Category: Knowledge

အသက် ၂၅ နှစ်မပြည့်ခင်မှာ မီလီယံနာ ဖြစ်နေကြသူလေးများ

ကိုယ့်ရဲ့ဘဏ်အကောင့်မှာ အမေရိကန်ဒေါ်လာ ဂဏန်း ၇ လုံး (ဒေါ်လာ ၁ သန်း) လောက်ရှိနေရင်ကိုပဲ သင့်ဟာ ကြွယ်ဝသူတစ်ယောက်ဖြစ်နေပါပြီ။ အခုဒီမှာတော့ ဒီလိုကြွယ်ဝမှုမျိုးကို အသက် ၂၅ နှစ်မပြည့်ခင်မှာရရှိနေတဲ့ လူငယ် ၁၀ ယောက်ကို ရိုးရာလေး ပရိတ်သတ်ကြီးအတွက် ဖော်ပြပေးလိုက်ပါတယ်။

၁၀။ ရိုင်ယန် (ToysReview)
အသက် ၇ နှစ်

ရိုင်ယန်ဆိုတာကတော့ ကလေးကစားအရုပ်တွေကို ပြန်လည်သုံးသပ်တဲ့ ဗီဒီယိုလေးတွေ ရိုက်ကူးနေတဲ့ ကလေးတစ်ယောက်ပါ။ ရိုင်ယန်ရဲ့ Youtube Channel ဖြစ်တဲ့ Ryan ToysReview ဟာဆိုရင် ကမ္ဘာ့ပေါ်မှာ ဒုတိယလူကြည့်အများဆုံး Youtube Channel တစ်ခုဖြစ်ပြီး ဒီ Channel မှရတဲ့ ကြော်ငြာခတွေက တစ်လကို ဒေါ်လာ ၁ သန်းကျော်အထိရှိပါတယ်။

၉။ မက်တီဘီရက် (MattyBRaps)
အသက် ၁၄ နှစ်

အမေရိကန်အဆိုတော် တစ်ဦးဖြစ်ပြီး Youtube ပေါ်မှာ နာမည်ကြီးသီချင်းများကို Remix လုပ်ပြီး ပြန်တင်လေ့ရှိတဲ့ မက်တီဟာ လွန်ခဲ့တဲ့ ၇ နှစ်ခန့်က ဂီတလမ်းပေါ် စတင်လျှောက်ခဲ့တာ ဖြစ်ပြီး ၄ နှစ်အကြာမှာတော့ သူ့ရဲ့ Youtube Channel ကို ကြည့်ရှုမှုပေါင်း ၁ ဘီလီယံ အထိရှိခဲ့ပါတယ်။ နာမည်ရင်း မက်သရူးဒေးဗစ် မောရစ် (Matthew David Morris) ဟာ လည်း ကြော်ငြာခတွေနဲ့ သန်းချီ ချမ်းသာနေသူတစ်ယောက်လည်း ဖြစ်ပါတယ်။

၈။  ရက်စ် ဆေလ်ဖ် ဘယ်ဟာဆာ
အသက် = ၁၅ နှစ်

Youtube နဲ့ Instagram တို့မှာ ပိုက်ဆံရှိသူဌေးသားလေးဆိုပြီး လူသိများတဲ့ ဆေလ်ဖ် ဘယ်ဟာဆာ ဟာ  ဒေါ်လာ ၂.၁ ဘီလီယံခန့် ကြွယ်ဝတဲ့ ဒူဘိုင်း ဆောက်လုပ်ရေးလုပ်ငန်းရှင် တစ်ဦးရဲ့သားလည်းဖြစ်ပါတယ်။ ဘယ်ဟာဆာ ဟာ သူ့ရဲ့ ကားအမျိုးစားကောင်းများကို နှစ်သက်မှုကြောင့် နာမည်ကြီးပြီး သူ့မှာ ပြိုင်ကားအစုံရှိပေမဲ့ အသက်မပြည့်သေးတဲ့အတွက် ဒရိုင်ဘာလိုင်စင်တော့ မရသေးပါဘူး။

၇။ နစ် ဂျိုနာ
အသက် ၂၅ နှစ်

အမေရိကန်အဆိုတော်၊ သရုပ်ဆောင်၊ သီချင်းရေးဆရာ ဖြစ်တဲ့ နစ်ဂျိုနာဟာ ဂျိုနာ ညီအစ်ကို ၃ ယောက်တည်းက တစ်ယောက်ဖြစ်ပြီး အသက်ငယ်ငယ်ကတည်းက သရုပ်ဆောင်ခဲ့တာကြောင့် အနုပညာကြေးများနဲ့ ချမ်းသာနေသူတစ်ယောက်လည်း ဖြစ်ပါတယ်။

၆။ နစ် ဒီအဲလိုစီရို (Nick D’aloisio)
အသက် (၂၁) နှစ်

နစ် ဒီအဲလိုစီရို ဟာ သူတီထွင်ထားတဲ့ App တစ်ခုဖြစ်တဲ့ Summly ကြောင့် လူသိများလာသူတစ်ယောက်ဖြစ်ပြီး  Summly ဟာ သတင်းများနဲ့ ပွဲစဉ်အချိန်တွေအကြောင်းကို အကျဉ်းချုပ်ပေးထားပြီး အသုံးပြုသူတွေကို အချိန်ကုန်သက်သာစေရန် တီထွင်ထားတဲ့ App တစ်ခု ဖြစ်ပါတယ်။ ၁၉၉၅ ခုနှစ်ဖွားဖြစ်တဲ့ နစ် ဒီအဲလိုစီရို ဟာ ၂၀၁၃ ခုနှစ်မှာ သူတီထွင်ထားတဲ့ Summly App ကို Yahoo သို့ ဒေါ်လာ သန်း ၃၀ ခန့်နဲ့ ရောင်းချခဲ့တဲ့အတွက် အသက်အငယ်ဆုံး ကိုယ်ထူးကိုယ်ချွန်မီလီယံနာ တစ်ယောက် ဖြစ်လာခဲ့ပါတယ်။

၅။ ရီကို ရိုဒရီဂွက်ဇ်
အသက် ၁၉ နှစ်

ရီကိုဟာ အမေရိကန် သရုပ်ဆောင်တစ်ဦးဖြစ်ပြီး အသက် ၈ နှစ်အရွယ်ကတည်းက စတင် သရုပ်ဆောင်ခဲ့သူတစ်ယောက်ဖြစ်ပါတယ်။ အစပိုင်းမှာ ရုပ်ရှင်နည်းနည်းမှာပဲ သရုပ်ဆောင်ခဲ့တာ ဖြစ်ပေမဲ့ Modern Family ဆိုတဲ့ TV Show တစ်ခုမှာ အကြီးအကျယ် အောင်မြင်ခဲ့တဲ့အတွက် ငွေကြေးချမ်းသာတဲ့ ဆယ်ကျော်သက်တစ်ဦး အဖြစ်ရပ်တည်ခဲ့တာ ဖြစ်ပါတယ်။

၎။ တန်နာ ဖောက်
အသက် ၁၇ နှစ်

တန်နာ ဖောက် ဟာ ဆိုင်ကယ်အပေါ့စား စကူတာလေးများကို စီးနင်းပြတဲ့ ဗီဒီယိုတွေကြောင့် Youtube မှာ နာမည်ကျော်တစ်ဦး ဖြစ်နေသူပါ။ သူ့ရဲ့ Youtube Channel မှာဆိုရင် စောင့်ကြည့်သူ ၆ သန်းခန့်ရှိပြီး Instagram မှာလည်း Follower  ၃.၁ သန်းကျော်ရှိသူတစ်ယောက်ဖြစ်ပါတယ်။

၃။ မာခ် သော့မတ်စ်
အသက် ၁၆ နှစ်

ဗီဒီယိုတွေတင်ခြင်း၊ စာပို့ခြင်းနဲ့ live  လွှင့်လို့ရတဲ့ musical.ly ဆိုတဲ့တရုတ် ဗီဒီယိုဆိုရှယ်မီဒီယာ Musical.ly ၊ YouNow နဲ့ Instagram တို့မှာ နာမည်ကျော်တစ်ဦးဖြစ်တဲ့ မာခ် သော့မတ်စ်ဟာ musical.ly မှာ Follower ၄.၇ သန်းကျော်ရှိပြီး Instagram မှာ ၂.၉ သန်းကျော်ရှိသူတစ်ယောက်လည်း ဖြစ်ပါတယ်။

၂။ ဂျက်ကော့ ဆာတိုရီးယပ်စ်
အသက် ၁၅ နှစ်

အမေရိကန် ကလေးသရုပ်ဆောင်တစ်ဦးဖြစ်တဲ့ ဂျက်ကော့ ဟာ ဆိုရှယ်မီဒီယာတွေမှာ အဆိုတော်တွေရဲ့ သီချင်းတွေကို အသံကိုက်နှုတ်ခမ်းလှုပ်ပြီး ဆိုရတဲ့ဗီဒီယိုတွေ တင်ရာမှ နာမည်ကြီးလာသူတစ်ယောက်ဖြစ်ပြီး သူဟာ အသက် ၄ နှစ်လောက်ကတည်းက မွေးစားမိဘတွေနဲ့ နေထိုင်ခဲ့သူတစ်ယောက်လည်း ဖြစ်ပါတယ်။ ဂျက်ကော့ သူ့ရဲ့ ပထမဆုံး ဗီဒီယိုကို သူအသက် ၁၁ နှစ်ကတည်းက Vine မှာ တင်ခဲ့သူတစ်ယောက်ဖြစ်ပါတယ်။

၁။ဗာလန်တီနာ ပာလိုမာ ပီနော့(Valentina Paloma Pinault)
အသက် ၁၀ နှစ်



မက်ဆီကန် အမေရိကန် နာမည်ကျော်သရုပ်ဆောင်တစ်ယောက်ဖြစ်တဲ့ Salma Hayek ရဲ့ သမီးဖြစ်သူ ဗာလန်တီနာ ဟာ သူမငယ်ရွယ်စဉ်ကတည်းကပဲ ဒေါ်လာ ၁၂ သန်းတန် ရဲတိုက်တစ်ခုကို ပိုင်ဆိုင်တဲ့အတွက် နာမည်ကြီးခဲ့သူတစ်ယောက်လည်း ဖြစ်ပါတယ်။

လူမို (ရိုးရာလေး)

Ref :Brightside Knowledge : 10 Young People Were All Millionaires

Category: Article

ကလေးတွေ ရိုးသားဖြောင့်မှန်စွာ အရွယ်ရောက်ဖို့ လူကြီးမိဘတွေက စံနမူနာကောင်းဖြစ်နေဖို့ လိုပါတယ်

တခါတုန်းက တရုတ်ပြည်မှာ ကွန်ဖြူးရှပ် ပညာသင်ကြားပေးနေစဉ်ကာလက သူ့ရဲ့တပည့်တွေထဲမှာ ဥာဏ်ရည်ရော စာရိတ္တပါ ထူးချွန်တဲ့ ကျန်းဇီး ဆိုတဲ့ တပည့်တစ်ယောက်ရှိသတဲ့။

Category: Article

ကိုယ်တတ်နိုင်တဲ့ အတိုင်းအတာထက် ပိုလွန်တဲ့ ဇိမ်ခံမှုမျိုးကို ရှောင်ကြဉ်ပါ

ဟိုးရှေးရှေးတုန်းက ရှီဝှမ်တီဘုရင် မတိုင်ခင်မှာ တရုတ်ပြည်က တိုင်းပြည်ငယ်လေးတွေအဖြစ် ပြန့်ကျဲနေတဲ့ အချိန်ပေါ့။

Category: Knowledge

တေးသံရှင် လွှမ်းမိုးရဲ့ ကိုပေါသီချင်း မွေးဖွားပုံ မူလအစ

တေးရေးတေးဆိုလွှမ်းမိုးရဲ့ နာမည်ကျော်ကြားလူကြိုက်များပြီး အောင်မြင်ခဲ့တဲ့ ကိုပေါသီချင်းကို စာဖတ်သူတို့ သိကြမယ်ထင်ပါတယ်။

“ တစ်ခါတုန်းကတို့ရွာမှာ သဘောကောင်းပြီးဆင်းရဲတဲ့ ကိုပေါလို့ အများခေါ်တယ် ပေါချာချာလူတစ်ယောက်ရယ်” ဆိုတာလေးနဲ့ အစချီလို့ ဟာသရသနှောထားတဲ့ ရင်နင့်ဖွယ်ရာ သီချင်းလေးတစ်ပုဒ်ဟာ စာရေးသူတို့ ရင်ထဲမှာ နှစ်ပေါင်းများစွာတိုင် မမေ့နိုင်ခဲ့တဲ့ ဇာတ်လမ်းတစ်ပုဒ်၊ သီချင်းတစ်ပုဒ်ပါ။ ဒီသီချင်းနားထောင်တိုင်းမှာ သီချင်းချည်းသီးသန့်ကြားနေရတာမဟုတ်ဘဲ ဇာတ်လမ်းလေးတစ်ပုဒ်ကိုပါ မျက်စိထဲ မြင်လာခဲ့ကြဖူးကြမယ်ထင်ပါတယ်။ ဒါဖြင့် ဒီဇာတ်လမ်းဟာ ဘယ်ကစပါသလဲ။ လွှမ်းမိုးဟာ ကိုယ်တွေ့ဖြစ်ရပ်တွေကို သီချင်းလုပ်တတ်လွန်းလို့ ဒီသီချင်းဟာလည်း သူ့ကိုယ်တွေ့ဖြစ်မယ်လို့ ယူဆကြသူတွေလည်း ရှိခဲ့ကြပါတယ်။ တကယ်ကတော့ ဒီသီချင်းကို လွှမ်းမိုးရေးသားခဲ့တာမဟုတ်ဘဲ တေးရေးစောဘွဲ့မှူးက ရေးဖွဲ့သီကုံးခဲ့တာပါ။

တကယ်တမ်း ဒီသီချင်းရဲ့ Origin ကတော့ဖြင့်၊
သီချင်းကိုမပြောမီ ပုံပြင်လေးတစ်ပုဒ်အရင်ပြောပါရစေ။ သိဖူးကြားဖူးပြီးသားသူတွေလည်း ရှိမှာပါ။ ဆရာကြီးမင်းသုဝဏ်ရဲ့ နာမည်ကြီးလက်ရာကောင်းတစ်ခုဖြစ်တဲ့ “ ဘကြီးအောင် ညာတယ်” ဆိုတဲ့ ပုံပြင်လေးပါ။ ဒီပုံပြင်ကို သိနေတဲ့သူတွေကတော့ ဘယ်လိုဆက်စပ်ရမယ်ဆိုတာ သိနေလောက်ပါပြီ။ မသိသေးတဲ့သူတွေအတွက် အကြမ်းဖျဉ်းပြောပြပါရစေ။
ရွာတစ်ရွာမှာ ဘကြီးအောင်ဆိုတဲ့ ပန်းပုပညာရှင်တစ်ယောက်ရှိပါတယ်။ ရွာထဲက ကလေးလေးတစ်ယောက်ဟာ ဘကြီးအောင် ပန်းပုထုတဲ့နေရာကို နေ့တိုင်းနေ့တိုင်း စိတ်ဝင်တစား လာကြည့်တတ်ပါတယ်။ တစ်နေ့မှာတော့ ဘကြီးအောင်က ယမင်းရုပ်ကလေးတစ်ရုပ်ကို လှလှလေးဖြစ်အောင် ထုဆစ်နေတုန်း ကလေးလေးရောက်လာပြီး မပြီးသေးတဲ့ ယမင်းရုပ်လေးကို လိုချင်သွားပါတယ်။ ဒါပေမဲ့ ကလေးဆိုတော့ ပိုက်ဆံကလည်းမရှိ အရုပ်ကလေးကလည်း မပြီးသေးဆိုတော့ ဘကြီးအောင်က ကလေးကို ယမင်းရုပ်လေးကို ရချင်ရင် သားက ပိုက်ဆံဒီလောက်စုပြီးပြန်ခဲ့နော်။ အဲ့ဒီအခါတော့ ဘကြီး ပေးမှာပေါ့ဆိုပြီး နှစ်သိမ့်လွှတ်လိုက်ပါတယ်။ ကလေးတွေဟာ အရုပ်မြင်ရင် လိုချင်တတ်စမြဲမို့ သူလည်း အလေးအနက်တော့ မထားခဲ့မိဘူးထင်ပါရဲ့လေ။ ကလေးလေးကတော့ ဘကြီးအောင်စကားကို အတည်ယူ အမှန်တွေထင်လို့ ပိုက်ဆံကို မစားရက်မသောက်ရက်စုပါတော့တယ်။ သူ့ရဲ့စုဘူးလေးပြည့်သွားလို့ မျှော်လင့်တကြီးနဲ့ ဝမ်းသာအားရ ဘကြီးအောင်ဆီပြေးပြီး ယမင်းရုပ်လေးသွားဝယ်တဲ့အခါမှာတော့ ယမင်းရုပ်ကလေးဟာ အခြားသူတစ်ယောက်ကို ရောင်းနှင့်ပြီးသားဖြစ်နေပါပြီ။ ကိုယ်လိုချင်တဲ့ အရုပ်ကလေးဟာ တစ်ပါးသူလက်ထဲရောက်နေတာကို မျက်မြင်တွေ့လိုက်ရတဲ့ကလေးဟာ စိတ်နှလုံး ညှိုးခြုံးပြီး ယမင်းရုပ်လေးကို စွဲလမ်းလို့ မအိပ်နိုင် မစားနိုင်နဲ့ ဒီဝေဒနာကို မကျော်လွှားနိုင်တော့ဘဲ သေဆုံးခဲ့ရပါတော့တယ်။ သူမသေဆုံးခင် နောက်ဆုံးပြောသွားတဲ့စကားလေးက တစ်ခွန်းတည်းပါ။
“ ဘကြီးအောင် ညာတယ်” တဲ့..

 

ဒီအဖြစ်တွေကို သိသွားတဲ့ ဘကြီးအောင်ဟာလည်း နောင်တကြီးစွာရပြီး နေ့စဉ်နေ့တိုင်း ကလေးရဲ့အုတ်ဂူရှေ့သွားပြီး ကလေးရဲ့ခွင့်လွှတ်မှုကို နေ့တိုင်းတောင်းခံလို့ နောင်ဘယ်သောအခါမှ မုသားစကားမဆိုလေတော့ပါဘူး။ ကတိတစ်ခုပေးပြီး မဖျက်တော့ပါဘူးရယ်လို့ နေ့စဉ် သစ္စာစကားဆိုပါတော့တယ်တဲ့။ ဒီပုံပြင်ကို ဆရာမင်းသုဝဏ်ရဲ့ လက်ရာအတိုင်းဖတ်ခဲ့ရတဲ့ အချိန်တုန်းက စာရေးသူ ဖတ်မိတိုင်း ငိုပါတယ်၊ ကြေကွဲရပါတယ်၊ ယမင်းရုပ်ကလေးကို ကိုယ်ကိုယ်တိုင် ဆုံးရှုံးသွားရသလို ခံစားရပါတယ်။ ဒီပုံပြင်ကို အကြမ်းအားဖြင့် ပြောပြရင်း စာရေးသူရဲ့ စာရေးသားပုံ မချောမွေ့မှုကြောင့် ထောင့်နေခဲ့သည်ရှိသော် ဆရာကြီးမင်းသုဝဏ်ကို ဒီနေရာကနေ ကန်တော့ပြီး တောင်းပန်ပါတယ်။ (မရှိတော့သော်လည်း )

ဒီပုံပြင်လေးဟာ တကယ်ကိုကောင်းမွန်လွန်းတာကြောင့် ပုံပြင်မူရင်းအတိုင်း သီချင်းဖွဲ့ပြီးသီဆိုခဲ့ကြတာတွေလည်း ရှိပါတယ်။ ဘကြီးအောင် ညာတယ် ဆိုတဲ့ နာမည်နဲ့ သီချင်းရှိပါတယ်။ သီချင်းတင်မက ပြဇာတ်တွေ၊ ဝတ္ထုတွေကိုပါ ဖြန့်ကျက်ရေးသားခဲ့ကြပါတယ်။ ဒီလိုရေးသားကပြသီဆိုခဲ့ကြသူတွေထဲမှာ ရန်ကုန်ဘဆွေကလည်း တစ်ယောက်အပါအဝင်ပါ။
သူကတော့ ဘက်စုံကျွမ်းကျင်သူလို့ဆိုရမလားမသိလေတော့ သူကျွမ်းကျင်တဲ့ အရာတစ်ခုအဖြစ် ပုံဖော်အသက်သွင်းခဲ့ရာမှာ ဘကြီးအောင်ညာတယ်ကို ပြဇာတ်ပုံစံနဲ့ အသက်သွင်းခဲ့ပါတယ်။ ဒီပြဇာတ်မှာတော့ ဘကြီးအောင်မပါသလို ယမင်းရုပ်လေးလည်းမပါပါဘူး။ ကလေးလေးလည်းမပါသလို စုဘူးလေးလည်းမပါပါဘူး၊ ဒီပြဇာတ်မှာ ပါဝင်တဲ့သူတွေဟာ အဲ့ဒီခေတ်ကာလတုန်းက နာမည်ကြီး မင်းသားမင်းသမီးတွေလည်း မဟုတ်ခဲ့ပါဘူး။ မထင်မရှား မင်းသားမင်းသမီးနောက်နားမှာ နေရတဲ့ ယိမ်းသမလေးတစ်ယောက်နဲ့ လူရွှင်တော်တစ်ယောက်သာ ပါဝင်ခဲ့တာပါ။

ပြဇာတ်အသွားကတော့ ကိုပေါသီချင်းရဲ့ Origin ဆိုတဲ့အတိုင်း ကိုပေါသီချင်းလိုပါပဲ။ ကိုပေါလို့ခေါ်တဲ့ လူတစ်ယောက်ဟာ သူအလုပ်လုပ်တဲ့ အိမ်က သူဌေးသမီးကိုချစ်မိပါတယ်။ သူဌေးသမီးကလည်း ဒီလိုရူးတူးတူးပေါတောတောကို ငါကြိုက်စရာလား ဆိုတဲ့ အတွေးရှိပေမယ့် အရူးအပေါက သူ့ကို အရူးအမူးချစ်တာကို ဟာသလုပ်ချင်တဲ့သဘောနဲ့ ငွေ ၁၀၀၀၀ ရှာပါ။ ရရင်လက်ထပ်မယ်ဆိုပြီး ကတိပေးလို့ ကွယ်ရာမှာတော့ သူ့ချစ်သူနဲ့အတူ ရယ်ပွဲဖွဲ့ခဲ့ကြပါတယ်။ ကိုပေါဟာ နေပူမရှောင်၊ မိုးရွာမရှောင် တစ်ရွာလုံးမှာ ရှိသမျှအလုပ်တွေလုပ်ရင်း အလုပ်တွေကြိုးစားလှချည်လား မိန်းမယူတော့မလို့လား မေးတိုင်း သူဌေးသမီးလေးနာမည်ကိုပြောလို့ သူ့ကိုယူမယ်ဆိုတဲ့ စကားတစ်ခွန်းကို တကယ်ထင်မှတ်ပြီး မမောနိုင် မပန်းနိုင် ကြိုးစားပြီး ငွေရှာပါတော့တယ်။ သတ်မှတ်ထားတဲ့ ငွေကြေးပြည့်စုံခါနီးမှာပဲ သူသဘောကျတဲ့ သူဌေးသမီးလေးက သူ့ချစ်သူနဲ့ အိမ်ထောင်ပြုသွားတဲ့အချိန်မှာတော့ သူဟာ ရင်ကွဲပက်လက်နဲ့ စိတ်ထောင်းကိုယ်ကြေဖြစ်ပြီး ဒီဒဏ်နဲ့ သေဆုံးခဲ့ရပါတော့တယ်။ မူရင်းပြဇာတ်မှာတော့ သူဌေးသမီး နောင်တရတဲ့အခန်းမပါပေမယ့် နောက်ပိုင်း အဆင်မပြေမှုအချို့ဖြစ်လာပြီး နောင်အခါ ဂီတနက်သန် ကိုစောညိန်း ဖြစ်လာမယ့် ကိုစောညိန်းပါ ပါဝင်ကပြခဲ့ရပြီး သူ့ရဲ့ပုံစံနဲ့ ကိုပေါလို ရူးတူးတူးပေါတောတော လုပ်မရတဲ့အခါမှာ ကိုပေါရဲ့ညီလုပ်ခဲ့ရပါတယ်။ သူဌေးသမီးကို လက်ညှိုးငေါက်ငေါက်ထိုးလို့ အစ်ကိုသေဆုံးမှုအတွက် နာနာကျည်းကျည်းပြောတဲ့အခါမှသာ ချစ်သူနဲ့ယူလိုက်ရပေမယ့် အိမ်ထောင်ရေးအဆင်မပြေခဲ့တဲ့ သူဌေးသမီးဟာ သူမရည်ရွယ်ဘဲ ပြောလိုက်မိတဲ့ စကားတစ်ခွန်းကြောင့် အသက်ပါပေးဆပ်ခဲ့ရတဲ့ ကိုပေါအတွက် နောင်တတွေ တစ်သီကြီးရခဲ့ပါတယ်။ ဒီအကြောင်းနဲ့ ဒီအခန်းကိုတော့ တစ်ခါသာ ကပြခဲ့တယ်လို့သိရပါတယ်။ တစ်ခါဆို ဆိုသလောက်လည်း လာကြည့်သမျှ ပွဲကြည့်ပရိတ်သတ်ကို မျက်ရည်ချူခဲ့တဲ့ ပြဇာတ်တစ်ခုပါပဲ။

ဒီပြဇာတ်နဲ့ ဒီအကြောင်းဟာ အောင်မြင်လွန်းပြီး ခေတ်တွေပြောင်းလာပေမယ့် ရှေ့မီနောက်မီလူကြီးတွေရဲ့ ပါးစပ်ဖျားမှာ စွဲထင်ကျန်ခဲ့ရာက စောဘွဲ့မှူးတို့ကြီးစိုးတဲ့ခေတ်နဲ့ နောက်ပိုင်းခေတ်တွေထိ ပေါက်မြောက်ခဲ့ပြီး လွှမ်းမိုးရဲ့ ကိုပေါသီချင်းရယ်လို့ ဂန္ထဝင် တွင်ခဲ့ပါတောတ့ယ်။ မော့စ်ကလည်း ကိုပေါအကြောင်း ရုပ်ရှင်ရိုက်ထားတာရှိပါသေးတယ်။ နောက်ပိုင်း ဒီဘက်ခေတ်မှာ ကိုပေါရုပ်ရှင်အတွက် ကန်တော့ပွဲပေးတာတွေ၊ ကိုပေါသီချင်းကို ပြန်ဆိုတာတွေ ရှိခဲ့ပေမယ့် မူရင်းတွေလောက် ရင်ထဲမရောက်တော့သလို ခံစားရပါတယ်။ (ဒါဟာ အနုပညာရှင်တွေကို စော်ကားလိုရင်းမဟုတ်ပါဘူး။ စာရေးသူတစ်ဦးတည်းရဲ့ အမြင်ကိုသာ ဖော်ပြတာပါ ) ရင်ထဲမှာ စွဲကျန်နေပြီးသားဖြစ်တဲ့ ကိုပေါပုံရိပ်ကိုလည်း မပျောက်ကွယ်သွားစေချင်တာမို့ ဒီဆောင်းပါးလေးနဲ့ပဲ ကိုပေါကို ဖန်တီးခဲ့သူ ဆရာကြီးမင်းသုဝဏ်ကစလို့ ရန်ကုန်ဘဆွေ အလယ်၊ စောဘွဲ့မှူး၊ လွှမ်းမိုးနဲ့ ဦးမော့စ်တို့အဆုံး ဂါရဝပြုလိုက်ရပါတယ်။

Angelic Demon ( ရိုးရာလေး )

Category: Knowledge

စိတ်ကူးလေးတစ်ခုသာ လိုပါတယ်

လူ့ဘောင်လောကမှာ အောင်မြင်ဖို့ အပတ်တကုပ် ကြိုးစားအားထုတ်နေကြသူတွေ၊ အောင်မြင်ခဲ့ကြသူတွေကို ကြည့်တဲ့အခါမှာ သင်ဘာကိုတွေ့မိပါသလဲ။

Category: Article

တခြားသူတွေနဲ့ ကိုယ့်ဘဝကို နှိုင်းယှဉ်ပြီး အားငယ်နေမယ့်အစား ပျော်ပျော်ရွှင်ရွှင် အသက်ရှင်ပါ

တစ်ခါတုန်းက တောထဲမှာနေတဲ့ ကျီးကန်းတစ်ကောင်ဟာ သူ့ဘဝသူ ကျေနပ်ရင်း ပျော်ပျော်ရွှင်ရွှင်အသက်ရှင်နေခဲ့ပါတယ်။

Category: Knowledge

ပတ္တမြားငမောက်ကို ပြန်တောင်းရန် သီပေါမင်းရဲ့ မြစ်ဖြစ်သူ ဦးစိုးဝင်းလန်ဒန်သို့ရောက်ရှိနေ

ပတ္တမြားငမောက်ဟာ မြန်မာနိုင်ငံကို ဗြိတိသျှနယ်ချဲ့တွေ နယ်ချဲ့တုန်းက အလွဲသုံးစားပြုလုပ်ခြင်းခံရတဲ့ တိုင်းပြည်သယံဇာတ တစ်ခု ဖြစ်ပါတယ်။ အရပ်ပြော စကားများအရတော့ ငမောက်ပတ္တမြားကို မြန်မာ တော်ဝင်မျိုးဆက်တွေထံမှ ဗြိတိသျှ အရာရှိတစ်ယောက် ခိုးယူသွားခဲ့ပြီး ဘုရင်မကြီးရဲ့ သရဖူထဲမှာ ထည့်သွင်းတပ်ဆင်ထားတယ် လို့ဆိုကြပါတယ်။

Category: Knowledge

ကျီးမနိုးပွဲနဲ့ တန်ဆောင်မုန်းလပြည့်ကျော်တစ်ရက်နေ့

တန်ဆောင်မုန်း လပြည့်ကျော်တစ်ရက်နေ့ဟာ နက္ခတ်စုံတဲ့နေ့ဖြစ်တယ်ဆိုတာကိုတော့ စာဖတ်သူတို့ သိနှင့်ပြီးသားဖြစ်ပါလိမ့်မယ်။ ကျီးမနိုးပွဲဆိုတာကိုလည်း ကြားဖူးနေကျဖြစ်ပါလိမ့်မယ်။ ကျီးမနိုးပွဲဆိုတာ ညဘက်မှာ ရပ်ကွက်ထဲရှိတာတွေ ပတ်ခိုးပြီး ကြက်ခိုး၊ သတ်ပြီး ဘူးသီးနဲ့ချက်စားကြတဲ့ပွဲများလား? မဟုတ်ပါဘူး။ ရှေးကတော့ ကျီးမနိုးပွဲဆိုတာ ကိုယ်စွမ်းကိုယ်စ၊ ဆေးမင်အစွမ်းကို စမ်းကြတဲ့ပွဲဖြစ်ပြီး ချစ်စရာကောင်းတဲ့ အလေ့အထတစ်ခုပါ။


တန်ဆောင်မုန်း လပြည့်ကျော် (၁)ရက်နေ့ဟာ နက္ခတ်စုံပြီး ကြတ္တိကာနက္ခတ်နဲ့ ယှဉ်တဲ့နေ့ဖြစ်တဲ့အလျောက် ဆေးမင်ထိုးပြီး သဒ္ဓိတင်ဖို့လိုတဲ့ ကာလသားတွေကို ဒီနေ့မှာ ဆေးမင် ထပ်ဆင့်ထိုးနှံပြီး သိဒ္ဓိအသစ်တင်ပေးကြပါတယ်။ ဒါဟာ မင်ကြောင်ထိုးတဲ့ ဒုတိယမြောက်တစ်ခေါက်ဖြစ်ပြီး ဂဝံ၊ ကြောင်ရုပ်၊ သူရဿတီနတ်သမီးရုပ်တို့ကို ဖြည့်သွင်းထိုးနှံပါတယ်။ (စာရေးသူ ရေးသားတာ အစီအစဉ်မကျသောကြောင့် စာဖတ်သူတို့ နားရှုပ်ထွေးခဲ့ပါက သည်းခံခွင့်လွှတ်ပေးကြပါ။ ပထမတစ်ခေါက် ထိုးသည့်အကြောင်းကို အလျဉ်းသင့်သလို တင်ပေးပါမည်။) ကြတ္တိကာနက္ခတ်ဟာ အဟန့်၊အမှောင်စတာတွေအတါက် အကျိုးပေးတယ်လို့ ယုံကြည်ကြတာကြောင့် ဒီလို အဟန့်အမှောင်နဲ့ဆိုင်တဲ့ ဆေးအင်းတွေကို ဒီညမှာထိုးကြပါတယ်။
ဒီလိုထိုးပြီးရုံနဲ့ ကာလသားတို့တာဝန်မကျေပါဘူး ထိုးခဲ့တဲ့ ဆေးမင်တွေကို ဘယ်လောက်အောင်မြင်ပြီးစီးတယ်ဆိုတဲ့အကြောင်း လက်တွေ့စမ်းသပ်ရတဲ့ ထုံးတမ်းရှိပါတယ်။ ဒါကြောင့် ဆေးမင်ဝိုင်းကနေ ထွက်လာပြီး မှောင်ရိပ်ခိုလို့ သန်းခေါင်ဗိုလ်လုပ်ကြပါတယ်။ ဆိုလိုတာကတော့ မှောင်ရိပ်ခိုလို့ ရွာပတ်ခိုးရပါတယ်။ ခိုးတယ်ဆိုသော်ငြား လွယ်ကူလှတာတော့မဟုတ်ပါဘူး။ လရောင် ထိန်ထိန်လင်းနေတဲ့အပြင်ကို လူအားလုံးကလည်း မအိပ်ဘဲစောင့်နေကြတာပါ။ ဒါပေမဲ့ ဆေးမင်ဝိုင်းက ထလာတဲ့ ကာလသားတို့အတွက်တော့ ဆေးအောင်ရင် မှောင်ရိပ်ခိုလိုက်တာနဲ့ ကိုယ်ပျောက်တယ်လို့ ယုံကြည်ကြပါတယ်။


ဒီလိုနဲ့ ခိုးလို့ရလာတဲ့ပစ္စည်းတွေကို ရွာလယ်စည်းဝိုင်းထဲ စုပုံထည့်ထားရပါတယ်။ ခိုးနေတာကို မိသွားရင်တော့ ဒီ ရွာလယ်မဏ္ဍပ်မှာတင် မကောင်းတဲ့အကျင့်ဆိုးတွေကို ဆေးကြောပစ်မယ်လို့ ဆိုပြီး တစ်ကိုယ်လုံးရွှဲစိုအောင် ရေလောင်းပြီး ဆံပင်တွေကို ညှပ်လို့ ကတုံးပါရိတ်ပေးလိုက်ကြပါတယ်။ ပြီးရင်တော့ မဏ္ဍပ်တိုင်မှာ ကြိုးနဲ့ချည်နှောင်ထားပါတယ်။ ရောင်နီလာရင်တော့ အခိုးခံရတဲ့အိမ်တွေက ကိုယ့်ပစ္စည်းကို အခကြေးငွေနဲ့ ပြန်ပြီးဝယ်ယူရပါတယ်။ ပုံထားတဲ့ အပုံက မြင့်လွန်းလို့ ကိုယ်ကိုယ်တိုင် မဖြုတ်နိုင်ရင်လည်းဖြုတ်ယူခပေးလို့ ဖြုတ်ခိုင်းရပါသေးတယ်။ ဒီလိုမှမဟုတ်ဘဲ ကိုယ်ကိုယ်တိုင် တက်ဖြုတ်လိုက်လို့ အခြားပစ္စည်းတွေ ပြုတ်ကျပျက်စီးခဲ့သည်ရှိသော် လျော်ရပါတယ်။ ဒီခိုးရာပါပစ္စည်းတွေကို ရောင်းလို့ရတဲ့ငွေနဲ့သင်္ကန်း ပရိက္ခရာတွေကိုဝယ်ယူပြီး ခေါင်းတုံးပြီးဖြစ်နေတဲ့ ခိုးသားတွေကို ရှင်ပြု၊ ရဟန်းခံခြင်းအမှုကို ပြုပါတယ။် ကျီးမနိုးခင်အချိန်မှာ ဒါတွေအားလုံးကို အပြီးအစီးလုပ်ဆောင်ကြတဲ့ပွဲမို့ ဒီပွဲကို ကျီးမနိုးပွဲလို့ခေါ်ပါတယ်။


ရှေးက ချစ်စရာဓလေ့တစ်ခုဖြစ်ပေမယ့် ခုချိန်မှာတော့ ကျီးမနိုးပွဲကို အခွင့်ကောင်းယူလို့ ပစ္စည်းတွေခိုးသွားကြပြီး ပြန်မပေးတာမျိုးတွေ၊ သူများအိမ်က ကြက်ကိုခိုးလို့ သတ်ပြီးချက်စားတာမျိုးတွေဟာ အချို့သော နယ်တွေမှာ ရှိနေဆဲပါ။ ရိုးရာဓလေ့ကို ထိန်းသိမ်းတယ်ဆိုသော်လည်း လွဲမှားနေတာမို့ ခိုးခံရတဲ့ ပိုင်ရှင်တွေလည်း ဒုက္ခရောက်ကြတာမျိုးတွေ ရှိပါတယ်။ ချစ်စရာကောင်းတဲ့ ဓလေ့ကို ချစ်စရာကောင်းအောင် ထိန်းသိမ်းကြရင်း မြန်မာတို့ရဲ့ ယဉ်ကျေးမှုထုံးတမ်းတွေ မကွယ်ပျောက်သွားစေဖို့ ကျွန်မတို့ လူငယ်တွေ ကြိုးစားကြရအောင်လား ရှင်….

Angelic Demon (ရိုးရာလေး)

Category: Article

ရင်ဘတ်ထဲမှာ အမုန်းတရားတွေကို အလေးခံပြီး သိမ်းမထားပါနဲ့

တစ်ခါတုန်းက သူငယ်တန်း ဆရာမ တစ်ယောက်က ကျောင်းသားတွေကို အသိပညာပေးချင်တဲ့ အတွက် ဂိမ်းလေး တစ်ခု ကစားကြဖို့ ပြောပါတယ်။

Category: Knowledge

အိုင်ယာလန်နိုင်ငံမှာ မြွေတစ်ကောင်မှ မရှိတဲ့ အကြောင်းရင်း

ဥရောပတိုက် အနောက်မြောက်ဘက်ပိုင်းမှာတည်ရှိတဲ့ အိုက်ယာလန်နိုင်ငံက ဒဏ္ဍာရီတစ်ခုအရတော့ ငါးရာစုခန့် က ခရစ်ယာဘုန်းတော်ကြီး စိန့်ပက်ထရစ် အိုက်ယာလန်နိုင်ငံကို သာသနာပြုလာရောက်တဲ့အခါ စိန့်ပက်ထရစ်ဟာ အိုက်ယာလန်မှ မြွေများအားလုံးကို မောင်းနှင်ခဲ့တယ်လို့သိရပါတယ်။

Category: Knowledge

အိုင်စတိုင်းရဲ့ ပျော်ရွှင်ခြင်းရဲ့လျှို့ဝှက်ချက်စာရွက် ဒေါ်လာ ၁.၅ သန်းဖြင့် လေလံအောင်ခဲ့

နာမည်ကျော်ရူပဗေဒပညာရှင် အိုင်စတိုင်းတစ်ယောက် ဂျပန်ပြည်ကို ရောက်စဉ်က ဂျပန်သတင်းပို့သူတစ်ယောက်ကို ဘောက်ဆူးအစား ရေးပေးခဲ့တဲ့ ပျော်ရွှင်မှုရဲ့ လျှို့ဝှက်ချက်ဆိုတဲ့ စာရွက်လေးတစ်ရွက်ဟာ ဒေါ်လာ ၁ သန်းခွဲ ဖြင့် ရောင်းထွက်သွားခဲ့ပါတယ်။