အသက်အန္တရာယ်ရှိတဲ့ မြွေကိုက်ခံရမှုအများဆုံး ခံရသူအဖြစ် ဂင်းနက်စ် စံချိန်တင်ထားသူကတော့ အမေရိကန်နိုင်ငံသား ဘီလ်ဟက်စ် ဖြစ်ပါတယ်။ သူ့ဘဝတစ်လျှောက်မှာ ၁၇၂ ကြိမ်အထိ အဆိပ်ရှိတဲ့မြွေတွေ ကိုက်တာ ခံခဲ့ရတာပါ။
![](https://yoyarlay.com/wp-content/uploads/2024/06/8.6.2024-yyl-2.jpg)
၁၁ နှစ်သားအရွယ်ကတည်းက မြွေတွေကို စိတ်ဝင်စားခဲ့တဲ့ ဘီလ်ဟက်စ်ဟာ နွေရာသီ လူငယ်ကင်းထောက်စခန်းမှာ ပထမဆုံးအကြိမ် မြွေကိုက်ခံခဲ့ရပြီး မြွေကိုက်ရာကို ဓားနဲ့လှီးကာ ပိုတက်ဆီယမ်ဆေး အုံခဲ့ပါတယ်။ ပြီးတော့ စခန်းရှိရာကို ၄ မိုင်အကွာအဝေး လမ်းလျှောက် ပြန်လာခဲ့တာပါ။ စခန်းရောက်တော့ ဆရာဝန် ပြခဲ့ပေမဲ့ နောက်ထပ် ကုသစရာမလိုဘဲ သက်သာ ပျောက်ကင်းသွားခဲ့ပါတယ်။
နောက်ပိုင်းမှာတော့ မြွေတွေကို စိတ်ဝင်စားမှု တိုးလာတဲ့ ဘီလ်ဟက်စ်က မြွေဖမ်းသမားအဖြစ် ကျင်လည်ခဲ့ပြီး ပရိသတ်အလယ်မှာ လက်ဗလာနဲ့ မြွေဆိပ်ထုတ်ပြတဲ့ အလုပ်ကို အသက်မွေးဝမ်းကျောင်းအဖြစ် လုပ်ကိုင်ခဲ့သူပါ။ မြွေခေါင်းကို ကိုင်ပြီး ရာဘာအမြှေးပါးခံထားတဲ့ ဖန်ပုလင်းထဲကို မြွေဆိပ်အန်ထုတ်အောင် လုပ်တာပါ။
![](https://yoyarlay.com/wp-content/uploads/2024/06/8.6.2024-yyl-3-1024x1024.jpg)
ဘီလ်ဟက်စ်က မြွေအကောင်ရေ ရာချီကို ဖမ်းပြီး တစ်နေ့ကို အကြိမ်ရေ ၆၀ ကနေ ၁၀၀ ကြား မြွေဆိပ်ထုတ်လေ့ရှိပါတယ်။ မြွေခြံတစ်ခု ဆောက်ထားပြီး မြွေဆိပ်ကို ဆေးဘက်ဆိုင်ရာနဲ့ သုတေသနလုပ်ခဲ့သူပါ။ ဘီလ်ဟက်စ်ဟာ အသက် ၁၀၀ အထိ နေခဲ့ရပြီး ၂၀၁၅ ခုနှစ်မှာ ကွယ်လွန်ခဲ့တာပါ။
Ref: Bill Haast
NZ ( ရိုးရာလေး)