နောက်ထွက်လာမယ့် Xiaomi စမတ်ဖုန်းရဲ့ ဖန်သားပြင်ထဲမှာ လက်ဗွေဖတ်စနစ် ပါဝင်လာတော့မယ်

Vivo ဟာ ဖန်သားပြင်ထဲ ထည့်ထားတဲ့ လက်ဗွေဖတ်စနစ်ကို တချို့ဖုန်းတွေမှာ ထည့်သွင်းထားကာ အောင်မြင်ပြီးသားလည်း ဖြစ်ပါတယ်။

Vivo X20 Plus UD ထွက်ရှိပြီးတဲ့နောက် မကြာသေးမီကပဲ Vivo X21 UD ကို ကြေညာခဲ့ပါတယ်။

Samsung ကတော့ နှောင့်နှေးမှု တချို့ကြောင့် လူကြိုက်မများတာဖြစ်ပြီး Note 9 မှာလည်း ဒီနည်းပညာ ပါဝင်မလားဆိုတာ မသေချာပါဘူး။ လူတွေက နောက်ထပ် ဘယ် အမှတ်တံဆိပ် (brand) ကို သုံးရင်ကောင်းမလဲဆိုတာပဲ စိတ်ဝင်စားနေကြတာပါ။

Huawei Porsche Design Mate RS မှာ ဒီလို လက်ဗွေဖတ်စနစ်ကို ထည့်သွင်းထားတယ်လို့ ဆိုပါတယ်။

Xiaomi က နောက်ထပ် ထုတ်လုပ်မယ့် ဖုန်းမော်ဒယ်ကိုတော့ Mi 7 လို မဖြစ်စေဖို့ မျှော်လင့်ရပါတယ်။ ဖန်သားပြင်အောက်ထဲမှာ လက်ဗွေဖတ်စနစ်ပါဝင်တဲ့ ဖုန်းတစ်လုံးဖြစ်မယ်လို့လည်း ယုံကြည်နေကြပါတယ်။ Xiaomi က တန်ဖိုးမြင့် ဖုန်းတစ်လုံးဖြစ်တဲ့ Mi Mix 2S ကို ဖြန့်ချိပြီးသွားပြီ ဖြစ်ပြီး Mi 7 ဘယ်တော့ထွက်မယ်ဆိုတာနဲ့ အဟိုက် (Notch)ပါဝင်မလား ဆိုတာကလည်း စိတ်လှုပ်ရှားစရာ ဖြစ်နေပါတယ်။ ဖန်သားပြင်ထဲမှာ ထည့်သွင်းထားမယ့် အာရုံခံစနစ်က အဆင်သင့်မဖြစ်လောက်သေးပါဘူး။ လက်ဗွေဖတ်စနစ်ပါဝင်တဲ့ ဖုန်းမျိုးကို အသားပေးမှုမှာ Mi 7 ကို အရင်ထုတ်ဖို့ Xiaomi ဆုံးဖြတ်လိုက်တာ ဖြစ်နိုင်ပါတယ်။

Xiaomi ရဲ့ပထမ မူလပုံစံဟာ FPC နဲ့ Goodix တို့ကအာရုံခံစနစ်ကို အသုံးပြုထားတာဖြစ်ပြီး ဒုတိယအကြိမ် ထုတ်လုပ်တဲ့ ဖုန်းကိုတော့ Synaptics နဲ့ Goodix ရဲ့ လက်ဗွေစနစ်နှစ်ခုကို သုံးထားတာ ဖြစ်ပါတယ်။ ဒါဟာ စိတ်လှုပ်ရှားစရာကောင်းတဲ့ အဆင့်မြှင့်မွမ်းမံမှုဖြစ်ပြီး Xiaomi က ဘယ်အချိန်လောက်မှာ ဖြန့်ချိမိတ်ဆက်လာမလဲဆိုတာကို စောင့်ကြည့်ရမှာ ဖြစ်ပါတယ်။

Wint Wah (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top