစ်နေရာထဲ သိမ်းဆည်းနိုင်ဖို့အတွက် သိုလှောင်မှုပမာဏများတဲ့ဖုန်းတစ်လုံးကတော့ မရှိမဖြစ်လိုတာပါပဲ။ iPhone အသုံးပြုသူတွေအတွက်ဆို သိုလှောင်မှုပမာဏက ပိုအရေးပါပါလိမ့်မယ်။ iOS အတွက် ထွက်ရှိတဲ့ အပ်ပလီကေးရှင်းတွေက တခြား OS တွေထက် ဖိုင်အရွယ်အစားကြီးတဲ့အတွက်ကြောင့်ပါ။

Random Access Memory (RAM) နည်းတဲ့ဖုန်းတစ်လုံးကက အလုပ်လုပ်ဆောင်မှု နှေးကွေးနိုင်ပါတယ်။ RAM ပမာဏနည်းတာက အလုပ်လုပ်ရတဲ့နေရာကျဉ်းတယ်ဆိုတဲ့သဘောနဲ့ ဆင်တူပါတယ်။ ခုနောက်ပိုင်းဖုန်းတွေမှာ RAM 2GB အောက် ရောက်နေရင် သိပ်အဆင်မပြေနိုင်ပါဘူး။

ထုတ်လုပ်တဲ့ကုမ္ပဏီကရော ဘာလို့စဉ်းစားရမယ့်အချက်ထဲ ပါဝင်နေရတာလဲ။ လုံခြုံရေးအတွက်ကြောင့်ပါ။ တချို့သောဖုန်းကုမ္ပဏီတွေက ထုတ်လုပ်တဲ့ဖုန်းတွေက အသုံးပြုသူတွေရဲ့ ကိုယ်ရေးကိုယ်တာအချက်အလက်တွေကို ဖုန်းကုမ္ပဏီကို ပြန်ပို့တဲ့အတွက်ကြောင့် လုံခြုံရေးပိုင်းမှာ စိတ်မချရပါဘူး။ ဒီနေ့အထိ ကြားသိထားရတဲ့သတင်းတွေအရတော့ Apple၊ Samsung၊ LG နဲ့ Sony တံဆိပ်တွေကတော့ ယုံကြည်လို့ရတယ်လို့ ဆိုပါတယ်။

ဒီနေ့ခေတ်မှာ ကင်မရာကို သတ်သတ်ကြီးဝယ်မနေကြတော့ဘဲ ဖုန်းကင်မရာကိုပဲ အလေးထားဝယ်ယူလာကြတာကို တွေ့ရပါတယ်။ နောက်ပိုင်းစမတ်ဖုန်းတွေကလည်း ကင်မရာကို ပိုကောင်းအောင် ပြုလုပ်လာတာမို့ ကင်မရာအရည်အသွေးကောင်းတဲ့အမျိုးအစားကို ဝယ်ယူဖို့က သိပ်မခက်ခဲတော့ပါဘူး။ ကိုယ်က ဓာတ်ပုံရိုက်ရတာကို ကြိုက်နှစ်သက်တဲ့သူဆိုရင်တော့ Budget ဖုန်းတွေမဝယ်ဘဲ ပိုက်ဆံနည်းနည်းပိုသုံးပြီး တခြားကင်မရာ ပိုကောင်းတဲ့ဖုန်းကိုဝယ်ဖို့ အကြံပြုချင်ပါတယ်။

အပေါ်ကအချက်တွေအပြင် ကိုယ်သဘောကျတဲ့ပုံစံတွေကိုလည်း ထည့်စဉ်းစားပြီး ရွေးချယ်နိုင်ပါသေးတယ်။ ဥပမာ - ကြိုးမဲ့အားသွင်းစနစ်၊ စတူဒီယိုစပီကာ၊ 5G/4G/3G၊ အရောင်၊ အစရှိသဖြင့်ပေါ့။ ကဲ ဒီလောက်ဆိုရင်တော့ ရိုးရာလေးပရိသတ်ကြီးတို့ ဖုန်းကောင်းကောင်းတစ်လုံးကို သေချာရွေးချယ်နိုင်လောက်မယ်လို့ ထင်ပါတယ်။

Scarlett (ရိုးရာလေး)