အရွယ်နဲ့မလိုက်အောင် အရပ်ရှည်လွန်းတဲ့ ၁၃ နှစ်သား ကနေဒါ ဘတ်စကတ်ဘော ကစားသမားလေးဟာ လူမှုကွန်ရက်မှာ ထင်ပေါ်ကျော်ကြားလျက်ရှိပါတယ်။ ဂျရမီဂိုဟီယာဟာ အသက် ၁၃ နှစ်ပဲ ရှိသေးပေမဲ့ အရပ် ၇ ပေ၊ ၃ လက်မရှည်ပြီး NBA ကစားသမားတွေထက်တောင် အရပ်ပိုမြင့်နေတာကြောင့် သက်တူရွယ်တူ ကစားသမားတွေထက် သိသိသာသာ အသာစီးရနေပြီး သူ့ကို တားဆီးနိုင်သူ မရှိပါဘူး။
ဂျရမီဂိုဟီယာဟာ ဂျော့ဗနီယာအထက်တန်းကျောင်းရဲ့ Sport-Études ပရိုဂရမ်မှာ ပါဝင်နေသူဖြစ်ပြီး အလားအလာကောင်းတဲ့ ဘတ်စကတ်ဘော ကစားသမားတစ်ဦးအဖြစ် သတ်မှတ်ခံထားရသူပါ။ ဂိုဟီယာဟာ ကနေဒါနိုင်ငံ ကူဘတ်ပြည်နယ်မှာ နေထိုင်တဲ့ ဘတ်စကတ်ဘော ကြယ်ပွင့် အိုလီဗီယာရီယောက်နဲ့တောင် နှိုင်းယှဉ်ခံနေရပါတယ်။ အိုလီဗီယာရီယောက်ဟာ အသက် ၁၅ နှစ်အရွယ်မှာ ကမ္ဘာ့အရပ်အရှည်ဆုံး ဆယ်ကျော်သက်အဖြစ် မှတ်တမ်းဝင်သူဖြစ်ပြီး အရပ် ၇ ပေ၊ ၉ လက်မ မြင့်ပါတယ်။
ဒါပေမဲ့ ဂိုဟီယာအနေနဲ့ NBA ကစားသမားဖြစ်လာဖို့ ခရီးလမ်းကတော့ ရှည်လျားပြီး အဆင့်များစွာ ကျော်ဖြတ်ဖို့ ကျန်နေပါသေးတယ်။
Ref: 7’3″-Tall 13-Year-Old Basketball Phenom Becomes Internet Sensation
NZ ( ရိုးရာလေး)
